സമ്പത്തിലുള്ള അവകാശമാണ് സകാത്ത്. അത് യഥാവിധം നൽകിവീട്ടുവാൻ അല്ലാഹു കൽപ്പിച്ചിരിക്കുന്നു. സകാത്ത് നൽകാത്തവരെ തങ്ങളുടെ സമ്പത്തുകൾ കൊണ്ട് അന്ത്യനാളിൽ ശിക്ഷിക്കുമെന്ന് അവൻ പറഞ്ഞിരിക്കുന്നു. പ്രസ്തുത ശിക്ഷയാകട്ടെ വിവിധ രീതിയിലാണെന്ന് തെളിവുകൾ അറിയിക്കുകയും ചെയ്യുന്നു.

ഒന്ന്: അയാളുടെ സമ്പത്തിനെ വിഷാധിക്യത്താൽ തൊലിപോയ ഒരു പാമ്പിനെ പേലെയാക്കുകയും അത് അവന്റെ കഴുത്തിനുചുറ്റും ഒരു വളയമെന്നോണം കിടന്ന് ഞാനാണ് നിന്റെ സമ്പത്തെന്നും ധനശേഖരമെന്നും പറയും.

عَنْ عَبْدِ اللَّهِ، قَالَ قَالَ رَسُولُ اللَّهِ صلى الله عليه وسلم ‏”‏ مَا مِنْ رَجُلٍ لَهُ مَالٌ لاَ يُؤَدِّي حَقَّ مَالِهِ إِلاَّ جُعِلَ لَهُ طَوْقًا فِي عُنُقِهِ شُجَاعٌ أَقْرَعُ وَهُوَ يَفِرُّ مِنْهُ وَهُوَ يَتْبَعُهُ ‏”‏ ‏.‏ ثُمَّ قَرَأَ مِصْدَاقَهُ مِنْ كِتَابِ اللَّهِ عَزَّ وَجَلَّ ‏{‏ وَلاَ تَحْسَبَنَّ الَّذِينَ يَبْخَلُونَ بِمَا آتَاهُمُ اللَّهُ مِنْ فَضْلِهِ هُوَ خَيْرًا لَهُمْ بَلْ هُوَ شَرٌّ لَهُمْ سَيُطَوَّقُونَ مَا بَخِلُوا بِهِ يَوْمَ الْقِيَامَةِ ‏}‏ الآيَةَ ‏.‏

അബ്ദില്ലാ رَضِيَ اللَّهُ عَنْهُ വിൽനിന്ന് നിവേദനം: അല്ലാഹുവിന്റെ റസൂൽ ﷺ പറഞ്ഞു: സമ്പത്തുള്ള ഏതൊരു വ്യക്തിയും തന്റെ സമ്പത്തിന്റെ വിഹിതം (സകാത്ത്) നൽകിയിട്ടില്ലായെങ്കിൽ, അല്ലാഹു അയാളുടെ കഴുത്തിനുചുറ്റും ഒരു വളയമെന്നോണം ഒരു പാമ്പിനെ ആക്കുന്നതാണ്. വിഷാധിക്യത്താൽ തൊലിപോയ (പാമ്പായിരിക്കും അത്). അവൻ അതിൽനിന്ന് ഓടും, അത് അവനെ പിന്തുടരുകയും ചെയ്യും. ശേഷം അല്ലാഹുവിന്റെ റസൂൽ വിശുദ്ധ ഖുർആനിൽ നിന്നും ഓതി:

ﻭَﻻَ ﻳَﺤْﺴَﺒَﻦَّ ٱﻟَّﺬِﻳﻦَ ﻳَﺒْﺨَﻠُﻮﻥَ ﺑِﻤَﺎٓ ءَاﺗَﻰٰﻫُﻢُ ٱﻟﻠَّﻪُ ﻣِﻦ ﻓَﻀْﻠِﻪِۦ ﻫُﻮَ ﺧَﻴْﺮًا ﻟَّﻬُﻢ ۖ ﺑَﻞْ ﻫُﻮَ ﺷَﺮٌّ ﻟَّﻬُﻢْ ۖ ﺳَﻴُﻄَﻮَّﻗُﻮﻥَ ﻣَﺎ ﺑَﺨِﻠُﻮا۟ ﺑِﻪِۦ ﻳَﻮْﻡَ ٱﻟْﻘِﻴَٰﻤَﺔِ ۗ

അല്ലാഹു അവന്റെ അനുഗ്രഹത്തില്‍ നിന്ന് തങ്ങള്‍ക്കു തന്നിട്ടുള്ളതില്‍ പിശുക്ക് കാണിക്കുന്നവര്‍ അതവര്‍ക്ക് ഗുണകരമാണെന്ന് ഒരിക്കലും വിചാരിക്കരുത്‌. അല്ല, അവര്‍ക്ക് ദോഷകരമാണത്‌. അവര്‍ പിശുക്ക് കാണിച്ച ധനം കൊണ്ട് ഉയിര്‍ത്തെഴുന്നേല്‍പ്പിന്റെ നാളില്‍ അവരുടെ കഴുത്തില്‍ മാല ചാര്‍ത്തപ്പെടുന്നതാണ്‌. . (ഖു൪ആന്‍:3/180) (നസാഇ:2441)

രണ്ട്: സകാത്ത് നൽകി ശുദ്ധി വരുത്താത്ത സമ്പത്ത് കൊണ്ടു വരപ്പെടും. സ്വർണ്ണവും വെള്ളിയുമാണ് പ്രസ്തുത സമ്പത്തെങ്കിൽ അവ തീക്കട്ടകളാക്കി മാറ്റിയെടുത്ത് അതുകൊണ്ട് അവൻ ശിക്ഷിക്കപ്പെടും.

وَٱلَّذِينَ يَكْنِزُونَ ٱلذَّهَبَ وَٱلْفِضَّةَ وَلَا يُنفِقُونَهَا فِى سَبِيلِ ٱللَّهِ فَبَشِّرْهُم بِعَذَابٍ أَلِيمٍ ‎﴿٣٤﴾‏ يَوْمَ يُحْمَىٰ عَلَيْهَا فِى نَارِ جَهَنَّمَ فَتُكْوَىٰ بِهَا جِبَاهُهُمْ وَجُنُوبُهُمْ وَظُهُورُهُمْ ۖ هَٰذَا مَا كَنَزْتُمْ لِأَنفُسِكُمْ فَذُوقُوا۟ مَا كُنتُمْ تَكْنِزُونَ ‎﴿٣٥﴾‏

…. സ്വര്‍ണവും വെള്ളിയും നിക്ഷേപമാക്കിവെക്കുകയും, അല്ലാഹുവിന്‍റെ മാര്‍ഗത്തില്‍ അത് ചെലവഴിക്കാതിരിക്കുകയും ചെയ്യുന്നവരാരോ അവര്‍ക്ക് വേദനയേറിയ ശിക്ഷയെപ്പറ്റി സന്തോഷവാര്‍ത്ത അറിയിക്കുക. നരകാഗ്നിയില്‍ വെച്ച് അവ ചുട്ടുപഴുപ്പിക്കപ്പെടുകയും, എന്നിട്ടത് കൊണ്ട് അവരുടെ നെറ്റികളിലും പാര്‍ശ്വങ്ങളിലും മുതുകുകളിലും ചൂടുവെക്കപ്പെടുകയും ചെയ്യുന്ന ദിവസം (അവരോട് പറയപ്പെടും) : നിങ്ങള്‍ നിങ്ങള്‍ക്ക് വേണ്ടി തന്നെ നിക്ഷേപിച്ചുവെച്ചതാണിത്‌. അതിനാല്‍ നിങ്ങള്‍ നിക്ഷേപിച്ച് വെച്ചിരുന്നത് നിങ്ങള്‍ ആസ്വദിച്ച് കൊള്ളുക. (ഖു൪ആന്‍:9/34-35)

عَنْ أَبِي هُرَيْرَةَ، قَالَ رَسُولُ اللَّهِ صلى الله عليه وسلم: ‏ مَا مِنْ صَاحِبِ ذَهَبٍ وَلاَ فِضَّةٍ لاَ يُؤَدِّي مِنْهَا حَقَّهَا إِلاَّ إِذَا كَانَ يَوْمُ الْقِيَامَةِ صُفِّحَتْ لَهُ صَفَائِحَ مِنْ نَارٍ فَأُحْمِيَ عَلَيْهَا فِي نَارِ جَهَنَّمَ فَيُكْوَى بِهَا جَنْبُهُ وَجَبِينُهُ وَظَهْرُهُ كُلَّمَا بَرَدَتْ أُعِيدَتْ لَهُ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ حَتَّى يُقْضَى بَيْنَ الْعِبَادِ فَيُرَى سَبِيلُهُ إِمَّا إِلَى الْجَنَّةِ وَإِمَّا إِلَى النَّارِ ‏”‏ ‏.‏

അബൂഹുറൈറ رَضِيَ اللَّهُ عَنْهُ വിൽനിന്ന് നിവേദനം: നബി ﷺ പറഞ്ഞു: സ്വർണ്ണത്തിന്റെയും വെള്ളിയുടെയും സകാത്ത് നൽകി വീട്ടാതെയുള്ള അവയുടെ ഉടമകളിൽ ഒരാളുമില്ല അന്ത്യനാളായാൽ തീയിൽനിന്നുള്ള കട്ടകൾ അയാൾക്കായി എടുക്കപ്പെടാതെ; ശേഷം നരകത്തീയിൽ അവ ചൂടാക്കപ്പെടും. അതിൽപിന്നെ അവന്റെ പാർശ്വങ്ങളിലും നെറ്റിയിലും മുതുകിലും അവകൊണ്ട് ചൂടുവെ ക്കപ്പെടുകയും ചെയ്യും. അത് തണുക്കുമ്പോഴെല്ലാം അത് വീണ്ടും ചൂടാക്കി അവനിലേക്ക് മടക്കപ്പെടും. അമ്പതിനായിരം വർഷങ്ങളുടെ ദൈർഘ്യമുള്ള ഒരു ദിനമായിരിക്കും ഇത്. അങ്ങിനെ അടിയാറുകൾക്കിടയിൽ വിധിതീർപ്പ് നടക്കും. അതിൽപിന്നെ അവൻ തന്റെ വഴികാണും. ഒന്നുകിൽ സ്വർഗ്ഗത്തിലേക്ക് അല്ലെങ്കിൽ നരകത്തിലേക്ക്. (മുസ്ലിം:987)

ഒട്ടക സമ്പത്തുള്ള വ്യക്തി സകാത്തിലൂടെ തന്റെ സമ്പത്ത് സംസ്‌കരിച്ചിട്ടില്ലെങ്കിൽ അവനുള്ള ശിക്ഷയെ കുറിച്ച് നബി ചോദിക്കപ്പെട്ടപ്പോൾ തിരുമേനിയുടെ പ്രതികരണം ഉപരി സൂചിത അബൂഹുറയ്‌റയുടെ ഹദീഥിൽ ഇപ്രകാരം വായിക്കാം:

وَلاَ صَاحِبُ إِبِلٍ لاَ يُؤَدِّي مِنْهَا حَقَّهَا وَمِنْ حَقِّهَا حَلَبُهَا يَوْمَ وِرْدِهَا إِلاَّ إِذَا كَانَ يَوْمُ الْقِيَامَةِ بُطِحَ لَهَا بِقَاعٍ قَرْقَرٍ أَوْفَرَ مَا كَانَتْ لاَ يَفْقِدُ مِنَهَا فَصِيلاً وَاحِدًا تَطَؤُهُ بِأَخْفَافِهَا وَتَعَضُّهُ بِأَفْوَاهِهَا كُلَّمَا مَرَّ عَلَيْهِ أُولاَهَا رُدَّ عَلَيْهِ أُخْرَاهَا فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ حَتَّى يُقْضَى بَيْنَ الْعِبَادِ فَيُرَى سَبِيلُهُ إِمَّا إِلَى الْجَنَّةِ وَإِمَّا إِلَى النَّارِ ‏.‏

… ഒട്ടകത്തിന്റെ സകാത്ത് നൽകിവീട്ടാതെയുള്ള അവയുടെ ഉടമ (അന്ത്യനാളിൽ വരും.) അവയുടെ അവകാശത്തിൽപ്പെട്ടതാണ് അവ വെള്ളം കുടിക്കുവാൻ വരുന്ന ദിനം അവയെ കറന്നെടുക്കുകയെന്നത്. (അകിട്ടിലെ പാല് കറന്നെടുത്ത് അവക്ക് ആശ്വാസം നൽകലും അവിടെ കൂടിയ സാധുക്കൾക്ക് പാല് പകർന്ന് നൽകലുമാണ് ആ അവകാശങ്ങൾ) അന്ത്യനാളായാൽ അവക്ക് നീണ്ട് പരന്ന് വിശാലമായ ഒരു സ്ഥലം ഒരുക്കപ്പെടും. അവയെ ഏറ്റവും കൊഴുത്ത നിലയിലും ഒരു ഒട്ടകക്കുട്ടിപോലും നഷ്ടപ്പെടാത്ത നിലയിലും ആക്കുകയും ചെയ്യും. അവ അവനെ അവയുടെ കുളമ്പുകൾകൊണ്ട് ചവിട്ടുകയും വായകൾകൊണ്ട് കടിക്കുകയും ചെയ്യും. അവയിൽ ഒന്നാമത്തേത് അവന്റെമേൽ നടന്നുപോയാൽ ഒടുക്കത്തേതിനെ അവനിലേക്ക് മടക്കപ്പെടുന്നതാണ്. അമ്പതിനായിരം വർഷങ്ങളുടെ ദൈർഘ്യമുള്ള ഒരു ദിനമായിരിക്കും ഇത്. അങ്ങിനെ അടിയാറുകൾക്കിടയിൽ വിധിതീർപ്പ് നടക്കും. അതിൽപിന്നെ അവൻ തന്റെ വഴികാണും. ഒന്നുകിൽ സ്വർഗ്ഗത്തിലേക്ക് അല്ലെങ്കിൽ നരകത്തിലേക്ക് ….. (മുസ്ലിം:987)

ആടുമാടുകൾ സമ്പത്തായുള്ള വ്യക്തി സകാത്തിലൂടെ തന്റെ കാലി സമ്പത്ത് സംസ്‌കരിച്ചിട്ടില്ലയെങ്കിൽ അവനുള്ള ശിക്ഷയെ കുറിച്ച് നബി ചോദിക്കപ്പെട്ടപ്പോൾ തിരുമേനിയുടെ പ്രതികരണം ഉപരി സൂചിത അബൂഹുറയ്‌റ യുടെ ഹദീഥിൽ ഇപ്ര കാരം വായിക്കാം:

وَلاَ صَاحِبُ بَقَرٍ وَلاَ غَنَمٍ لاَ يُؤَدِّي مِنْهَا حَقَّهَا إِلاَّ إِذَا كَانَ يَوْمُ الْقِيَامَةِ بُطِحَ لَهَا بِقَاعٍ قَرْقَرٍ لاَ يَفْقِدُ مِنْهَا شَيْئًا لَيْسَ فِيهَا عَقْصَاءُ وَلاَ جَلْحَاءُ وَلاَ عَضْبَاءُ تَنْطِحُهُ بِقُرُونِهَا وَتَطَؤُهُ بِأَظْلاَفِهَا كُلَّمَا مَرَّ عَلَيْهِ أُولاَهَا رُدَّ عَلَيْهِ أُخْرَاهَا فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ حَتَّى يُقْضَى بَيْنَ الْعِبَادِ فَيُرَى سَبِيلُهُ إِمَّا إِلَى الْجَنَّةِ وَإِمَّا إِلَى النَّارِ.

… ആടുമാടുകളുടെ സകാത്ത് നൽകിവീട്ടാതെയുള്ള അവയുടെ ഉടമയുമില്ല (അന്ത്യനാളിൽ വരാതെ.) അന്ത്യനാളായാൽ അവക്ക് നീണ്ട് പരന്ന് വിശാലമായ ഒരു സ്ഥലം ഒരുക്കപ്പെടും. യാതൊന്നും അവയിൽനിന്ന് നഷ്ടപ്പെടുകയില്ല. അവയിൽ കൊമ്പ് വളഞ്ഞതോ കൊമ്പില്ലാത്തതോ കൊമ്പ് മുറിഞ്ഞതോ ഇല്ല. അവനെ അവ അവയുടെ കൊമ്പുകൾ കൊണ്ട് കുത്തുകയും കുളമ്പുകൾ കൊണ്ട് ചവിട്ടുകയും ചെയ്യും. അവയിൽ ഒന്നാമത്തേത് അവൻ മേൽ നടന്നുപേയാൽ ഒടുക്കത്തേതിനെ അവനിലേക്ക് മടക്കപ്പെടുന്നതാണ്. അമ്പതിനായിരം വർഷങ്ങളുടെ ദൈർഘ്യമുള്ള ഒരു ദിനമായിരിക്കും ഇത്. അങ്ങിനെ അടിയാറുകൾക്കിടയിൽ വിധി തീർപ്പ് നടക്കും. അതിൽപിന്നെ അവൻ തന്റെ വഴികാണും. ഒന്നുകിൽ സ്വർഗ്ഗത്തിലേക്ക് അല്ലെങ്കിൽ നരകത്തിലേക്ക്. (മുസ്ലിം:987)

www.kanzululoom.com