لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍ
തീര്‍ച്ചയായും മനുഷ്യനെ നാം ഏറ്റവും നല്ല ഘടനയോടു കൂടി സൃഷ്ടിച്ചിരിക്കുന്നു. (ഖുർആൻ:95/4)
أَيْ: تَامُّ الْخَلْقِ، مُتَنَاسِبُ الْأَعْضَاءِ، مُنْتَصِبُ الْقَامَةِ، لَمْ يَفْقِدْ مِمَّا يَحْتَاجُ إِلَيْهِ ظَاهِرًا أَوْ بَاطِنًا شَيْئًا،
അതായത് : പ്രത്യക്ഷമോ പരോക്ഷമോ ആയ മനുഷ്യന്റെ ഏതാവശ്യവും നിര്‍വഹിക്കാന്‍ അവന് യാതൊരു വിഷമവും നേരിടാത്ത വിധത്തില്‍ നിവര്‍ന്ന് നില്‍ക്കുന്ന ആകാരവും അവയവങ്ങളുടെ പരസ്പര ബന്ധവും സൃഷ്ടിപ്പിന്റെ പൂര്‍ണതയും ഉള്ള അന്യൂനമായ ഘടന. (തഫ്സീറുസ്സഅ്ദി)
മനുഷ്യനെ അവൻ ഏറ്റവും നല്ല ഒരു പാകതയിലായിട്ടാണ് സൃഷ്ടിച്ചിരിക്കുന്നത്. ശാരീരികമായും, ബുദ്ധിപരമായും, ആത്മീയമായും എല്ലാം തന്നെ അവൻ ഇതരജീവികളെക്കാൾ ഉല്‍കൃഷ്ടനാകുന്നു. അവനെക്കാൾ എത്രയോ വമ്പിച്ച വസ്തുക്കളെപ്പോലും കീഴൊതുക്കുവാനും, അടക്കി ഭരിക്കുവാനും വേണ്ടുന്ന പക്വതയും പാകതയും അവനു അല്ലാഹു നല്‍കിയിട്ടുണ്ട്. (അമാനി തഫ്സീര്‍)
وَصَوَّرَكُمْ فَأَحْسَنَ صُوَرَكُمْ ۖ
നിങ്ങള്‍ക്കവന്‍ രൂപം നല്‍കുകയും, നിങ്ങളുടെ രൂപങ്ങള്‍ അവന് നന്നാക്കുകയും ചെയ്തിരിക്കുന്നു. (ഖുര്‍ആൻ:40/64, 64/3)
മറ്റു ജീവികളിലൊന്നിലും കണ്ടെത്താനാവാത്തത്ര മനോഹരരൂപം അവൻ മനുഷ്യന് നൽകി. അല്ലാഹു തന്നെ പറയുന്നു:
لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍ
തീര്‍ച്ചയായും മനുഷ്യനെ നാം ഏറ്റവും നല്ല ഘടനയോടു കൂടി സൃഷ്ടിച്ചിരിക്കുന്നു. (95/4)
മനുഷ്യ സൃഷ്ടിപ്പിന്റെ മനോഹാരിതയും അതിൽ അല്ലാഹു ഉണ്ടാക്കിയ അത്ഭുതങ്ങളും മനസ്സിലാക്കാൻ ഓരോ അവയവവും സൂക്ഷ്മമായി നിരീക്ഷിച്ചാൽ മതി. അതിന് അതിനെക്കാൾ പറ്റിയ മറ്റൊരു സ്ഥാനമുണ്ടോ എന്ന് ചിന്തിച്ചാൽ മതി. ഹൃദയങ്ങൾക്ക് പരസ്പരം തോന്നുന്ന താൽപര്യം ഇതും മനുഷ്യനല്ലാത്ത മറ്റ് ജീവികളിൽ കാണുക സാധ്യമാണോ? അതുപോലെതന്നെ ബുദ്ധി, വിശ്വാസം, സ്‌നേഹം, അറിവ് തുടങ്ങിയവയെല്ലാം മനോഹരമായ രൂപത്തിന് ചേർന്ന മനോഹരഗുണങ്ങളായി നൽകി. (തഫ്സീറുസ്സഅ്ദി:40/64)
فالإنسان أحسن المخلوقات صورة،
അപ്പോള്‍ രൂപത്തില്‍ സൃഷ്ടികളില്‍ ഏറ്റവും നല്ലത് മനുഷ്യനാണ്. കാഴ്ചയില്‍ ഏറ്റവും സുന്ദരനും. (തഫ്സീറുസ്സഅ്ദി:64/3)
അല്ലാഹുവിന്റെ മനോഹരമായ നാമങ്ങളിൽ ഒന്നാണ് المُصَوِّرُ (അൽമുസ്വവ്വീര്‍). രൂപപ്പെടുത്തുന്നവൻ എന്നാണ് ഈ നാമം അർത്ഥമാക്കുന്നത്. തന്റെ യുക്തിയുടേയും കാരുണ്യത്തിന്റേയും അറിവിന്റെയും തേട്ടമനുസരിച്ച് അല്ലാഹു സൃഷ്ടിക്കുകയും സൃഷ്ടികൾക്ക് രൂപം നൽകുകയും ചെയ്യുന്നവനാണ്. ഓരോ വസ്തുവിനും അവൻ ഉദ്ദേശിച്ചതും വ്യതിരിക്തവുമായ രൂപം നൽകി. അതിൽ മനുഷ്യന് ഏറ്റവും നല്ല രൂപം നൽകി.
خَلَقَ ٱلْإِنسَٰنَ ﴿٣﴾ عَلَّمَهُ ٱلْبَيَانَ ﴿٤﴾
അവന് മനുഷ്യനെ സൃഷ്ടിച്ചു. അവനെ അവന് സംസാരിക്കാന്‍ പഠിപ്പിച്ചു. (ഖുർആൻ:55/3-4)
അവന് മനുഷ്യനെ സൃഷ്ടിച്ചു; ഏറ്റവും നല്ല ഘടനയില്‍. അവയവങ്ങളുടെ തികവ്, ശരീരഭാഗങ്ങളുടെ പൂര്‍ണത, നിര്‍മിതിയിലെ ദൃഢത. സ്രഷ്ടാവായ അല്ലാഹു തന്റെ സൃഷ്ടിയെ പുതുമയാര്‍ന്നതും അന്യൂനവുമാക്കി. മറ്റുജീവജാലങ്ങളില്‍നിന്ന് അവനെ സവിശേഷമാക്കിയത്: {അവനെ സംസാരിക്കാന്‍ പഠിപ്പിച്ചു} ഹൃദയങ്ങളിലെ ആശയങ്ങളെ വ്യക്തമാക്കാന്‍. വാമൊഴിയും വരമൊഴിയും ഇതില്‍ ഉള്‍ക്കൊള്ളുന്നു. മനുഷ്യന് അല്ലാഹു ചെയ്തുകൊടുത്ത ഈ മഹാ അനുഗ്രഹത്തിലൂടെ മറ്റുള്ളവയില്‍നിന്ന് അവനെ സവിശേഷമാക്കി. (തഫ്സീറുസ്സഅ്ദി)
نَّحْنُ خَلَقْنَٰهُمْ وَشَدَدْنَآ أَسْرَهُمْ ۖ
നാമാണ് അവരെ സൃഷ്ടിക്കുകയും അവരുടെ ശരീരഘടന ബലപ്പെടുത്തുകയും ചെയ്തത്‌. (ഖു൪ആന്‍:76/28)
{نَحْنُ خَلَقْنَاهُمْ} أَيْ: أَوَجَدْنَاهُمْ مِنَ الْعَدَمِ، {وَشَدَدْنَا أَسْرَهُمْ} أَيْ: أَحْكَمُنَا خِلْقَتَهُمْ بِالْأَعْصَابِ، وَالْعُرُوقِ، وَالْأَوْتَارِ، وَالْقُوَى الظَّاهِرَةِ وَالْبَاطِنَةِ، حَتَّى تَمَّ الْجِسْمُ وَاسْتَكْمَلَ،
{നാം അവരെ സൃഷ്ടിക്കുകയും} അതായത്: ഇല്ലായ്മയില്‍ നിന്ന് അവരെ നാം ഉണ്ടാക്കി. {അവരുടെ ശരീരഘടന നാം ബലപ്പെടുത്തുകയും ചെയ്തു}അതായത്: മസിലുകള്‍, നാഡി ഞരമ്പുകള്‍ മുതലായവകൊണ്ട് ബാഹ്യവും ആന്തരികവുമായി അവരുടെ സൃഷ്ടിപ്പിനെ നാം ദൃഢമാക്കി, അങ്ങനെ ശരീരം സമ്പൂര്‍ണമായി. (തഫ്സീറുസ്സഅ്ദി)
وَلَقَدْ كَرَّمْنَا بَنِىٓ ءَادَمَ وَحَمَلْنَٰهُمْ فِى ٱلْبَرِّ وَٱلْبَحْرِ وَرَزَقْنَٰهُم مِّنَ ٱلطَّيِّبَٰتِ وَفَضَّلْنَٰهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا
തീര്‍ച്ചയായും ആദം സന്തതികളെ നാം ആദരിക്കുകയും, കടലിലും കരയിലും അവരെ നാം വാഹനത്തില്‍ കയറ്റുകയും, വിശിഷ്ടമായ വസ്തുക്കളില്‍ നിന്ന് നാം അവര്‍ക്ക് ഉപജീവനം നല്‍കുകയും, നാം സൃഷ്ടിച്ചിട്ടുള്ളവരില്‍ മിക്കവരെക്കാളും അവര്‍ക്ക് നാം സവിശേഷമായ ശ്രേഷ്ഠത നല്‍കുകയും ചെയ്തിരിക്കുന്നു. (ഖു൪ആന്‍:17/70)
മനുഷ്യരെ, ഈ വചനങ്ങളെ കുറിച്ച് ചിന്തിക്കുക
يَٰٓأَيُّهَا ٱلْإِنسَٰنُ مَا غَرَّكَ بِرَبِّكَ ٱلْكَرِيمِ ﴿٦﴾ ٱلَّذِى خَلَقَكَ فَسَوَّىٰكَ فَعَدَلَكَ ﴿٧﴾ فِىٓ أَىِّ صُورَةٍ مَّا شَآءَ رَكَّبَكَ ﴿٨﴾
ഹേ; മനുഷ്യാ, ഉദാരനായ നിന്റെ രക്ഷിതാവിന്റെ കാര്യത്തില്‍ നിന്നെ വഞ്ചിച്ചു കളഞ്ഞതെന്താണ്? നിന്നെ സൃഷ്ടിക്കുകയും, നിന്നെ സംവിധാനിക്കുകയും , നിന്നെ ശരിയായ അവസ്ഥയിലാക്കുകയും ചെയ്തവനത്രെ അവന്. താന്‍ ഉദ്ദേശിച്ച രൂപത്തില്‍ നിന്നെ സംഘടിപ്പിച്ചവന്‍. (ഖുർആൻ:82/6-8)
{يَا أَيُّهَا الإِنْسَانُ مَا غَرَّكَ بِرَبِّكَ الْكَرِيمِ} أَتَهَاوُنًّا مِنْكَ فِي حُقُوقِهِ؟ أَمِ احْتِقَارًا مِنْكَ لِعَذَابِهِ؟ أَمْ عَدَمُ إِيمَانٍ مِنْكَ بِجَزَائِهِ؟ أَلَيْسَ هُوَ {الَّذِي خَلَقَكَ فَسَوَّاكَ} فِي أَحْسَنِ تَقْوِيمٍ؟ {فَعَدَلَكَ} وَرَكَّبَكَ تَرْكِيبًا قَوِيمًا مُعْتَدِلًا فِي أَحْسَنِ الْأَشْكَالِ، وَأَجْمَلِ الْهَيْئَاتِ، فَهَلْ يَلِيقُ بِكَ أَنْ تَكْفُرَ نِعْمَةَ الْمُنْعِمِ، أَوْ تَجْحَدَ إِحْسَانَ الْمُحْسِنِ؟ إِنَّ هَذَا إِلَّا مِنْ جَهْلِكَ وَظُلْمِكَ وَعِنَادِكَ وَغُشْمِكَ،
{ഹേ മനുഷ്യാ, ഉദാരനായ നിന്റെ രക്ഷിതാവിന്റെ കാര്യത്തില്‍ നിന്നെ വഞ്ചിച്ച് കളഞ്ഞതെന്താണ്?} അവനോടുള്ള കടമകളെ നിസ്സാരമാക്കി, അവന്റെ ശിക്ഷയെ വില വെക്കാതെ, അവന്റെ പ്രതിഫലത്തില്‍ വിശ്വസിക്കാതെ. അവനല്ലയോ {നിന്നെ സൃഷ്ടിക്കുകയും സംവിധാനിക്കുകയും ചെയ്തവന്‍} ഏറ്റവും നല്ല ഘടനയില്‍ {ശരിയായ അവസ്ഥയില്‍ ആക്കുകയും ചെയ്തു} മനോഹരമായി, ഏറ്റവും നല്ല രൂപത്തില്‍, ശരിയായ അവസ്ഥയില്‍ അവന് നിന്നെ ഘടിപ്പിച്ചുണ്ടാക്കി. ഈ അനുഗ്രഹങ്ങള്‍ നല്‍കിയവന്റെ അനുഗ്രഹങ്ങള്‍ക്ക് നന്ദികേട് കാണിക്കല്‍ നിനക്ക് യോജിച്ചതാണോ? നിനക്ക് ഉപകാരം ചെയ്തവന്റെ ഉപകാരങ്ങളെ നിഷേധിക്കല്‍ നിനക്ക് പറ്റിയതാണോ? ഇതെല്ലാം നിന്റെ അറിവില്ലായ്മയും അക്രമവും ധിക്കാരവും മാത്രമാണ്. (തഫ്സീറുസ്സഅ്ദി)
മനുഷ്യാ, നീ നിന്നെപ്പറ്റി ഒന്നു ചിന്തിച്ചുനോക്കൂ! അല്ലാഹു നിന്നെ ഒരു ഇന്ദ്രിയത്തുള്ളിയില്‍ നിന്നു സൃഷ്ടിച്ചുണ്ടാക്കി; നിനക്കാവശ്യമായ അവയവങ്ങളും അംഗങ്ങളുമെല്ലാം നല്‍കി ശരിപ്പെടുത്തി; ഓരോന്നും അതതിന്റെ തോതും യോജിപ്പുമനുസരിച്ചു യഥാക്രമം പാകപ്പെടുത്തി: നീയോ മറ്റാരെങ്കിലുമോ ഉദ്ദേശിച്ചിട്ടില്ലാത്ത – അതെ, അവന് മാത്രം ഉദ്ദേശിച്ച – ഒരു രൂപത്തില്‍ നിനക്ക് അവന് രൂപം നല്‍കുകയും ചെയ്തു. ഇങ്ങനെ നിനക്കു സൃഷ്ടിയും രൂപവും നല്‍കി നിന്നെ സംരക്ഷിച്ചുവരുന്ന അത്യുദാരനും അതി മാന്യനുമായ നിന്റെ റബ്ബിന്റെ അനുഗ്രഹങ്ങള്‍ക്കു നന്ദികാണിക്കാതെയും, അവന്റെ ശാപകോപങ്ങളെക്കുറിച്ചു ഭയപ്പെടാതെയും നീ കഴിഞ്ഞുകൂടുന്നതു വളരെ ആശ്ചര്യം തന്നെ! അവന്റെ കാര്യത്തില്‍ നീ ഇത്രയും വഞ്ചിതനായിപ്പോയല്ലോ! എന്തൊരത്ഭുതമാണിത്?! എന്നിങ്ങനെ അല്ലാഹു അവിശ്വാസികളെ അഭിമുഖീകരിച്ചു പറയുകയാണ്‌. (അമാനി തഫ്സീര്‍)
قُتِلَ ٱلْإِنسَٰنُ مَآ أَكْفَرَهُۥ ﴿١٧﴾ مِنْ أَىِّ شَىْءٍ خَلَقَهُۥ ﴿١٨﴾ مِن نُّطْفَةٍ خَلَقَهُۥ فَقَدَّرَهُۥ ﴿١٩﴾
മനുഷ്യന് നാശമടയട്ടെ. എന്താണവന്‍ ഇത്ര നന്ദികെട്ടവനാകാന്‍? ഏതൊരു വസ്തുവില്‍ നിന്നാണ് അല്ലാഹു അവനെ സൃഷ്ടിച്ചത്‌? ഒരു ബീജത്തില്‍ നിന്ന് അവനെ സൃഷ്ടിക്കുകയും, എന്നിട്ട് അവനെ (അവന്റെ കാര്യം) വ്യവസ്ഥപ്പെടുത്തുകയും ചെയ്തു. (ഖുർആൻ:80/17-19)
{മനുഷ്യന് നാശമടയട്ടെ. എന്താണവന്‍ ഇത്ര നന്ദികെട്ടവനാകാന്‍} അല്ലാഹുവിന്റെ അനുഗ്രഹങ്ങള്‍ക്ക്. സത്യം വ്യക്തമായിട്ടും എത്ര ധിക്കാരമാണവന്‍ സത്യത്തോട് കാണിക്കുന്നത്! എന്താണവന്‍? വസ്തുക്കളില്‍ ഏറ്റവും ദുര്‍ബലമായതില്‍നിന്നാണവന്‍. നിസ്സാരമായ ദ്രാവകത്തില്‍ നിന്നും അവനെ അല്ലാഹു സൃഷ്ടിച്ചു. പിന്നീട് അവന്റെ സൃഷ്ടിപ്പിനെ നിര്‍ണയിച്ചു. എന്നിട്ട് ശരിയായ ഒരു മനുഷ്യനാക്കി സംവിധാനിച്ചു. ആന്തരികവും ബാഹ്യവുമായ അവന്റെ ശക്തിയെ സുദൃഢമാക്കി. (തഫ്സീറുസ്സഅ്ദി)
www.kanzululoom.com