മനുഷ്യന് ലഭിക്കുന്ന പാരത്രിക അനുഗ്രഹങ്ങളിൽ മഹത്വരമായിട്ടുള്ളതാണ് അവന്റെ സൃഷ്ടാവ് അവനെ പരിഗണിക്കുകയെന്നത്. എന്നാൽ ഈ അനുഗ്രഹങ്ങളിൽ നിന്ന് തടയപ്പെടുന്ന ചില വിഭാഗങ്ങളുണ്ട്. അഥവാ ചില വിഭാഗം ആളുകളോട് അവരുടെ ചില തിൻമകളാൽ, നാളെ പരലോകത്ത് വെച്ച് അല്ലാഹു സംസാരിക്കുകയോ അവരെ നോക്കുകയോ അവരെ സംസ്കരിക്കുകയോ ചെയ്യുകയില്ല. അത്തരം ആളുകൾ ചെയ്ത തിൻമകളെ കുറിച്ച് മനസ്സിലാക്കൽ ഓരോരുത്തരുടെയും ബാധ്യതയാണ്. എങ്കിൽ മാത്രമേ അത്തരം തിൻമകളിൽ നിന്നൊക്കെ നമുക്ക് വിട്ടുനിൽക്കുവാൻ കഴിയുകയുള്ളൂ.
തിരുനോട്ടം നിഷേധിക്കപ്പെടുന്നവർ
عن عبدالله بن عمر، قَالَ قَالَ رَسُولُ اللَّهِ صلى الله عليه وسلم : ثَلاَثَةٌ لاَ يَنْظُرُ اللَّهُ عَزَّ وَجَلَّ إِلَيْهِمْ يَوْمَ الْقِيَامَةِ الْعَاقُّ لِوَالِدَيْهِ وَالْمَرْأَةُ الْمُتَرَجِّلَةُ وَالدَّيُّوثُ
അബ്ദുല്ലാഹിബ്നു ഉമര്‍ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: മൂന്ന് കൂട്ടർ, അല്ലാഹു അന്ത്യനാളിൽ അവരിലേക്ക് നോക്കുകയില്ല. തന്റെ മാതാപിതാക്കളെ ദ്രോഹിക്കുന്നവൻ, പുരുഷന്മാരോട് സദൃശ്യരായി ആൺകോലം കെട്ടുന്ന സ്ത്രീകൾ. കടുംബത്തിൽ ഹീനതക്ക് കൂട്ടുനിൽക്കുന്ന ഗൃഹനാഥൻ. (നസാഇ:2562)
عَنْ أَبِي هُرَيْرَةَ، عَنِ النَّبِيِّ ـ صلى الله عليه وسلم ـ قَالَ : لاَ يَنْظُرُ اللَّهُ إِلَى رَجُلٍ جَامَعَ امْرَأَتَهُ فِي دُبُرِهَا.
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: ഭാര്യയുമായി ഗുദമൈഥുനം നടത്തുന്നവനെ (മലദ്ദ്വാരത്തിൽ പ്രാപിക്കുന്നവനെ) അല്ലാഹു നോക്കുകയില്ല. (നസാഇ:1923)
عن عبدالله بن عمر ـ رضى الله عنه ـ عَنِ النَّبِيِّ صلى الله عليه وسلم قَالَ ” مَنْ جَرَّ ثَوْبَهُ خُيَلاَءَ لَمْ يَنْظُرِ اللَّهُ إِلَيْهِ يَوْمَ الْقِيَامَةِ ”.
അബ്ദുല്ലാഹിബ്നു ഉമര്‍ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: വല്ലവനും തന്റെ വസ്ത്രം അഹങ്കാരിയായി വലിച്ചു നടന്നാൽ അന്ത്യനാളിൽ അവനിലേക്ക് അല്ലാഹു നോക്കുകയില്ല. (ബുഖാരി:5784)
عن عبدالله بن عمر، عَنِ النَّبِيِّ صلى الله عليه وسلم قَالَ “ الإِسْبَالُ فِي الإِزَارِ وَالْقَمِيصِ وَالْعِمَامَةِ مَنْ جَرَّ مِنْهَا شَيْئًا خُيَلاَءَ لَمْ يَنْظُرِ اللَّهُ إِلَيْهِ يَوْمَ الْقِيَامَةِ ” .
അബ്ദുല്ലാഹിബ്നു ഉമര്‍ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: തുണി, കുപ്പായം, തലപ്പാവ് എന്നിവയിലെല്ലാം വലിച്ചിഴക്കലുണ്ട്. വല്ലവനും, അവയിൽനിന്ന് വല്ലതും അഹങ്കാരിയായി വലിച്ച് നടന്നാൽ അവനിലേക്ക് അന്ത്യനാളിൽ അല്ലാഹു നോക്കുകയില്ല. (അബൂദാവൂദ്:4094)
عن سلمان قال: قال رسول الله صلى الله عليه وسلم : ثَلاثَةٌ لا يَنْظُرُ اللَّهُ إِلَيْهِمْ يَوْمَ الْقِيَامَةِ: أُشَيْمِطٌ زَانٍ، وَعَائِلٌ مُسْتَكْبِرٌ، وَرَجُلٌ جَعَلَ اللَّهَ بِضَاعَةً، لا يَشْتَرِي إِلا بِيَمِينِهِ، وَلا يَبِيعُ إِلا بِيَمِينِهِ
സല്‍മാന്‍ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: മൂന്ന് വിഭാഗം ആളുകളോട്, അല്ലാഹു സംസാരിക്കുകയോ, അവരെ സംസ്കരിക്കുകയോ ഇല്ല. അവര്‍ക്ക് വേദനിക്കുന്ന ശിക്ഷയുണ്ട് വ്യഭിചാരിയായ വൃദ്ധന്‍ , അഹങ്കാരിയായ ദരിദ്രന്‍ , അല്ലാഹുവെ കൊണ്ട് സത്യം ചെയ്ത് ക്രയവിക്രയം നടത്തുന്ന വ്യാപാരി. ( ത്വബ്റാനി : 5989 – സ്വഹീഹുൽ ജാമിഅ്:3072)
സംസാരവും സംസ്കരണവും നിഷേധിക്കപ്പെടുന്നവർ
കരുണാമയനായ അല്ലാഹു സംസാരിക്കുകയോ സംസ്കരിക്കുകയോ ചെയ്യാത്തതിനാൽ അധിക്ഷിപ്‌തതയും നോവേറിയ ശിക്ഷ ഏറ്റ് വാങ്ങുകയും ചെയ്യുന്ന പല ജനവിഭാഗങ്ങളും അന്ത്യനാളിലുണ്ട്.
അല്ലാഹു വേദഗ്രന്ഥം അവതരിപ്പിച്ചതിന്റെ ലക്ഷ്യം ഭൂലോകജനതയുടെ വിജയവും, മോക്ഷവുമാണ്. വേദഗ്രന്ഥത്തിലുള്ളത് ജനങ്ങൾക്ക് പറഞ്ഞുകൊടുക്കൽ അത് പഠിച്ചവരുടെ ബാധ്യതയാണ്.അത് ജനങ്ങള്‍ക്ക് വെളിവാക്കിക്കൊടുക്കാതെ, ഐഹികമായ ലാഭങ്ങളോ താല്‍കാലിക നേട്ടങ്ങളോ മറ്റെന്തെങ്കിലും താൽപ്പര്യങ്ങളോ ഉദ്ദേശിച്ച് മൂടിവെക്കുന്നവരും ഈ വകുപ്പിലാണ്.
إِنَّ ٱلَّذِينَ يَكْتُمُونَ مَآ أَنزَلَ ٱللَّهُ مِنَ ٱلْكِتَٰبِ وَيَشْتَرُونَ بِهِۦ ثَمَنًا قَلِيلًا ۙ أُو۟لَٰٓئِكَ مَا يَأْكُلُونَ فِى بُطُونِهِمْ إِلَّا ٱلنَّارَ وَلَا يُكَلِّمُهُمُ ٱللَّهُ يَوْمَ ٱلْقِيَٰمَةِ وَلَا يُزَكِّيهِمْ وَلَهُمْ عَذَابٌ أَلِيمٌ ﴿١٧٤﴾ أُو۟لَٰٓئِكَ ٱلَّذِينَ ٱشْتَرَوُا۟ ٱلضَّلَٰلَةَ بِٱلْهُدَىٰ وَٱلْعَذَابَ بِٱلْمَغْفِرَةِ ۚ فَمَآ أَصْبَرَهُمْ عَلَى ٱلنَّارِ ﴿١٧٥﴾
അല്ലാഹു അവതരിപ്പിച്ച, വേദഗ്രന്ഥത്തിലുള്ള കാര്യങ്ങള്‍ മറച്ചുവെക്കുകയും, അതിന്നു വിലയായി തുച്ഛമായ നേട്ടങ്ങള്‍ നേടിയെടുക്കുകയും ചെയ്യുന്നവരാരോ അവര്‍ തങ്ങളുടെ വയറുകളില്‍ തിന്നു നിറക്കുന്നത് നരകാഗ്നിയല്ലാതെ മറ്റൊന്നുമല്ല. ഉയിര്ത്തെഴുന്നേല്പിന്റെ നാളില്‍ അല്ലാഹു അവരോട് സംസാരിക്കുകയോ (പാപങ്ങളില്‍ നിന്ന്) അവരെ സംശുദ്ധരാക്കുകയോ ചെയ്യുകയില്ല. അവര്‍ക്ക് വേദനയേറിയ ശിക്ഷയുണ്ടായിരിക്കുകയും ചെയ്യും. സന്‍മാര്‍ഗത്തിനു പകരം ദുര്‍മാര്‍ഗവും, പാപമോചനത്തിനു പകരം ശിക്ഷയും വാങ്ങിയവരാകുന്നു അവര്‍. നരകശിക്ഷ അനുഭവിക്കുന്നതില്‍ അവര്‍ക്കെന്തൊരു ക്ഷമയാണ്‌! (ഖുർആൻ:2/174-175)
തിരുനോട്ടവും സംസാരവും സംസ്കരണവും നിഷേധിക്കപ്പെടുന്നവർ
إِنَّ ٱلَّذِينَ يَشْتَرُونَ بِعَهْدِ ٱللَّهِ وَأَيْمَٰنِهِمْ ثَمَنًا قَلِيلًا أُو۟لَٰٓئِكَ لَا خَلَٰقَ لَهُمْ فِى ٱلْـَٔاخِرَةِ وَلَا يُكَلِّمُهُمُ ٱللَّهُ وَلَا يَنظُرُ إِلَيْهِمْ يَوْمَ ٱلْقِيَٰمَةِ وَلَا يُزَكِّيهِمْ وَلَهُمْ عَذَابٌ أَلِيمٌ ﴿٧٧﴾
അല്ലാഹുവോടുള്ള കരാറും സ്വന്തം ശപഥങ്ങളും തുച്ഛവിലയ്ക്ക് വില്‍ക്കുന്നവരാരോ അവര്‍ക്ക് പരലോകത്തില്‍ യാതൊരു ഓഹരിയുമില്ല. ഉയിര്ത്തെഴുന്നേല്പിന്റെ നാളില്‍ അല്ലാഹു അവരോട് സംസാരിക്കുകയോ, അവരുടെ നേര്‍ക്ക് (കാരുണ്യപൂര്‍വ്വം) നോക്കുകയോ ചെയ്യുന്നതല്ല. അവന്‍ അവര്‍ക്ക് വിശുദ്ധി നല്‍കുന്നതുമല്ല. അവര്‍ക്ക് വേദനയേറിയ ശിക്ഷയുണ്ടായിരിക്കുന്നതുമാണ്. (ഖുർആൻ:3/77)
അല്ലാഹുവിന്റെ അസ്തിത്വം, ഏകത്വം, ആരാധ്യത മുതലായവ ഗ്രഹിക്കുവാനും അംഗീകരിക്കുവാനും സ്വയം ബാധ്യസ്ഥനായ മനുഷ്യന്, ഈ ബാദ്ധ്യത നിറവേറ്റാത്തപക്ഷം, അല്ലാഹുവോടുള്ള കരാർ ലംഘിച്ചവനാണ്. നബി ﷺ യില്‍ വിശ്വസിക്കുക, അവിടുന്ന് കൊണ്ടു വന്ന മാര്‍ഗം പിന്‍പറ്റുക മുതലായവ ചെയ്തുകൊള്ളാമെന്ന നിശ്ചയവും പ്രതിജ്ഞയുമെടുത്തിട്ട് അത് ലംഘിച്ചവനും ഈ വകുപ്പിലാണ്.
عَنْ أَبِي ذَرٍّ، عَنِ النَّبِيِّ صلى الله عليه وسلم قَالَ ” ثَلاَثَةٌ لاَ يُكَلِّمُهُمُ اللَّهُ يَوْمَ الْقِيَامَةِ وَلاَ يَنْظُرُ إِلَيْهِمْ وَلاَ يُزَكِّيهِمْ وَلَهُمْ عَذَابٌ أَلِيمٌ ” قَالَ فَقَرَأَهَا رَسُولُ اللَّهِ صلى الله عليه وسلم ثَلاَثَ مِرَارٍ . قَالَ أَبُو ذَرٍّ خَابُوا وَخَسِرُوا مَنْ هُمْ يَا رَسُولَ اللَّهِ قَالَ ” الْمُسْبِلُ وَالْمَنَّانُ وَالْمُنَفِّقُ سِلْعَتَهُ بِالْحَلِفِ الْكَاذِبِ ” .
അബൂദര്‍റ് رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: മൂന്ന് കൂട്ടർ, അല്ലാഹു അവരോട് സംസാരിക്കുകയോ അന്ത്യനാളിൽ അവരിലേക്ക് നോക്കുകയോ അവരെ സംസ്കരിക്കുകയോ ഇല്ല; അവർക്ക് നോവേറിയ ശിക്ഷയാണ് ഉളളത്. അദ്ദേഹം പറഞ്ഞു: അല്ലാഹുവിന്റെ റസൂൽ ﷺ മൂന്ന് തവണ ഇത് പാരയണം ചെയ്തു. അബൂദർറ് رَضِيَ اللَّهُ عَنْهُ ചോദിച്ചു: ഇക്കൂട്ടർ നിരാശപ്പെടുകയും നഷ്ടപ്പെടുകയും ചെയ്തു. അല്ലാഹുവിന്റെ ദൂതരേ, അവർ ആരാണ്’ തിരുമേനി പറഞ്ഞു: വസ്ത്രം വലിച്ചിഴക്കുന്നവൻ, ദാനം ചെയ്തത്’ എടുത്ത് പറയുന്നവൻ, കളളസത്യം കൊണ്ട് ചരക്ക് വിറ്റഴിക്കുന്നവൻ. (മുസ്ലിം:106)
അബൂഹുറയ്റയിൽ നിന്നും നിവേദനം. അല്ലാഹുവിൻ്റെ റസൂൽ പറഞ്ഞു:
عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم : ثلَاثَةٌ لَا يُكَلِّمُهُمُ اللَّهُ يَوْمَ الْقِيَامَةِ وَلَا يَنْظُرُ إِلَيْهِمْ وَلَا يُزَكِّيهِمْ وَلَهُمْ عَذَابٌ أَلِيمٌ رَجُلٌ مَنَعَ ابْنَ السَّبِيلِ فَضْلَ مَاءٍ عِنْدَهُ وَرَجُلٌ حَلَفَ عَلَى سِلْعَةِ بَعْدَ الْعَصْرِ – يَعْنِي كَاذِبًا – وَرَجُلٌ بَايَعَ إِمَاماً فَإِنْ أَعْطَاهُ وَفَى لَهُ وَإِنْ لَمْ يُعْطِهِ لَهُ لَمْ يُوفِ لَهُ»
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: മൂന്ന് കൂട്ടർ, അല്ലാഹു അവരോട് സംസാരിക്കുകയോ അന്ത്യനാളിൽ അവരിലേക്ക് നോക്കുകയോ അവരെ സംസ്കരിക്കുകയോ ഇല്ല. അവർക്ക് വേദനയേറിയ ശിക്ഷയുണ്ടായിരിക്കുന്നതുമാണ്. വഴി യാത്രക്കാരന് തൻ്റെ അടുക്കൽ ഉപയോഗിച്ച് ബാക്കിയായ വെള്ളം തടഞ്ഞ വ്യക്തി. അസ്വർ നമസ്കാരാനന്തരം കളളസത്യം ചെയ്തു‌തുകൊണ്ട് ചരക്ക് വിറ്റഴിച്ച വ്യക്തി, ഭരണാധികാരിക്ക് അനുസരണ പ്രതിജ്ഞ ചെയ്തത്, തനിക്ക് (ഭൗതികമായി) നൽകിയാൽ പ്രതിജ്ഞ പൂർത്തീകരിക്കുകയും നൽകിയില്ലെങ്കിൽ പ്രതിജ്ഞ പൂർത്തീകരിക്കാതിരിക്കുകയും ചെയ്യുന്ന വ്യക്തി. (അഹ്മദ്)
عَنْ أَبِي هُرَيْرَةَ، عَنِ النَّبِيِّ صلى الله عليه وسلم قَالَ “ ثَلاَثَةٌ لاَ يُكَلِّمُهُمُ اللَّهُ يَوْمَ الْقِيَامَةِ وَلاَ يَنْظُرُ إِلَيْهِمْ رَجُلٌ حَلَفَ عَلَى سِلْعَةٍ لَقَدْ أَعْطَى بِهَا أَكْثَرَ مِمَّا أَعْطَى وَهْوَ كَاذِبٌ، وَرَجُلٌ حَلَفَ عَلَى يَمِينٍ كَاذِبَةٍ بَعْدَ الْعَصْرِ لِيَقْتَطِعَ بِهَا مَالَ امْرِئٍ مُسْلِمٍ، وَرَجُلٌ مَنَعَ فَضْلَ مَاءٍ فَيَقُولُ اللَّهُ يَوْمَ الْقِيَامَةِ، الْيَوْمَ أَمْنَعُكَ فَضْلِي، كَمَا مَنَعْتَ فَضْلَ مَا لَمْ تَعْمَلْ يَدَاكَ ”.
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: മൂന്ന് കൂട്ടർ, അല്ലാഹു അന്ത്യനാളിൽ അവരോട് സംസാരിക്കുകയോ അവരിലേക്ക് നോക്കുകയോ ഇല്ല. ചരക്ക് (ചെലവഴിക്കുവാൻ) സത്യം ചെയ്യുകയും വ്യാജനായതിനാൽ താൻ നൽകിയതിനേക്കാൾ തനിക്ക് നൽകപ്പെടുകയും ചെയ്ത വ്യക്തി, ഒരു മുസ്‌ലിമായ വ്യക്തിയുടെ സ്വത്ത് കവർന്നെടുക്കുവാൻ അസ്വർ നമസ്കാരാനന്തരം കള്ളസത്യം ചെയ്ത വ്യക്തി, ഉപയോഗിച്ച് ബാക്കിയായ വെള്ളം തടഞ്ഞ വ്യക്തി. അല്ലാഹു അന്ത്യനാളിൽ പറയും: നിന്റെ കരങ്ങൾ ചെയ്‌തുണ്ടാക്കാത്തതിൽ (അല്ലാഹു ദാനമായേകിയതിൽ) ബാക്കിയായത് നീ തടഞ്ഞതുപോലെ ഇന്നേ ദിനം ഞാൻ നിനക്ക് എന്റെ ഔദാര്യം തടയുന്നു. (ബുഖാരി:7446)
عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم “ ثَلاَثَةٌ لاَ يُكَلِّمُهُمُ اللَّهُ يَوْمَ الْقِيَامَةِ وَلاَ يُزَكِّيهِمْ وَلاَ يَنْظُرُ إِلَيْهِمْ وَلَهُمْ عَذَابٌ أَلِيمٌ شَيْخٌ زَانٍ وَمَلِكٌ كَذَّابٌ وَعَائِلٌ مُسْتَكْبِرٌ ” .
അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: മൂന്ന് കൂട്ടർ, അല്ലാഹു അന്ത്യനാളിൽ അവരോട് സംസാരിക്കു കയോ അവരെ സംസ്കരിക്കുകയോ അവരിലേക്ക് നോക്കുക യോ ഇല്ല; അവർക്ക് നോവേറിയ ശിക്ഷയാണ് ഉള്ളത്. വൃദ്ധനായ വ്യഭിചാരി, കള്ളം പറയുന്ന ഭരണാധികാരി, അഹങ്കാരിയായ അ ന്യാശ്രയക്കാരൻ. (മുസ്ലിം:107)
www.kanzululoom.com