ثُمَّ أَرْسَلْنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلْطَٰنٍ مُّبِينٍ ﴿٤٥﴾ إِلَىٰ فِرْعَوْنَ وَمَلَإِي۟هِۦ فَٱسْتَكْبَرُوا۟ وَكَانُوا۟ قَوْمًا عَالِينَ ﴿٤٦﴾ فَقَالُوٓا۟ أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَٰبِدُونَ ﴿٤٧﴾ فَكَذَّبُوهُمَا فَكَانُوا۟ مِنَ ٱلْمُهْلَكِينَ ﴿٤٨﴾ وَلَقَدْ ءَاتَيْنَا مُوسَى ٱلْكِتَٰبَ لَعَلَّهُمْ يَهْتَدُونَ ﴿٤٩﴾
പിന്നീട് മൂസായെയും അദ്ദേഹത്തിന്റെ സഹോദരന്‍ ഹാറൂനെയും നമ്മുടെ ദൃഷ്ടാന്തങ്ങളോടും, വ്യക്തമായ പ്രമാണത്തോടും കൂടി നാം അയക്കുകയുണ്ടായി. ഫിര്‍ഔന്‍റെയും, അവന്റെ പ്രമാണിസംഘത്തിന്‍റെയും അടുത്തേക്ക്. അപ്പോള്‍ അവര്‍ അഹംഭാവം നടിക്കുകയാണ് ചെയ്തത്‌. അവര്‍ പൊങ്ങച്ചക്കാരായ ഒരു ജനതയായിരുന്നു. അതിനാല്‍ അവര്‍ പറഞ്ഞു: നമ്മളെപ്പോലെയുള്ള രണ്ടുമനുഷ്യന്‍മാരെ നാം വിശ്വസിക്കുകയോ? അവരുടെ ജനതയാകട്ടെ നമുക്ക് കീഴ്‌വണക്കം ചെയ്യുന്നവരാണ് താനും. അങ്ങനെ അവരെ രണ്ടുപേരെയും അവര്‍ നിഷേധിച്ചു തള്ളിക്കളഞ്ഞു. തന്നിമിത്തം അവര്‍ നശിപ്പിക്കപ്പെട്ടവരുടെ കൂട്ടത്തിലായിത്തീര്‍ന്നു. അവര്‍ (ജനങ്ങള്‍) സന്‍മാര്‍ഗം കണ്ടെത്തുന്നതിന് വേണ്ടി മൂസായ്ക്ക് നാം വേദഗ്രന്ഥം നല്‍കുകയുണ്ടായി. (ഖു൪ആന്‍ :23/45-49)
പൊതുവായ ശിക്ഷയും ജിഹാദും
يُخْبِرُ تَعَالَى أَنَّهُ بَعَثَ رَسُولَهُ مُوسَى ، عَلَيْهِ السَّلَامُ ، وَأَخَاهُ هَارُونَ إِلَى فِرْعَوْنَ وَمَلَئِهِ ، بِالْآيَاتِ وَالْحُجَجِ الدَّامِغَاتِ ، وَالْبَرَاهِينِ الْقَاطِعَاتِ ، وَأَنَّ فِرْعَوْنَ وَقَوْمَهُ اسْتَكْبَرُوا عَنِ اتِّبَاعِهِمَا ، وَالِانقِيَادِ لِأَمْرِهِمَا ، لِكَوْنِهِمَا بَشَرَيْنِ كَمَا أَنْكَرَتِ الْأُمَمُ الْمَاضِيَةُ بِعْثَةَ الرُّسُلِ مِنَ الْبَشَرِ ، تَشَابَهَتْ قُلُوبُهُمْ ، فَأَهْلَكَ اللَّهُ فِرْعَوْنَ وَمَلَأَهُ ، وَأَغْرَقَهُمْ فِي يَوْمٍ وَاحِدٍ أَجْمَعِينَ ، وَأَنْزَلَ عَلَى مُوسَى الْكِتَابَ وَهُوَ التَّوْرَاةُ فِيهَا أَحْكَامُهُ وَأَوَامِرُهُ وَنَوَاهِيهِ ، وَذَلِكَ بَعْدَ مَا قَصَمَ اللَّهُ فِرْعَوْنَ وَالْقِبْطَ ، وَأَخْذَهُمْ أَخْذَ عَزِيزٍ مُقْتَدِرٍ; وَبَعْدَ أَنْ أَنْزَلَ اللَّهُ التَّوْرَاةَ لَمْ يُهْلِكْ أُمَّةً بِعَامَّةٍ ، بَلْ أَمَرَ الْمُؤْمِنِينَ بِقِتَالِ الْكَافِرِينَ ، كَمَا قَالَ تَعَالَى : ( وَلَقَدْ آتَيْنَا مُوسَى الْكِتَابَ مِنْ بَعْدِ مَا أَهْلَكْنَا الْقُرُونَ الْأُولَى بَصَائِرَ لِلنَّاسِ وَهُدًى وَرَحْمَةً لَعَلَّهُمْ يَتَذَكَّرُونَ ) [ الْقَصَصِ : 43 ] .
തന്റെ റസൂലായ മൂസാ عَلَيْهِ السَّلَامُ യെയും സഹോദരൻ ഹാറൂനെയും ഫിർഔന്റെയും അവന്റെ പ്രമുഖരുടെയും അടുത്തേക്ക് വ്യക്തമായ ദൃഷ്ടാന്തങ്ങളോടും അനിഷേധ്യമായ തെളിവുകളോടും പ്രകടമായ പ്രമാണങ്ങളോടും കൂടി താൻ നിയോഗിച്ചതായി അല്ലാഹു അറിയിക്കുന്നു. ഫിർഔനും അവന്റെ ജനതയും അവർ രണ്ടുപേരെയും (മൂസാ عَلَيْهِ السَّلَامُ യെയും ഹാറൂന്‍ عَلَيْهِ السَّلَامُ യെയും) പിന്തുടരുന്നതിൽ നിന്നും അവരുടെ കൽപ്പനകൾക്ക് കീഴ്‌പെടുന്നതിൽ നിന്നും അഹങ്കാരം നടിച്ചു; കാരണം അവർ രണ്ടുപേരും മനുഷ്യരായിരുന്നു. മുൻകാല സമുദായങ്ങൾ മനുഷ്യരിൽ നിന്നുള്ള ദൂതന്മാരുടെ നിയോഗത്തെ നിഷേധിച്ചതുപോലെ തന്നെയാണിത്. അവരുടെ ഹൃദയങ്ങൾ സമാനമായി തീർന്നു. അങ്ങനെ അല്ലാഹു ഫിര്‍ഔനേയും അവന്റെ പ്രമാണിമാരെയും നശിപ്പിച്ചു; ഒറ്റ ദിവസം കൊണ്ട് അവരെ മുഴുവൻ അവൻ മുക്കിക്കൊല്ലുകയും ചെയ്തു.
അല്ലാഹു മൂസാ عَلَيْهِ السَّلَامُ ക്ക് ഗ്രന്ഥം ഇറക്കിക്കൊടുത്തു; അതാണ് തൗറാത്ത്; അതിലാണ് അവന്റെ വിധികളും കൽപ്പനകളും വിലക്കുകളും ഉള്ളത്. അല്ലാഹു ഫിർഔനെയും ഖിബ്തികളെയും തകർത്തു തരിപ്പണമാക്കുകയും, പ്രതാപശാലിയും സർവ്വശക്തനുമായവന്റെ പിടുത്തം പിടിക്കുകയും ചെയ്തതിന് ശേഷമാണ് അത് നൽകിയത്. തൗറാത്ത് ഇറക്കിയതിന് ശേഷം, അല്ലാഹു ഒരു ജനതയെയും പൊതുവായി നശിപ്പിച്ചിട്ടില്ല; പകരം സത്യനിഷേധികളോട് യുദ്ധം ചെയ്യാൻ അവൻ സത്യവിശ്വാസികളോട് കൽപ്പിക്കുകയാണുണ്ടായത്. അല്ലാഹു പറഞ്ഞതുപോലെ:
وَلَقَدْ ءَاتَيْنَا مُوسَى ٱلْكِتَٰبَ مِنۢ بَعْدِ مَآ أَهْلَكْنَا ٱلْقُرُونَ ٱلْأُولَىٰ بَصَآئِرَ لِلنَّاسِ وَهُدًى وَرَحْمَةً لَّعَلَّهُمْ يَتَذَكَّرُونَ
പൂര്‍വ്വതലമുറകളെ നാം നശിപ്പിച്ചതിന് ശേഷം, ജനങ്ങള്‍ക്കു ഉള്‍കാഴ്ച നല്‍കുന്ന തെളിവുകളും മാര്‍ഗദര്‍ശനവും കാരുണ്യവുമായിക്കൊണ്ട് മൂസായ്ക്ക് നാം വേദഗ്രന്ഥം നല്‍കുകയുണ്ടായി. അവര്‍ ചിന്തിച്ച് ഗ്രഹിച്ചേക്കാമല്ലോ. (ഖു൪ആന്‍ :28/43) (ഇബ്നുകസീര്‍)
കുറെക്കാലം മുമ്പ് ചില പണ്ഡിതന്മാരുടെ ഒരു പരാമർശം എന്റെ ശ്രദ്ധയിൽപ്പെട്ടിരുന്നു – അദ്ദേഹത്തിന്റെ പേര് ഇപ്പോൾ ഓർമ്മയില്ല -: അത് ഇപ്രകാരമാണ്: മൂസാ നബി عَلَيْهِ السَّلَامُ യുടെ നിയോഗത്തിനും തൗറാത്തിന്റെ അവതരണത്തിനും ശേഷം അല്ലാഹു മുൻകാല സമുദായങ്ങളിൽ നിന്നുള്ള (പൊതുവായ) ശിക്ഷ ശിക്ഷ ഉയർത്തി (ഒഴിവാക്കി നൽകി). അതായത്: വേരോടെ പിഴുതെറിയുന്ന ശിക്ഷ (നശീകരണ ശിക്ഷ). മാത്രമല്ല, സത്യത്തെ നിഷേധിക്കുകയും അഹങ്കാരം നടിക്കുകയും ചെയ്തവരുമായി ജിഹാദ് ചെയ്യാൻ അവൻ നിയമമാക്കുകയും ചെയ്തു. ഈ ആശയം അദ്ദേഹം എവിടെ നിന്നാണ് എടുത്തതെന്ന് എനിക്ക് മനസ്സിലായിരുന്നില്ല. എന്നാൽ സൂറത്തുൽ ഖസസിലെ ആയത്തുകളോടൊപ്പം ഈ ആയത്തുകളും ഞാൻ ചിന്തിച്ചു നോക്കിയപ്പോൾ, അതിന്റെ ലക്ഷ്യം എനിക്ക് വ്യക്തമായി. ഈ ആയത്തുകൾ കൊണ്ടുദ്ദേശ്യം: ഒന്നിന് പിറകെ ഒന്നായി നശിപ്പിക്കപ്പെട്ട മുൻകാല സമുദായങ്ങളെ അല്ലാഹു പരാമർശിച്ചതിനു ശേഷം, അവർക്ക് ശേഷം അല്ലാഹു മൂസാ عَلَيْهِ السَّلَامُ യെ അയച്ചുവെന്ന് അറിയിക്കുന്നു എന്നതാണ്. അല്ലാഹു അദ്ധേഹത്തിന് തൗറാത്ത് അവതരിപ്പിച്ചു കൊടുത്തു; അതിൽ ജനങ്ങൾക്കുള്ള മാർഗ്ഗദർശനമുണ്ടായിരുന്നു. ഫിര്‍ഔനിന്റെ നാശം ഇതിന് ഒരു എതിരഭിപ്രായമായി വരുന്നില്ല; കാരണം അത് തൗറാത്ത് അവതരിക്കുന്നതിന് മുമ്പായിരുന്നു. സൂറത്തുൽ ഖസ്വസ്വിലുള്ള ആയത്തുകൾ (ഈ വിഷയത്തിൽ) വളരെ വ്യക്തമാണ്; ഫിർഔന്റെ നാശത്തെക്കുറിച്ച് പരാമർശിച്ചതിനു ശേഷം അല്ലാഹു ഇപ്രകാരം പറഞ്ഞു:
وَلَقَدْ ءَاتَيْنَا مُوسَى ٱلْكِتَٰبَ مِنۢ بَعْدِ مَآ أَهْلَكْنَا ٱلْقُرُونَ ٱلْأُولَىٰ بَصَآئِرَ لِلنَّاسِ وَهُدًى وَرَحْمَةً لَّعَلَّهُمْ يَتَذَكَّرُونَ
പൂര്‍വ്വതലമുറകളെ നാം നശിപ്പിച്ചതിന് ശേഷം, ജനങ്ങള്‍ക്കു ഉള്‍കാഴ്ച നല്‍കുന്ന തെളിവുകളും മാര്‍ഗദര്‍ശനവും കാരുണ്യവുമായിക്കൊണ്ട് മൂസായ്ക്ക് നാം വേദഗ്രന്ഥം നല്‍കുകയുണ്ടായി. അവര്‍ ചിന്തിച്ച് ഗ്രഹിച്ചേക്കാമല്ലോ. (ഖു൪ആന്‍ :28/43)
ഇത് അല്ലാഹു മുൻകാല അതിക്രമകാരികളായ ജനവിഭാഗങ്ങളെ നശിപ്പിച്ച ശേഷമാണ് മൂസാ عَلَيْهِ السَّلَامُ ക്ക് വേദഗ്രന്ഥം നൽകിയത് എന്നതിന് വ്യക്തമായ തെളിവാണ്. അത് ജനങ്ങൾക്ക് ഉള്‍കാഴ്ച നല്‍കുന്ന തെളിവുകളും മാര്‍ഗദര്‍ശനവും കാരുണ്യവുമായിട്ടാണ് അവതരിപ്പിച്ചതെന്നും അല്ലാഹു ഇതിലൂടെ വ്യക്തമാക്കുന്നു.
ഒരുപക്ഷേ ഇക്കൂട്ടത്തിൽ പെട്ടതായിരിക്കാം അല്ലാഹു സൂറത്തു ‘യൂനുസിൽ’ ഇപ്രകാരം പരാമർശിച്ചതും:
ثُمَّ بَعَثْنَا مِنۢ بَعْدِهِۦ [أَيْ: مِنْ بَعْدِ نُوحٍ] رُسُلًا إِلَىٰ قَوْمِهِمْ فَجَآءُوهُم بِٱلْبَيِّنَٰتِ فَمَا كَانُوا۟ لِيُؤْمِنُوا۟ بِمَا كَذَّبُوا۟ بِهِۦ مِن قَبْلُ ۚ كَذَٰلِكَ نَطْبَعُ عَلَىٰ قُلُوبِ ٱلْمُعْتَدِينَ ﴿٧٤﴾ ثُمَّ بَعَثْنَا مِنۢ بَعْدِهِم مُّوسَىٰ وَهَٰرُونَ إِلَىٰ فِرْعَوْنَ وَمَلَإِي۟هِۦ بِـَٔايَٰتِنَا فَٱسْتَكْبَرُوا۟ وَكَانُوا۟ قَوْمًا مُّجْرِمِينَ ﴿٧٥﴾
പിന്നെ അദ്ദേഹത്തിനു ശേഷം [അതായത്: നൂഹ് നബി عَلَيْهِ السَّلَامُ ക്ക് ശേഷം] പല ദൂതന്‍മാരെയും അവരുടെ ജനതയിലേക്ക് നാം നിയോഗിച്ചു. അങ്ങനെ അവരുടെ അടുത്ത് തെളിവുകളും കൊണ്ട് അവര്‍ ചെന്നു. എന്നാല്‍ മുമ്പ് ഏതൊന്ന് അവര്‍ നിഷേധിച്ചു തള്ളിയോ അതില്‍ അവര്‍ വിശ്വസിക്കുവാന്‍ തയ്യാറുണ്ടായിരുന്നില്ല. അതിക്രമകാരികളുടെ ഹൃദയങ്ങളിന്‍മേല്‍ അപ്രകാരം നാം മുദ്രവെക്കുന്നു. പിന്നീട് അവര്‍ക്ക് ശേഷം, നമ്മുടെ ദൃഷ്ടാന്തങ്ങളുമായി ഫിര്‍ഔന്‍റെയും അവന്റെ പ്രമാണിമാരുടെയും അടുത്തേക്ക് മൂസായെയും ഹാറൂനെയും നാം നിയോഗിച്ചു. എന്നാല്‍ അവര്‍ അഹങ്കരിക്കുകയാണ് ചെയ്തത്‌. അവര്‍ കുറ്റവാളികളായ ഒരു ജനവിഭാഗമായിരുന്നു. (ഖു൪ആന്‍ :10/74-75) وَاللَّهُ أَعْلَمُ. (തഫ്സീറുസ്സഅ്ദി)
അര്‍ത്ഥവും ആശയവും
ثُمَّ أَرْسَلْنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلْطَٰنٍ مُّبِينٍ ﴿٤٥﴾ إِلَىٰ فِرْعَوْنَ وَمَلَإِي۟هِۦ فَٱسْتَكْبَرُوا۟ وَكَانُوا۟ قَوْمًا عَالِينَ ﴿٤٦﴾
പിന്നീട് മൂസായെയും അദ്ദേഹത്തിന്റെ സഹോദരന്‍ ഹാറൂനെയും നമ്മുടെ ദൃഷ്ടാന്തങ്ങളോടും, വ്യക്തമായ പ്രമാണത്തോടും കൂടി നാം അയക്കുകയുണ്ടായി. ഫിര്‍ഔന്‍റെയും, അവന്റെ പ്രമാണിസംഘത്തിന്‍റെയും അടുത്തേക്ക്. അപ്പോള്‍ അവര്‍ അഹംഭാവം നടിക്കുകയാണ് ചെയ്തത്‌. അവര്‍ പൊങ്ങച്ചക്കാരായ ഒരു ജനതയായിരുന്നു. (ഖു൪ആന്‍ :23/45-46)
{പിന്നീട് മൂസായെ നാം അയച്ചു}പരമകാരുണികനായ അല്ലാഹു നേരിട്ട് സംസാരിച്ച ഇംറാന്റെ മകനായ,
{അദ്ദേഹത്തിന്റെ സഹോദരന്‍ ഹാറൂനെയും}അദ്ദേഹം തന്റെ റബ്ബിനോ‌ട് തന്റെ ദൗത്യത്തിൽ സഹോദരനായ ഹാറൂനെ പങ്കാളിയാക്കാൻ ആവശ്യപ്പെടുകയും, അല്ലാഹു അദ്ദേഹത്തിന്റെ പ്രാർത്ഥന സ്വീകരിക്കുകയും ചെയ്ത സന്ദർഭത്തില്‍,
{നമ്മുടെ ദൃഷ്ടാന്തങ്ങളോടും} അവർ രണ്ടുപേരുടെയും സത്യസന്ധതയെയും, അവർ കൊണ്ടുവന്നതിന്റെ സാധുതയെയും കാണിക്കുന്ന വ്യക്തമായ തെളിവുകളും,
{വ്യക്തമായ പ്രമാണത്തോടും കൂടി} അതായത്: അതിന്റെ വ്യക്തതയും ശക്തിയും കാരണം ഹൃദയങ്ങളെ കീഴടക്കാനും അവയുടെ മേൽ ആധിപത്യം സ്ഥാപിക്കാനും പോന്ന പ്രകടമായ തെളിവ്; അതിലൂടെ സത്യവിശ്വാസികളുടെ ഹൃദയങ്ങൾ അതിന് കീഴ്പെടുകയും, വാശിപിടിക്കുന്ന സത്യനിഷേധികൾക്കെതിരെ വ്യക്തമായ പ്രമാണം നിലവിൽ വരികയും ചെയ്യുന്നു. അല്ലാഹുവിന്റെ താഴെ പറയുന്ന വാചകം പോലെയാണിത്:
وَلَقَدْ ءَاتَيْنَا مُوسَىٰ تِسْعَ ءَايَٰتِۭ بَيِّنَٰتٍ ۖ فَسْـَٔلْ بَنِىٓ إِسْرَٰٓءِيلَ إِذْ جَآءَهُمْ فَقَالَ لَهُۥ فِرْعَوْنُ إِنِّى لَأَظُنُّكَ يَٰمُوسَىٰ مَسْحُورًا
തീര്‍ച്ചയായും മൂസായ്ക്ക് നാം പ്രത്യക്ഷമായ ഒമ്പതു ദൃഷ്ടാന്തങ്ങള്‍ നല്‍കുകയുണ്ടായി. [അതുകൊണ്ടാണ് പിടിവാശിക്കാരുടെ നായകനായ ഫറവോൻ സത്യം വ്യക്തമായി മനസ്സിലാക്കിയിട്ടും അതിനെ അഹങ്കാരപൂർവ്വം എതിർത്തുനിന്നത്] എന്നാല്‍, ഇസ്രാഈല്‍ സന്തതികളോട് അദ്ദേഹം അവരില്‍ ചെന്ന സന്ദര്‍ഭത്തെക്കുറിച്ച് നീ ചോദിക്കുക. [അതായത്: ആ വ്യക്തമായ ദൃഷ്ടാന്തങ്ങളുമായി] അപ്പോള്‍, ഫിര്‍ഔന്‍ അദ്ദേഹത്തോടു പറഞ്ഞു: “നിശ്ചയമായും, നിന്നെ ഞാന്‍ മാരണം പിണഞ്ഞ ഒരുവനാണെന്നു വിചാരിക്കുന്നു”. (ഖു൪ആന്‍ :17/101)
അപ്പോൾ മൂസാ عَلَيْهِ السَّلَامُ പറഞ്ഞു:
قَالَ لَقَدْ عَلِمْتَ مَآ أَنزَلَ هَٰٓؤُلَآءِ إِلَّا رَبُّ ٱلسَّمَٰوَٰتِ وَٱلْأَرْضِ بَصَآئِرَ وَإِنِّى لَأَظُنُّكَ يَٰفِرْعَوْنُ مَثْبُورًا
അദ്ദേഹം (ഫിര്‍ഔനോട്‌) പറഞ്ഞു: കണ്ണുതുറപ്പിക്കുന്ന ദൃഷ്ടാന്തങ്ങളായിക്കൊണ്ട് ഇവ ഇറക്കിയത് ആകാശങ്ങളുടെയും ഭൂമിയുടെയും രക്ഷിതാവ് തന്നെയാണ് എന്ന് തീര്‍ച്ചയായും നീ മനസ്സിലാക്കിയിട്ടുണ്ട്‌. ഫിര്‍ഔനേ, തീര്‍ച്ചയായും നീ നാശമടഞ്ഞവന്‍ തന്നെ എന്നാണ് ഞാന്‍ കരുതുന്നത്‌. (ഖു൪ആന്‍:17/102)
അല്ലാഹു പറഞ്ഞു:
وَجَحَدُوا۟ بِهَا وَٱسْتَيْقَنَتْهَآ أَنفُسُهُمْ ظُلْمًا وَعُلُوًّا ۚ
അവയെപ്പറ്റി അവരുടെ മനസ്സുകള്‍ക്ക് ദൃഢമായ ബോധ്യം വന്നിട്ടും അക്രമവും അഹങ്കാരവും മൂലം അവരതിനെ നിഷേധിച്ചുകളഞ്ഞു. (ഖു൪ആന്‍:27/14)
ഇവിടെ വീണ്ടും പറയുന്നു:
ثُمَّ أَرْسَلْنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلْطَٰنٍ مُّبِينٍ ﴿٤٥﴾ إِلَىٰ فِرْعَوْنَ وَمَلَإِي۟هِۦ
പിന്നീട് മൂസായെയും അദ്ദേഹത്തിന്റെ സഹോദരന്‍ ഹാറൂനെയും നമ്മുടെ ദൃഷ്ടാന്തങ്ങളോടും, വ്യക്തമായ പ്രമാണത്തോടും കൂടി നാം അയക്കുകയുണ്ടായി, ഫിര്‍ഔന്‍റെയും, അവന്റെ പ്രമാണിസംഘത്തിന്‍റെയും അടുത്തേക്ക്. (ഖു൪ആന്‍:23/45-46)
ഹാമാനെയും അവരുടെ മറ്റ് നേതാക്കളെയും പോലുള്ളവരുടെ അടുത്തേക്ക്
{അപ്പോള്‍ അവര്‍ അഹംഭാവം നടിക്കുകയാണ് ചെയ്തത്‌}അതായത്: അല്ലാഹുവിൽ വിശ്വസിക്കുന്നതിൽ നിന്നും അവർ അഹങ്കാരം നടിച്ചു, അവന്റെ പ്രവാചകന്മാരെ അംഗീകരിക്കാൻ തയ്യാറാകാതെ അവർ ധിക്കാരം കാണിച്ചു.
{അവര്‍ പൊങ്ങച്ചക്കാരായ ഒരു ജനതയായിരുന്നു.}അതായത്: അവരുടെ വിശേഷണം തന്നെ ഭൂമിയിൽ ഉന്നതനാകാൻ ശ്രമിക്കലും, മറ്റുള്ളവരെ കീഴ്പെടുത്തലും, കുഴപ്പങ്ങൾ ഉണ്ടാക്കലുമാണ്; അതിനാൽ അവരിൽ നിന്ന് അഹങ്കാരം ഉണ്ടാകുന്നത് ഒട്ടും അതിശയകരമായ കാര്യമല്ല.
فَقَالُوٓا۟ أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَٰبِدُونَ
അതിനാല്‍ അവര്‍ പറഞ്ഞു: നമ്മളെപ്പോലെയുള്ള രണ്ടുമനുഷ്യന്‍മാരെ നാം വിശ്വസിക്കുകയോ? അവരുടെ ജനതയാകട്ടെ നമുക്ക് കീഴ്‌വണക്കം ചെയ്യുന്നവരാണ് താനും. (ഖു൪ആന്‍:23/47)
{അതിനാല്‍ അവര്‍ പറഞ്ഞു} അഹങ്കാരത്തോടെയും ധിക്കാരത്തോടെയും, ദുർബല ബുദ്ധിയുള്ളവരെ ഭയപ്പെടുത്തുന്നതിനായും, സത്യം മറച്ചുവെച്ച് വഞ്ചിക്കുന്നതിനായും,
{നമ്മളെപ്പോലെയുള്ള രണ്ടുമനുഷ്യന്‍മാരെ നാം വിശ്വസിക്കുകയോ?} മുമ്പുള്ളവർ പറഞ്ഞതുപോലെ തന്നെ കൃത്യമായി അവരും പറഞ്ഞു; അവിശ്വാസത്തിൽ അവരുടെ ഹൃദയങ്ങൾ സമാനമായി തീർന്നതിനാൽ അവരുടെ വാക്കുകളും പ്രവൃത്തികളും സമാനമായിപ്പോയി. ദൂതന്മാരെ നിയോഗിച്ചുതന്നതിലൂടെ അല്ലാഹു തങ്ങൾക്ക് ചെയ്ത അനുഗ്രഹത്തെ അവർ ധിക്കരിച്ചു തള്ളിക്കളഞ്ഞു; അവരവരുടെ ജനങ്ങളും. അതായത്: ഇസ്രായീൽ സന്തതികൾ.
{അവരുടെ ജനതയാകട്ടെ നമുക്ക് കീഴ്‌വണക്കം ചെയ്യുന്നവരാണ് താനും} അതായത്: കഠിനമായ ജോലികളിലൂടെയും പണികളിലൂടെയും അടിമകളാക്കപ്പെട്ടവർ, അല്ലാഹു പറഞ്ഞതുപോലെ:
وَإِذْ نَجَّيْنَٰكُم مِّنْ ءَالِ فِرْعَوْنَ يَسُومُونَكُمْ سُوٓءَ ٱلْعَذَابِ يُذَبِّحُونَ أَبْنَآءَكُمْ وَيَسْتَحْيُونَ نِسَآءَكُمْ ۚ وَفِى ذَٰلِكُم بَلَآءٌ مِّن رَّبِّكُمْ عَظِيمٌ
നിങ്ങളുടെ പുരുഷസന്താനങ്ങളെ അറുകൊല ചെയ്തുകൊണ്ടും, നിങ്ങളുടെ സ്ത്രീജനങ്ങളെ ജീവിക്കാന്‍ വിട്ടുകൊണ്ടും നിങ്ങള്‍ക്ക് നിഷ്‌ഠൂര മര്‍ദ്ദനമേല്‍പിച്ചുകൊണ്ടിരുന്ന ഫിര്‍ഔന്റെകൂട്ടരില്‍ നിന്ന് നിങ്ങളെ നാം രക്ഷപ്പെടുത്തിയ സന്ദര്‍ഭം (ഓര്‍മിക്കുക.) നിങ്ങളുടെ രക്ഷിതാവിങ്കല്‍നിന്നുള്ള ഒരു വലിയ പരീക്ഷണമാണ് അതിലുണ്ടായിരുന്നത്‌. (ഖു൪ആന്‍:2/49)
ഞങ്ങൾ (മറ്റുള്ളവരുടെ) നേതൃത്വം സ്വീകരിച്ചിരുന്നവരായിരിക്കെ, എങ്ങനെയാണ് ഞങ്ങൾ (അവരുടെ) അനുയായികളായി മാറുന്നത്? ഇവർ എങ്ങനെയാണ് ഞങ്ങളുടെ മേധാവികളാകുന്നത്? അവരുടെ ഈ പ്രസ്താവനയോട് സാമ്യമുള്ളതാണ് നൂഹ് നബി عَلَيْهِ السَّلَامُ യു‌െ ജനതയുടെ ഈ വാക്കുകൾ:
قَالُوٓا۟ أَنُؤْمِنُ لَكَ وَٱتَّبَعَكَ ٱلْأَرْذَلُونَ
അവര്‍ പറഞ്ഞു; നിന്നെ പിന്തുടര്‍ന്നിട്ടുള്ളത് ഏറ്റവും താഴ്ന്ന ആളുകളായിരിക്കെ ഞങ്ങള്‍ നിന്നെ വിശ്വസിക്കുകയോ? (ഖു൪ആന്‍:26/111)
وَمَا نَرَىٰكَ ٱتَّبَعَكَ إِلَّا ٱلَّذِينَ هُمْ أَرَاذِلُنَا بَادِىَ ٱلرَّأْىِ
ഞങ്ങളുടെ കൂട്ടത്തില്‍ ഏറ്റവും നിസ്സാരന്‍മാരായിട്ടുള്ളവര്‍ പ്രഥമവീക്ഷണത്തില്‍ (ശരിയായി ചിന്തിക്കാതെ) നിന്നെ പിന്തുടര്‍ന്നതായിട്ട് മാത്രമാണ് ഞങ്ങള്‍ കാണുന്നത്‌. (ഖു൪ആന്‍:11/27)
فَكَذَّبُوهُمَا فَكَانُوا۟ مِنَ ٱلْمُهْلَكِينَ
അങ്ങനെ അവരെ രണ്ടുപേരെയും അവര്‍ നിഷേധിച്ചു തള്ളിക്കളഞ്ഞു. തന്നിമിത്തം അവര്‍ നശിപ്പിക്കപ്പെട്ടവരുടെ കൂട്ടത്തിലായിത്തീര്‍ന്നു. (ഖു൪ആന്‍:23/48)
സത്യത്തെ ചെറുത്തുതോൽപ്പിക്കാൻ ഇത് പര്യാപ്തമല്ലെന്നും, ഇത് വെറുമൊരു നിഷേധവും അഹങ്കാരപൂർവ്വമുള്ള പിടിവാശിയുമാണെന്നും വ്യക്തമാണ്. അതുകൊണ്ടാണ് അല്ലാഹു പറഞ്ഞത്: {അങ്ങനെ അവരെ രണ്ടുപേരെയും അവര്‍ നിഷേധിച്ചു തള്ളിക്കളഞ്ഞു. തന്നിമിത്തം അവര്‍ നശിപ്പിക്കപ്പെട്ടവരുടെ കൂട്ടത്തിലായിത്തീര്‍ന്നു} ഇസ്രായീൽ സന്തതികൾ നോക്കിനിൽക്കെത്തന്നെ അവര്‍ കടലിൽ മുക്കിക്കൊല്ലപ്പെട്ടു.
وَلَقَدْ ءَاتَيْنَا مُوسَى ٱلْكِتَٰبَ لَعَلَّهُمْ يَهْتَدُونَ
അവര്‍ (ജനങ്ങള്‍) സന്‍മാര്‍ഗം കണ്ടെത്തുന്നതിന് വേണ്ടി മൂസായ്ക്ക് നാം വേദഗ്രന്ഥം നല്‍കുകയുണ്ടായി. (ഖു൪ആന്‍:23/49)
{മൂസായ്ക്ക് നാം വേദഗ്രന്ഥം നല്‍കുകയുണ്ടായി} അല്ലാഹു ഫിർഔനിനെ നശിപ്പിക്കുകയും മൂസാ عَلَيْهِ السَّلَامُ യോടൊപ്പം ഇസ്രായേൽ ജനതയെ രക്ഷപ്പെടുത്തുകയും ചെയ്തതിന് ശേഷം. ആ സമയത്ത് അവരിലൂടെ അല്ലാഹുവിന്റെ കൽപ്പനകൾ നിലനിർത്താനും മതചിഹ്നങ്ങൾ പ്രകടമാക്കാനും അദ്ദേഹത്തിന് സാധിച്ചു. അദ്ധേഹത്തിന് നാൽപത് രാവുകൾ കൊണ്ട് തൗറാത്ത് അവതരിപ്പിച്ചു നൽകാമെന്ന് അല്ലാഹു വാഗ്ദാനം ചെയ്തിരുന്നു. അങ്ങനെ അദ്ദേഹം തന്റെ റബ്ബിന്റെ നിശ്ചയിക്കപ്പെട്ട സമയത്തേക്ക് പുറപ്പെട്ടു. അല്ലാഹു പറഞ്ഞു:
وَكَتَبْنَا لَهُۥ فِى ٱلْأَلْوَاحِ مِن كُلِّ شَىْءٍ مَّوْعِظَةً وَتَفْصِيلًا لِّكُلِّ شَىْءٍ
എല്ലാകാര്യത്തെപ്പറ്റിയും നാം അദ്ദേഹത്തിന് (മൂസായ്ക്ക്) പലകകളില്‍ എഴുതികൊടുക്കുകയും ചെയ്തു. അതായത് സദുപദേശവും, എല്ലാ കാര്യത്തെപ്പറ്റിയുള്ള വിശദീകരണവും. (ഖു൪ആന്‍:7/145)
അതുകൊണ്ടാണ് അല്ലാഹു ഇവിടെ ഇപ്രകാരം പറഞ്ഞത്: {അവര്‍ (ജനങ്ങള്‍) സന്‍മാര്‍ഗം കണ്ടെത്തുന്നതിന് വേണ്ടി} അതായത്: കൽപ്പനകളുടെയും വിലക്കുകളുടെയും, പ്രതിഫലത്തിന്റെയും ശിക്ഷയുടെയും വിശദാംശങ്ങൾ അറിഞ്ഞുകൊണ്ട്; കൂടാതെ അവർ തങ്ങളുടെ റബ്ബിനെ അവന്റ നാമങ്ങളിലൂടെയും വിശേഷണങ്ങളിലൂടെയും തിരിച്ചറിയുകയും ചെയ്യുന്നു. (തഫ്സീറുസ്സഅ്ദി)
www.kanzululoom.com