ഈ പ്രപഞ്ചത്തിൽ സൃഷ്ടി ചരാചരങ്ങളെല്ലാം അടങ്ങുകയും ഒതുങ്ങുകയും ചെയ്യുന്ന ഒരു ദിനമുണ്ട്. ആദ്യമായി കാഹളത്തിൽ ഊതപ്പെടുന്ന ദിനമാകുന്നു പ്രസ്തുത ദിനം. അല്ലാഹു ഉദ്ദേശിച്ചവരൊഴിച്ചുളളതെല്ലാം അന്ന് നിശ്ചലമാവുകയും ജീവനറ്റ് വിഴുകയും ചെയ്യും. അല്ലാഹു പറഞ്ഞു:
كُلُّ مَنْ عَلَيْهَا فَانٍ
അവിടെ (ഭൂമുഖത്ത്‌)യുള്ള എല്ലാവരും നശിച്ച് പോകുന്നവരാകുന്നു. (ഖു൪ആന്‍:55/26)
كُلُّ شَىْءٍ هَالِكٌ إِلَّا وَجْهَهُۥ ۚ
അവന്‍റെ തിരുമുഖം ഒഴികെ എല്ലാ വസ്തുക്കളും നാശമടയുന്നതാണ്‌. (ഖു൪ആന്‍:28/88)
എല്ലാം തകർക്കുന്നതും ഏറെ ഭീകരവുമായിരിക്കും പ്രസ്തുത ഊത്ത്. ആളുകൾക്കൊന്ന് വസ്വിയ്യത്തോതുവാനോ ഉറ്റവരിലേക്കും ഉടയവരിലേക്കും മടങ്ങുവാനോ അവസരം നിഷേധിക്കുമാറ് പെട്ടന്നായിരിക്കും അത് സംഭവിക്കുക. അല്ലാഹുട്ട് പറഞ്ഞു:
مَا يَنظُرُونَ إِلَّا صَيْحَةً وَٰحِدَةً تَأْخُذُهُمْ وَهُمْ يَخِصِّمُونَ ﴿٤٩﴾ فَلَا يَسْتَطِيعُونَ تَوْصِيَةً وَلَآ إِلَىٰٓ أَهْلِهِمْ يَرْجِعُونَ ﴿٥٠﴾
ഒരൊറ്റ ഘോരശബ്ദം മാത്രമാണ് അവര്‍ കാത്തിരിക്കുന്നത്‌. അവര്‍ അന്യോന്യം തര്‍ക്കിച്ച് കൊണ്ടിരിക്കെ അതവരെ പിടികൂടും. അപ്പോള്‍ യാതൊരു വസ്വിയ്യത്തും നല്‍കാന്‍ അവര്‍ക്ക് സാധിക്കുകയില്ല. അവര്‍ക്ക് അവരുടെ കുടുംബത്തിലേക്ക് മടങ്ങാനും ആകുകയില്ല. (ഖു൪ആന്‍ :36/49-50)
وَيَوْمَ يُنفَخُ فِى ٱلصُّورِ فَفَزِعَ مَن فِى ٱلسَّمَٰوَٰتِ وَمَن فِى ٱلْأَرْضِ إِلَّا مَن شَآءَ ٱللَّهُ ۚ وَكُلٌّ أَتَوْهُ دَٰخِرِينَ
കാഹളത്തില്‍ ഊതപ്പെടുന്ന ദിവസത്തെ (ഓര്‍ക്കുക). അപ്പോള്‍ ആകാശങ്ങളിലുള്ളവരും, ഭൂമിയിലുള്ളവരും ഭയവിഹ്വലരായിപ്പോകും; അല്ലാഹു ഉദ്ദേശിച്ചവരൊഴികെ. എല്ലാവരും എളിയവരായിക്കൊണ്ട് അവന്‍റെ അടുത്ത് ചെല്ലുകയും ചെയ്യും. (ഖു൪ആന്‍:27/87)
صُور (സ്വൂര്‍) എന്ന വാക്കിനാണ് കാഹളം എന്നര്‍ത്ഥം കൊടുത്തത്. കൊമ്പ് എന്നും അര്‍ത്ഥം ഉണ്ട്. ഇസ്രാഫീല്‍ عليه السلامഎന്ന മലക്കാണ് കാഹളത്തില്‍ ഊതുകയെന്ന് ഹദീസുകളില്‍ വന്നിട്ടുണ്ട്. എന്നാല്‍ കാഹളം എങ്ങിനെയുള്ളതാണെന്നും മറ്റുമുള്ള വിവരങ്ങള്‍ നമുക്കറിഞ്ഞുകൂടാ. കാഹളത്തില്‍ ഊതുമ്പോള്‍, ഭയവിഹ്വലതയും, നാശവും ബാധിക്കാത്ത ചിലരുണ്ടായിരിക്കുമെന്ന് ഈ രണ്ട് ആയത്തുകളിലും إِلَّا مَن شَاءَ اللَّـهُ (അല്ലാഹു ഉദ്ദേശിച്ചവരൊഴികെ) എന്നു പറഞ്ഞതില്‍നിന്ന് വ്യക്തമാണ്. ഇവര്‍ ആരായിരിക്കുമെന്നുള്ളതും തിട്ടപ്പെടുത്തിപറയുവാന്‍ നമുക്ക് സാധ്യമല്ല. (അമാനി തഫ്സീര്‍ – ഖു൪ആന്‍:27/87 ന്റെ വിശദീകരണത്തിൽ നിന്നും)
عَنْ عَبْدِ اللَّهِ بْنِ عَمْرٍو، رَضِيَ اللَّهُ عَنْهُمَا قَالَ قَالَ أَعْرَابِيٌّ يَا رَسُولَ اللَّهِ مَا الصُّورُ قَالَ “ قَرْنٌ يُنْفَخُ فِيهِ ” .
അബ്ദില്ലാഹിബ്നു അംറ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ യോട് ഒരു ഗ്രാമീണൻ വന്ന് ചോദിക്കുകയുണ്ടായി: എന്താണ് സൂർ എന്നത്? നബി ﷺ പറഞ്ഞു: ഊതുവാനുള്ള ഒരു കൊമ്പാകുന്നു. (തിര്‍മിദി:3244)
وقد جاء في حديث ” الصور ” من رواية أبي هريرة : أنه قرن عظيم ، الدارة منه بقدر السماوات والأرض ، ينفخ فيه إسرافيل ، عليه السلام .
അബൂഹുറൈറ رَضِيَ اللَّهُ عَنْهُ വിൽ നിന്ന് ഉദ്ധരിക്കുന്ന ഹദീസിൽ ‘സൂർ’ വലിയ ഒരു കൊമ്പാണെന്നും അതിന്റെ വലയം (വട്ടം) ആകാശ ഭൂമികളോളം വലിപ്പമുണ്ടെന്നും ഇസ്റാഫീൽ عليه السلام അതിൽ ഊതുന്നതാണ് എന്നും ഉണ്ട്. (ഇബ്നു‌കസീർ-ഖു൪ആന്‍:20/102 ന്റെ വിശദീകരണം)
അബ്ദുല്ലാഹിബ്‌നു അംറ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു:
ثُمَّ يُنْفَخُ فِي الصُّورِ فَلاَ يَسْمَعُهُ أَحَدٌ إِلاَّ أَصْغَى لِيتًا وَرَفَعَ لِيتًا – قَالَ – وَأَوَّلُ مَنْ يَسْمَعُهُ رَجُلٌ يَلُوطُ حَوْضَ إِبِلِهِ – قَالَ – فَيَصْعَقُ وَيَصْعَقُ النَّاسُ
…… ശേഷം കാഹളത്തിൽ ഊതപ്പെടും. അത് കേൾക്കുന്ന ആരുമില്ല തന്റെ പിരടി ചെരിക്കുകയും ഉയർത്തുകയും ചെയ്യാതെ. ആദ്യമായി അത്’ കേൾക്കുന്ന വ്യക്തി തൻ്റെ ഒട്ടകത്തിന്റെ ഹൗദ്വ് നന്നാക്കുകയായിരിക്കും. തിരുമേനി പറഞ്ഞു: അതോടെ അയാൾ ചലനമറ്റ് വീഴും. ജനങ്ങളും ചലനമറ്റ് വീഴും. (മുസ്‌ലിം:2940)
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു:
وَلَتَقُومَنَّ السَّاعَةُ وَقَدْ نَشَرَ الرَّجُلاَنِ ثَوْبَهُمَا بَيْنَهُمَا فَلاَ يَتَبَايَعَانِهِ وَلاَ يَطْوِيَانِهِ، وَلَتَقُومَنَّ السَّاعَةُ وَقَدِ انْصَرَفَ الرَّجُلُ بِلَبَنِ لِقْحَتِهِ فَلاَ يَطْعَمُهُ، وَلَتَقُومَنَّ السَّاعَةُ وَهْوَ يَلِيطُ حَوْضَهُ فَلاَ يَسْقِي فِيهِ، وَلَتَقُومَنَّ السَّاعَةُ وَقَدْ رَفَعَ أُكْلَتَهُ إِلَى فِيهِ فَلاَ يَطْعَمُهَا.
….. രണ്ടാളുകൾ (വാങ്ങുന്നവനും വിൽക്കുന്നവനുമായി) തങ്ങളുടെ വസ്ത്രം വിരിച്ചിടവെ അന്ത്യനാൾ സംഭവിക്കുകതന്നെചെയ്യും; എന്നാൽ അതിൽ കച്ചവടം നടത്തുവാനോ അത് മടക്കിവെക്കുവാനോ അവർക്കാവുകയില്ല. താൻ കറന്നെടുത്ത പാലുമായി ഒരാൾ മടങ്ങുന്നവേളയിൽ അന്ത്യനാൾ സംഭവിക്കുകതന്നെ ചെയ്യും; എന്നാൽ അയാൾക്കത് രുചിക്കുവാനാവുകയില്ല. ഒരാൾ തൻ്റെ ഹൗദ്വ് നന്നാക്കുന്നവനായിരിക്കെ അന്ത്യനാൾ സംഭവിക്കുകതന്നെ ചെയ്യും; എന്നാൽ അയാൾക്ക് അതിൽനിന്ന് കുടിപ്പിക്കുവാനാവുകയില്ല. തൻ്റെ ഭക്ഷണം ഒരാൾ വായിലേക്ക് ഉയർത്തിയിരിക്കെ അന്ത്യനാൾ സംഭവിക്കുകതന്നെചെയ്യും; എന്നാൽ അയാൾക്കത് കഴിക്കുവാനാവുകയില്ല. (ബുഖാരി:6506)
فَإِذَا نُفِخَ فِى ٱلصُّورِ نَفْخَةٌ وَٰحِدَةٌ ﴿١٣﴾ وَحُمِلَتِ ٱلْأَرْضُ وَٱلْجِبَالُ فَدُكَّتَا دَكَّةً وَٰحِدَةً ﴿١٤﴾ فَيَوْمَئِذٍ وَقَعَتِ ٱلْوَاقِعَةُ ﴿١٥﴾ وَٱنشَقَّتِ ٱلسَّمَآءُ فَهِىَ يَوْمَئِذٍ وَاهِيَةٌ ﴿١٦﴾ وَٱلْمَلَكُ عَلَىٰٓ أَرْجَآئِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَٰنِيَةٌ ﴿١٧﴾ يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ ﴿١٨﴾
കാഹളത്തില്‍ ഒരു ഊത്ത് ഊതപ്പെട്ടാല്‍, ഭൂമിയും പര്‍വ്വതങ്ങളും പൊക്കിയെടുക്കപ്പെടുകയും എന്നിട്ട് അവ രണ്ടും ഒരു ഇടിച്ചു തകര്‍ക്കലിന് വിധേയമാക്കപ്പെടുകയും ചെയ്താല്‍! അന്നേ ദിവസം ആ സംഭവം സംഭവിക്കുകയായി. ആകാശം പൊട്ടിപ്പിളരുകയും ചെയ്യും. അന്ന് അത് ദുര്‍ബലമായിരിക്കും. മലക്കുകള്‍ അതിന്റെ നാനാഭാഗങ്ങളിലുമുണ്ടായിരിക്കും. നിന്റെ രക്ഷിതാവിന്‍റെ സിംഹാസനത്തെ അവരുടെ മീതെ അന്നു എട്ടുകൂട്ടര്‍ വഹിക്കുന്നതാണ്‌. അന്നേ ദിവസം നിങ്ങള്‍ പ്രദര്ശിപ്പിക്കപ്പെടുന്നതാണ്. യാതൊരു മറഞ്ഞകാര്യവും നിങ്ങളില്‍ നിന്ന് മറഞ്ഞു പോകുന്നതകല്ല. (ഖുർആൻ:69/13-18)
സ്വൂറിൽ ഊതുന്ന വ്യക്തി
ഇമാം ഇബ്നുഹജറുൽ അസ്ക്വലാനി رَحِمَهُ اللَّهُ പറയുന്നു: സ്വൂര്‍ (കാഹളം) ഏൽപ്പിക്കപ്പെട്ട വ്യക്തി ഇസ്റാഫീൽ عليه السلام ആകുന്നു. ഇമാം അൽഹുലയ്‌മി رَحِمَهُ اللَّهُ ഈ വിഷയത്തിൽ ഇജ്‌മാഅ് ഉദ്ധരിച്ചിരിക്കുന്നു. വഹബ് ഇബ്നു മുനബ്ബഹ്, അബൂസഈദ്, അബൂഹുറൈറ എന്നിവരിൽനിന്നുള്ള ഹദീഥിൽ ഇത് വ്യക്തമായും ഉണ്ട്.
ഇസ്റാഫീലാകട്ടേ, താൻ സൃഷ്ടിക്കപ്പെട്ട നാൾമുതൽ സദാസമയവും ഊതുവാനുള്ള അല്ലാഹു‌വിൻ്റെ കൽപ്പനക്ക് കാതോർത്തും അർശിലേക്ക് കണ്ണ് നട്ടും കഴിഞ്ഞ് കൂടുന്നു.
عَنْ أَبِي هُرَيْرَةَ رَضِيَ اللَّهُ عَنْهُ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «إِنَّ طَرْفَ صَاحِبِ الصُّورِ مُذْ وُكِّلَ بِهِ مُسْتَعِدٌّ يَنْظُرُ نَحْوَ الْعَرْشِ مَخَافَةَ أَنْ يُؤْمَرَ قَبْلَ أَنْ يَرْتَدَّ إِلَيْهِ طَرْفُهُ، كَأَنَّ عَيْنَيْهِ كَوْكَبَانِ دُرِّيَّانِ
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: കാഹളം ഏൽപ്പിക്കപ്പെട്ടതുമുതൽ അതിന്റെ വാക്താവിന്റെ ദൃഷ്ടി അർശിനുനേരെ നോക്കിക്കൊണ്ട്’ തയ്യാറായി നിൽക്കുന്നു; ദൃഷ്ടി തിരിക്കുന്നതിനുമുമ്പായി താൻ കൽപ്പിക്കപ്പെടുമോ എന്ന ഭയത്താൽ. ഇസ്റാഫീലിന്റെ ഇരുകണ്ണുകളും ജ്വലിക്കുന്നതായ രണ്ട് നക്ഷത്രങ്ങൾ പോലെയാണ്. (ഹാകിം – സ്വഹീഹ് അൽബാനി)
عَنْ أَبِي سَعِيدٍ الْخُدْرِيِّ، قَالَ قَالَ رَسُولُ اللَّهِ صلى الله عليه وسلم ” كَيْفَ أَنْعَمُ وَقَدِ الْتَقَمَ صَاحِبُ الْقَرْنِ الْقَرْنَ وَحَنَى جَبْهَتَهُ وَأَصْغَى سَمْعَهُ يَنْتَظِرُ أَنْ يُؤْمَرَ أَنْ يَنْفُخَ فَيَنْفُخَ ” . قَالَ الْمُسْلِمُونَ فَكَيْفَ نَقُولُ يَا رَسُولَ اللَّهِ قَالَ ” قُولُوا حَسْبُنَا اللَّهُ وَنِعْمَ الْوَكِيلُ تَوَكَّلْنَا عَلَى اللَّهِ رَبِّنَا ” .
അബൂസഈദുൽ ഖുദ്‌രി رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: ഞാൻ എങ്ങിനെ സുഖം കാണുവാനാണ്? സ്വൂറിന്റെ ആൾ സ്വൂർ ചുണ്ടിൽ അമർത്തിയിരിക്കുന്നു. തന്റെ നെറ്റി താഴ്ത്തിയിരിക്കുന്നു. തന്റെ ചെവികൊടുത്തിരിക്കുന്നു. ഊതുവാൻ കൽപ്പിക്കപ്പെടുന്നതിന് കാത്തിരിക്കുകയാണ്. കൽപ്പനയെത്തിയാൽ ഊതുവാനായി. മുസ്‌ലിംകൾ പറഞ്ഞു: അല്ലാഹുവിന്റെ റസൂലേ, അപ്പോൾ ഞങ്ങൾ എങ്ങിനെയാണ് പ്രാർത്ഥിക്കേണ്ടത്? തിരുമേനി പറഞ്ഞു: നിങ്ങൾ പറയുക: “ഞങ്ങൾക്ക് അല്ലാഹു മതി. അല്ലാഹു, ഭരമേൽപ്പിക്കപ്പെടുവാൻ ഏറ്റവും ഉത്തമനാകുന്നു. ഞങ്ങളുടെ രക്ഷിതാവായ അല്ലാഹുവിൽ ഞങ്ങൾ ഭരമേൽപ്പിച്ചിരിക്കുന്നു. (തിർമിദി: 3243 – സ്വഹീഹ് അൽബാനി)
സ്വൂറിൽ ഊതപ്പെടുന്ന ദിനം
അന്ത്യനാൾ സംഭവിക്കുന്നത് വെള്ളിയാഴ്‌ചയിലായിരിക്കും. വെള്ളിയാഴ്‌ചയുടെ മഹത്വവുമായി ബന്ധപ്പെട്ട് വന്ന ഏതാനും ഹദീഥുകൾ താഴെ നൽകുന്നു.
عَنْ أَبِي هُرَيْرَةَ، أَنَّ النَّبِيَّ صلى الله عليه وسلم قَالَ “ خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ فِيهِ خُلِقَ آدَمُ وَفِيهِ أُدْخِلَ الْجَنَّةَ وَفِيهِ أُخْرِجَ مِنْهَا وَلاَ تَقُومُ السَّاعَةُ إِلاَّ فِي يَوْمِ الْجُمُعَةِ ”
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: സൂര്യനുദിച്ച നാളുകളിൽ ഏറ്റവും ശ്രേഷ്ഠമായ നാൾ വെള്ളിയാഴ്ച്‌ചയാകുന്നു. ആ ദിനത്തിൽ ആദം സൃഷ്ടിക്കപ്പെട്ടു. അന്ന് അദ്ദേഹം സ്വർഗ്ഗത്തിൽ പ്രവേശിപ്പിക്കപ്പെടുകയും ആ ദിവസം തന്നെ അതിൽനിന്ന് പുറത്താക്കപ്പെടുകയും ചെയ്‌തു. വെള്ളിയാഴ്‌ചയല്ലാതെ അന്ത്യനാൾ സംഭവിക്കുകയില്ല. (മുസ്‌ലിം:854)
عَنْ أَوْسِ بْنِ أَوْسٍ، قَالَ قَالَ رَسُولُ اللَّهِ صلى الله عليه وسلم ” إِنَّ مِنْ أَفْضَلِ أَيَّامِكُمْ يَوْمَ الْجُمُعَةِ فِيهِ خُلِقَ آدَمُ وَفِيهِ قُبِضَ وَفِيهِ النَّفْخَةُ وَفِيهِ الصَّعْقَةُ فَأَكْثِرُوا عَلَىَّ مِنَ الصَّلاَةِ فِيهِ فَإِنَّ صَلاَتَكُمْ مَعْرُوضَةٌ عَلَىَّ
ഔസ് ഇബ്നു ഔസ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: നിങ്ങളുടെ നാളുകളിൽ ഏറ്റവും ശ്രേഷ്ഠമായ നാൾ വെള്ളിയാഴ്‌ചയാകുന്നു. ആ ദിനത്തിൽ ആദം സൃഷ്ടിക്കപ്പെട്ടു. അതിൽ അദ്ദേഹം മരിപ്പിക്കപ്പെടുകയും ചെയ്‌തു. ആ ദിനമായിരിക്കും കാഹളത്തിലുള്ള ഊത്തും സൃഷ്ടികൾ ഉയർന്നേൽക്കുവാനുള്ള ഊത്തും. അതിനാൽ ആ ദിനം നിങ്ങൾ എന്റെ മേൽ സ്വലാത്തിനെ വർദ്ധിപ്പിക്കുക. കാരണം, നിങ്ങളുടെ സ്വലാത്ത് എനിക്ക് പ്രദര്ശിപ്പിക്കപ്പെടുന്നതാണ്. (അബൂദാവൂദ്: 1047 – സ്വഹീഹ് അൽബാനി)
എത്ര തവണ ഊതപ്പെടും
കാഹളത്തിൽ ഊതപ്പെടുന്നത് എത്ര തവണ എന്നതിൽ പണ്ഡിതന്മാർക്കിടയിൽ ഒന്നിലധികം അഭിപ്രായങ്ങളുണ്ട്. ശരിയോട് ഏറ്റവും അടുത്തതും തെളിവുകളിൽനിന്ന് കൂടുതൽ തെളിയുന്നതും രണ്ട് തവണ കാഹളത്തിൽ ഊതപ്പെടും എന്നതാണെന്ന് പല പണ്ഡിതന്മാരും രേഖപ്പെടുത്തിയിട്ടുണ്ട്. ഇമാം അൽഹാഫിള് ഇബ്നു ഹജര്‍ رَحِمَهُ اللَّهُ യും ഇമാം ഖുർത്വുബി رَحِمَهُ اللَّهُ യും അവരിൽ പ്രബലരാണ്.
ആദ്യത്തെ തവണ കാഹളത്തിൽ ഊതിയാൽ ജനങ്ങൾ ഭയചകിതരാവുകയും, അവർ നിലംപതിക്കുകയും ചെയ്യുന്നതാണ്. രണ്ടാമത്തെ തവണ കാഹളത്തിൽ ഊതിയാൽ അവർ തങ്ങളുടെ ഖബറുകളിൽ നിന്ന് എഴുന്നേൽപ്പിക്കപ്പെടുകയും, അവരുടെ ആത്മാവുകൾ ശരീരത്തിലേക്ക് മടക്കപ്പെടുകയും അങ്ങനെ പുനർജീവിപ്പിക്കപ്പെടുകയും ചെയ്യുന്നതാണ്. അതിനെ സംബന്ധിച്ചാണ് ഖുർആൻ പറയുന്നത്:
وَنُفِخَ فِى ٱلصُّورِ فَصَعِقَ مَن فِى ٱلسَّمَٰوَٰتِ وَمَن فِى ٱلْأَرْضِ إِلَّا مَن شَآءَ ٱللَّهُ ۖ ثُمَّ نُفِخَ فِيهِ أُخْرَىٰ فَإِذَا هُمْ قِيَامٌ يَنظُرُونَ
കാഹളത്തില്‍ ഊതപ്പെടും. അപ്പോള്‍ ആകാശങ്ങളിലുള്ളവരും ഭൂമിയിലുള്ളവരും ചലനമറ്റവരായിത്തീരും; അല്ലാഹു ഉദ്ദേശിച്ചവരൊഴികെ. പിന്നീട് അതില്‍ (കാഹളത്തില്‍) മറ്റൊരിക്കല്‍ ഊതപ്പെടും. അപ്പോഴതാ അവര്‍ എഴുന്നേറ്റ് നോക്കുന്നു. (ഖു൪ആന്‍:39/68)
ഒന്നാമത്തെ ഊത്തിന് റാജിഫത്ത് എന്നും രണ്ടാമത്തെ ഊത്തിന് റാദിഫത്ത് എന്നും വിശുദ്ധ ഖുർആനിൽ പേര് വന്നിരിക്കുന്നു. അല്ലാഹു പറഞ്ഞു:
يَوْمَ تَرْجُفُ ٱلرَّاجِفَةُ ﴿٦﴾ تَتْبَعُهَا ٱلرَّادِفَةُ ﴿٧﴾
ആ നടുക്കുന്ന സംഭവം (റാജിഫത്ത്) നടുക്കമുണ്ടാക്കുന്ന ദിവസം. അതിനെ തുടർന്ന് അതിന്റെ പിന്നാലെ (റാദിഫത്തും) (ഖു൪ആന്‍:79/6-7)
ഒന്നാമത്തെ കാഹളം ഊത്തില്‍ എല്ലാവരും നാശമടയുകയും, പിന്നീട് അല്ലാഹു ഉദ്ദേശിച്ച കാലം കഴിഞ്ഞശേഷം ഉണ്ടാകുന്ന രണ്ടാമത്തെ ഊത്തില്‍ എല്ലാവരും പുനര്‍ജീവിപ്പിക്കപ്പെടുകയും, അല്ലാഹുവിന്റെ മുമ്പില്‍ ഹാജരാക്കപ്പെടുകയും ചെയ്യുന്നു.
അബ്ദുല്ലാഹിബ്‌നു അംറ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു:
ثُمَّ يُنْفَخُ فِي الصُّورِ فَلاَ يَسْمَعُهُ أَحَدٌ إِلاَّ أَصْغَى لِيتًا وَرَفَعَ لِيتًا – قَالَ – وَأَوَّلُ مَنْ يَسْمَعُهُ رَجُلٌ يَلُوطُ حَوْضَ إِبِلِهِ – قَالَ – فَيَصْعَقُ وَيَصْعَقُ النَّاسُ ثُمَّ يُرْسِلُ اللَّهُ – أَوْ قَالَ يُنْزِلُ اللَّهُ – مَطَرًا كَأَنَّهُ الطَّلُّ أَوِ الظِّلُّ – نُعْمَانُ الشَّاكُّ – فَتَنْبُتُ مِنْهُ أَجْسَادُ النَّاسِ ثُمَّ يُنْفَخُ فِيهِ أُخْرَى فَإِذَا هُمْ قِيَامٌ يَنْظُرُونَ
…… ശേഷം കാഹളത്തിൽ ഊതപ്പെടും. അത് കേൾക്കുന്ന ആരുമില്ല തന്റെ പിരടി ചെരിക്കുകയും ഉയർത്തുകയും ചെയ്യാതെ. ആദ്യമായി അത്’ കേൾക്കുന്ന വ്യക്തി തൻ്റെ ഒട്ടകത്തിന്റെ ഹൗദ്വ് നന്നാക്കുകയായിരിക്കും. തിരുമേനി പറഞ്ഞു: അതോടെ അയാൾ ചലനമറ്റ് വീഴും. ജനങ്ങളും ചലനമറ്റ് വീഴും. ശേഷം അല്ലാഹു ഒരു മഴയെ നിയോഗിക്കും അല്ലെങ്കിൽ മഴയെ വർഷിക്കും. അത് ഒരു പാറൽമഴ പോലെയോ അല്ലെങ്കിൽ തണൽപോലെയോ ആയിരിക്കും. (നുഅ്‌മാൻ എന്ന റാവിയുടെ സംശയമാണ്) അതിൽ നിന്നായിരിക്കും മനുഷ്യ ശരീരങ്ങൾ മുളപൊട്ടുന്നത്. ശേഷം വീണ്ടുമൊരിക്കൽ കാഹളത്തിൽ ഊതപ്പെടും. അപ്പോളതാ അവർ എഴുന്നേറ്റ് നോക്കുന്നു. (മുസ്‌ലിം:2940)
وَٱسْتَمِعْ يَوْمَ يُنَادِ ٱلْمُنَادِ مِن مَّكَانٍ قَرِيبٍ ﴿٤١﴾ يَوْمَ يَسْمَعُونَ ٱلصَّيْحَةَ بِٱلْحَقِّ ۚ ذَٰلِكَ يَوْمُ ٱلْخُرُوجِ ﴿٤٢﴾
അടുത്ത ഒരു സ്ഥലത്ത് നിന്ന് വിളിച്ചുപറയുന്നവന്‍ വിളിച്ചുപറയുന്ന ദിവസത്തെപ്പറ്റി ശ്രദ്ധിച്ചു കേള്‍ക്കുക. അതായത് ആ ഘോരശബ്ദം യഥാര്‍ത്ഥമായും അവര്‍ കേള്‍ക്കുന്ന ദിവസം. അതത്രെ (ഖബ്‌റുകളില്‍ നിന്നുള്ള) പുറപ്പാടിന്റെ ദിവസം. (ഖുർആൻ:50/41-42)
അതായത് {ശ്രദ്ധിച്ചുകേള്‍ക്കുക} നിന്റെ ഹൃദയത്താല്‍. {വിളിച്ച് പറയുന്നവന്‍ വിളിച്ചുപറയുന്ന ദിവസത്തെപ്പറ്റി} അത് ഇസ്‌റാഫീല്‍ എന്ന മലക്കാണ്. അതായത് കാഹളത്തില്‍ ഊതുന്ന സമയം. {അടുത്ത ഒരു സ്ഥലത്ത് നിന്ന്} ഭൂമിയില്‍നിന്ന്. {ആ ഘോരശബ്ദം അവര്‍ കേള്‍ക്കുന്ന ദിവസം} എല്ലാ സൃഷ്ടികളും അത് കേള്‍ക്കും. {ഘോരശബ്ദം}വിറപ്പിക്കുന്നതും ഭീകരവുമായ. {യഥാര്‍ഥമായും} സംശയമോ ശങ്കയോ ഇല്ലാത്ത. {അതത്രെ പുറപ്പാടിന്റെ ദിവസം} ക്വബ്‌റുകളില്‍നിന്ന്. എല്ലാറ്റിനും കഴിവുള്ളവന്‍ തനിച്ചാകുന്നു. (തഫ്സീറുസ്സഅ്ദി)
പുനര്‍ജീവിതത്തിനു വേണ്ടിയുള്ള വിളി, അഥവാ രണ്ടാമത്തെ കാഹളം ഊത്താണ് വിവക്ഷ. ആ ഘോരശബ്ദം എല്ലാവരും ഒരുപോലെ – അവരവരുടെ അടുത്തുനിന്നു തന്നെ വിളിക്കുന്നതുപോലെ – കേള്‍ക്കുന്നതായിരിക്കും. (അമാനി തഫ്സീര്‍)
وَنُفِخَ فِى ٱلصُّورِ فَإِذَا هُم مِّنَ ٱلْأَجْدَاثِ إِلَىٰ رَبِّهِمْ يَنسِلُونَ ﴿٥١﴾ قَالُوا۟ يَٰوَيْلَنَا مَنۢ بَعَثَنَا مِن مَّرْقَدِنَا ۜ ۗ هَٰذَا مَا وَعَدَ ٱلرَّحْمَٰنُ وَصَدَقَ ٱلْمُرْسَلُونَ ﴿٥٢﴾
കാഹളത്തില്‍ ഊതപ്പെടും. അപ്പോള്‍ അവര്‍ ഖബ്‌റുകളില്‍ നിന്ന് അവരുടെ രക്ഷിതാവിങ്കലേക്ക് കുതിച്ച് ചെല്ലും. അവര്‍ പറയും: നമ്മുടെ നാശമേ! നമ്മുടെ ഉറക്കത്തില്‍ നിന്ന് നമ്മെ എഴുന്നേല്‍പിച്ചതാരാണ്‌? ഇത് പരമകാരുണികന്‍ വാഗ്ദാനം ചെയ്തതാണല്ലോ. ദൈവദൂതന്‍മാര്‍ സത്യം തന്നെയാണ് പറഞ്ഞത്‌. (ഖു൪ആന്‍:36/51-52)
ആദ്യത്തെ ഊത്ത്; അത് ഭയത്തിന്റെയും മരണത്തിന്റെയുമാണ്. ഇവിടെ പരാമർശിച്ചിരിക്കുന്ന കാഹളനാദം ഉയി ർത്തെഴുന്നേല്പിന്റെ കാഹളമാണ്. കാഹളനാദം മുഴങ്ങുമ്പോൾ അവർ തങ്ങളുടെ ക്വബ്‌റുകളിൽനിന്ന് പുറത്തുവന്ന് തങ്ങളുടെ രക്ഷിതാവിങ്കലേക്ക് തിടുക്കത്തിൽ ഓടിക്കൊണ്ടിരിക്കും. അവർക്ക് വൈകാനോ സാവകാശം കാണിക്കാനോ കഴിയില്ല. (തഫ്സീറുസ്സഅ്ദി)
…. يَوْمَ يَدْعُ ٱلدَّاعِ إِلَىٰ شَىْءٍ نُّكُرٍ ﴿٦﴾خُشَّعًا أَبْصَٰرُهُمْ يَخْرُجُونَ مِنَ ٱلْأَجْدَاثِ كَأَنَّهُمْ جَرَادٌ مُّنتَشِرٌ ﴿٧﴾ مُّهْطِعِينَ إِلَى ٱلدَّاعِ ۖ يَقُولُ ٱلْكَٰفِرُونَ هَٰذَا يَوْمٌ عَسِرٌ ﴿٨﴾
….. അനിഷ്ടകരമായ ഒരു കാര്യത്തിലേക്ക് വിളിക്കുന്നവന്‍ വിളിക്കുന്ന ദിവസം. ദൃഷ്ടികള്‍ താഴ്ന്നു പോയവരായ നിലയില്‍ ഖബ്‌റുകളില്‍ നിന്ന് (നാലുപാടും) പരന്ന വെട്ടുകിളികളെന്നോണം അവര്‍ പുറപ്പെട്ട് വരും.വിളിക്കുന്നവന്‍റെ അടുത്തേക്ക് അവര്‍ ധൃതിപ്പെട്ട് ചെല്ലുന്നവരായിരിക്കും. സത്യനിഷേധികള്‍ (അന്ന്) പറയും: ഇതൊരു പ്രയാസകരമായ ദിവസമാകുന്നു. (ഖു൪ആന്‍:54/6-8)
സൃഷ്ടികള്‍ക്കാര്‍ക്കും പരിചയമല്ലാത്ത അതിദാരുണമായ സംഭവം. അതിനെക്കാളും വേദനാജനകവും ദാരുണവുമായ ഒരു കാഴ്ച ഇതുവരെ കാണപ്പെട്ടിട്ടില്ല. അങ്ങനെ ഇസ്‌റാഫീല്‍ ഒരു ഊത്ത് ഊതും. അതുമൂലം ക്വിയാമത്തിലെ നിര്‍ത്തത്തിനുവേണ്ടി ക്വബ്‌റുകളില്‍നിന്ന് മരിച്ചവര്‍ എഴുന്നേറ്റു വരും. (തഫ്സീറുസ്സഅ്ദി)
يَوْمَ يُنفَخُ فِى ٱلصُّورِ فَتَأْتُونَ أَفْوَاجًا
അതായത് കാഹളത്തില്‍ ഊതപ്പെടുകയും, നിങ്ങള്‍ കൂട്ടംകൂട്ടമായി വന്നെത്തുകയും ചെയ്യുന്ന ദിവസം. (ഖു൪ആന്‍:78/18)
يَوْمَ يُنفَخُ فِى ٱلصُّورِ ۚ وَنَحْشُرُ ٱلْمُجْرِمِينَ يَوْمَئِذٍ زُرْقًا
അതായത് കാഹളത്തില്‍ ഈതപ്പെടുന്ന ദിവസം. കുറ്റവാളികളെ അന്നേദിവസം നീലവര്‍ണമുള്ളവരായിക്കൊണ്ട് നാം ഒരുമിച്ചുകൂട്ടുന്നതാണ്‌. (ഖു൪ആന്‍:20/102)
عَنْ أَبِي هُرَيْرَةَ، عَنِ النَّبِيِّ صلى الله عليه وسلم قَالَ “ بَيْنَ النَّفْخَتَيْنِ أَرْبَعُونَ ”. قَالُوا يَا أَبَا هُرَيْرَةَ أَرْبَعُونَ يَوْمًا قَالَ أَبَيْتُ. قَالَ أَرْبَعُونَ سَنَةً قَالَ أَبَيْتُ. قَالَ أَرْبَعُونَ شَهْرًا. قَالَ أَبَيْتُ، وَيَبْلَى كُلُّ شَىْءٍ مِنَ الإِنْسَانِ إِلاَّ عَجْبَ ذَنَبِهِ، فِيهِ يُرَكَّبُ الْخَلْقُ.
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: “രണ്ട് ഊത്തുകള്‍ക്കിടയില്‍ നാൽപ്പത് ഉണ്ട്.” അവർ ചോദിച്ചു: അബൂഹുറയ്‌റാ, നാൽപ്പത് ദിവസമാണോ? അബൂഹുറയ്‌റ പറഞ്ഞു: “ഞാൻ വിസമ്മതിച്ചു.” അവർ ചോദിച്ചു: നാൽപ്പത് വർഷമാണോ? അദ്ദേഹം പറഞ്ഞു: “ഞാൻ വിസമ്മതിച്ചു.” അവർ ചോദിച്ചു: നാൽപ്പത് മാസമാണോ? അദ്ദേഹം പറഞ്ഞു: “ഞാൻ വിസമ്മതിച്ചു.” (ബുഖാരി:4814)
www.kanzululoom.com