عَنْ أَبِي مُوسَى ـ رضى الله عنه ـ قَالَ جَاءَ رَجُلٌ إِلَى النَّبِيِّ صلى الله عليه وسلم فَقَالَ الرَّجُلُ يُقَاتِلُ لِلْمَغْنَمِ، وَالرَّجُلُ يُقَاتِلُ لِلذِّكْرِ، وَالرَّجُلُ يُقَاتِلُ لِيُرَى مَكَانُهُ، فَمَنْ فِي سَبِيلِ اللَّهِ قَالَ “ مَنْ قَاتَلَ لِتَكُونَ كَلِمَةُ اللَّهِ هِيَ الْعُلْيَا فَهُوَ فِي سَبِيلِ اللَّهِ ”.
അബൂമൂസൽ അശ്അരിയിൽ (റ) നിന്ന് നിവേദനം: അദ്ദേഹം പറയുന്നു: ഒരാള്‍ നബി ﷺ യുടെ അടുത്ത് വന്നു ചോദിച്ചു. ഒരാൾ തന്റെ ധീരത പ്രകടിപ്പിക്കുവാൻ വേണ്ടി യുദ്ധം ചെയ്യുന്നു. ഒരാൾ ആഭിജാത്യത്തിന് വേണ്ടി യുദ്ധം ചെയ്യുന്നു. മറ്റൊരാൾ പ്രശസ്തിക്ക് വേണ്ടി യുദ്ധം ചെയ്യുന്നു ഇതിൽ ആരാണ് ‘അല്ലാഹുവിൻറെ മാർഗത്തിൽ’ . നബി ﷺ പറഞ്ഞു: ‘അല്ലാഹുവിന്റെ വചനത്തിന്റെ (ഇസ്ലാമിന്റെ) ഉന്നതിക്ക് വേണ്ടി ആര് യുദ്ധം ചെയ്യുന്നുവോ അവനാണ് അല്ലാഹുവിന്റെ മാർഗത്തിൽ’. (ബുഖാരി: 2810)
ഐഹികമായ യാതൊരു പ്രതിഫലവും ഉദ്ദേശിക്കാതെ അല്ലാഹുവിന്റെ മാ൪ഗത്തില്‍ മരണപ്പെട്ട മുസ്ലിംകളെയാണ് ശഹീദ് (രക്തസാക്ഷി) എന്ന് പറയുന്നത്. അല്ലാഹുവിന്റെ മാ൪ഗത്തില്‍ ശഹീദ് ആയവ൪ക്ക് വളരെ ഉന്നതമായ സ്ഥാനവും പ്രതിഫലവുമുണ്ടെന്ന് വിശുദ്ധ ഖു൪ആനില്‍ നിന്നും ഹദീസുകളില്‍ നിന്നും മനസ്സിലാക്കാം.
وَلَا تَقُولُوا۟ لِمَن يُقْتَلُ فِى سَبِيلِ ٱللَّهِ أَمْوَٰتٌۢ ۚ بَلْ أَحْيَآءٌ وَلَٰكِن لَّا تَشْعُرُونَ
അല്ലാഹുവിന്റെ മാര്‍ഗത്തില്‍ കൊല്ലപ്പെട്ടവരെപ്പറ്റി മരണപ്പെട്ടവര്‍ എന്ന് നിങ്ങള്‍ പറയേണ്ട. എന്നാല്‍ അവരാകുന്നു ജീവിക്കുന്നവര്‍. പക്ഷെ, നിങ്ങള്‍ (അതിനെപ്പറ്റി) ബോധവാന്‍മാരാകുന്നില്ല. (ഖു൪ആന്‍ :2/154)
عَنِ الْمِقْدَامِ بْنِ مَعْدِيكَرِبَ، عَنْ رَسُولِ اللَّهِ صلى الله عليه وسلم قَالَ : لِلشَّهِيدِ عِنْدَ اللَّهِ سِتُّ خِصَالٍ يُغْفَرُ لَهُ فِي أَوَّلِ دَفْعَةٍ مِنْ دَمِهِ وَيُرَى مَقْعَدَهُ مِنَ الْجَنَّةِ وَيُجَارُ مِنْ عَذَابِ الْقَبْرِ وَيَأْمَنُ مِنَ الْفَزَعِ الأَكْبَرِ وَيُحَلَّى حُلَّةَ الإِيمَانِ وَيُزَوَّجُ مِنَ الْحُورِ الْعِينِ وَيُشَفَّعُ فِي سَبْعِينَ إِنْسَانًا مِنْ أَقَارِبِهِ.
മിഖ്ദാമി ബ്നു മഅ്ദീകരിബയിൽ (റ) നിന്ന് നിവേദനം: നബി ﷺ പറഞ്ഞു: അല്ലാഹുവിന്റെ അടുത്ത് ശഹീദിന് ആറ് ഗുണങ്ങളുണ്ട്. തന്റെ രക്തം ആദ്യമായി ഇറ്റുന്നതോടുകൂടി പാപങ്ങളെല്ലാം പൊരുക്കപ്പെടുന്നു. സ്വ൪ഗത്തിലുള്ള തന്റെ ഇരിപ്പിടം കാണിക്കപ്പെടുന്നു. ഖബ്ര്‍ ശിക്ഷയില്‍ നിന്ന് സംരക്ഷിക്കപ്പെടുന്നു. അവന് (എല്ലാതരം) വലിയ ഭീതിയില്‍ നിന്നും നി൪ഭയനാകുന്നു. ഈമാനിന്റെ പുടവ അണിയിക്കപ്പെടുന്നു. സ്വ൪ഗീയ തരുണികളില്‍ നിന്നും വിവാഹം ചെയ്തുകൊടുക്കപ്പെടുന്നു. തന്റെ കുടംബത്തില്‍ നിന്നും എഴുപത് പേ൪ക്ക് ശഫാഅത്ത് ചെയ്യുന്നു.(ഇബ്നുമാജ:24/ 2905)
അല്ലാഹുവിന്റെ മാർഗത്തിലുള്ള യുദ്ധത്തിലല്ലാതെ മരണപ്പെട്ട ചില൪ക്കും ശഹീദിന്റെ പ്രതിഫലം വാഗ്ദാനം ചെയ്യപ്പെട്ടിട്ടുണ്ട്.
عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم ” مَا تَعُدُّونَ الشَّهِيدَ فِيكُمْ ” . قَالُوا يَا رَسُولَ اللَّهِ مَنْ قُتِلَ فِي سَبِيلِ اللَّهِ فَهُوَ شَهِيدٌ قَالَ ” إِنَّ شُهَدَاءَ أُمَّتِي إِذًا لَقَلِيلٌ ” . قَالُوا فَمَنْ هُمْ يَا رَسُولَ اللَّهِ قَالَ ” مَنْ قُتِلَ فِي سَبِيلِ اللَّهِ فَهُوَ شَهِيدٌ وَمَنْ مَاتَ فِي سَبِيلِ اللَّهِ فَهُوَ شَهِيدٌ وَمَنْ مَاتَ فِي الطَّاعُونِ فَهُوَ شَهِيدٌ وَمَنْ مَاتَ فِي الْبَطْنِ فَهُوَ شَهِيدٌ ” . قَالَ ابْنُ مِقْسَمٍ أَشْهَدُ عَلَى أَبِيكَ فِي هَذَا الْحَدِيثِ أَنَّهُ قَالَ ” وَالْغَرِيقُ شَهِيدٌ ” .
അബൂഹുറൈറയില്‍(റ) നിന്ന് നിവേദനം: നബി ﷺ പറഞ്ഞു: നിങ്ങളിൽ, രക്തസാക്ഷിയായി നിങ്ങൾ ഗണിക്കുന്നതാരെയാണ്? അവർ പറഞ്ഞു: അല്ലാഹുവിന്റെ റസൂലേ, അല്ലാഹുവിന്റെ മാർഗ്ഗത്തിൽ വധിക്കപ്പെട്ടവനാരോ അവനാണ് രക്തസാക്ഷി. നബി ﷺ പറഞ്ഞു: അങ്ങനെയാണെങ്കിൽ എന്റെ സമുദായത്തിൽ രക്തസാക്ഷികൾ കുറവായിരിക്കും. അവർ ചോദിച്ചു: അല്ലാഹുവിന്റെ റസൂലേ, ആരാണവ൪? നബി ﷺ പറഞ്ഞു: അല്ലാഹുവിന്റെ മാർഗ്ഗത്തിൽ വധിക്കപ്പെട്ടവനാരോ അവൻ രക്തസാക്ഷിയാണ്. അല്ലാഹുവിന്റെ മാർഗ്ഗത്തിൽ (സ്വാഭാവികമായി) മരണം പ്രാപിച്ചവനാരോ അവനും രക്തസാക്ഷിയാണ്. പ്ളേഗ് മൂലം മരിച്ചവനാരോ അവനും രക്തസാക്ഷിയാണ്. കോളറ മൂലം മരിച്ചവനാരോ അവനും രക്തസാക്ഷിയാണ് (മുസ്ലിം:1915)
قَالَ رَسُولُ اللَّهِ صلى الله عليه وسلم : الشَّهَادَةُ سَبْعٌ سِوَى الْقَتْلِ فِي سَبِيلِ اللَّهِ الْمَطْعُونُ شَهِيدٌ وَالْغَرِقُ شَهِيدٌ وَصَاحِبُ ذَاتِ الْجَنْبِ شَهِيدٌ وَالْمَبْطُونُ شَهِيدٌ وَصَاحِبُ الْحَرِيقِ شَهِيدٌ وَالَّذِي يَمُوتُ تَحْتَ الْهَدْمِ شَهِيدٌ وَالْمَرْأَةُ تَمُوتُ بِجُمْعٍ شَهِيدٌ
നബി ﷺ പറഞ്ഞു: അല്ലാഹുവിന്റെ മാ൪ഗത്തില്‍ കൊല്ലപ്പെട്ടവരെ കൂടാതെ രക്തസാക്ഷിത്വം ഏഴെണ്ണമാകുന്നു. പ്ലേഗ് ബാധിച്ച് മരണപ്പെട്ടവന്‍, മുങ്ങി മരിച്ചവന്‍, പ്ല്യൂറിസി രോഗം(ശ്വാസകോശ സംബന്ധമായ രോഗം) കാരണം മരണപ്പെട്ടവന്‍, ഉദര രോഗം കാരണം മരണപ്പെട്ടവന്‍, തീപൊള്ളലേറ്റ് മരണപ്പെട്ടവന്‍, കെട്ടിടം തക൪ന്ന് വീണ് അതിനടിയില്‍ പെട്ട് മരണപ്പെട്ടവന്‍, ഗ൪ഭസ്ഥ ശിശു മൂലം മരണമടഞ്ഞവന്‍ എന്നിവരെല്ലാം ശുഹദാക്കളാകുന്നു. (അബൂദാവൂദ്:3111 – സ്വഹീഹ് അല്‍ബാനി)
عَنْ أَبِي هُرَيْرَةَ ـ رضى الله عنه ـ أَنَّ رَسُولَ اللَّهِ صلى الله عليه وسلم قَالَ : الشُّهَدَاءُ خَمْسَةٌ الْمَطْعُونُ، وَالْمَبْطُونُ، وَالْغَرِقُ وَصَاحِبُ الْهَدْمِ، وَالشَّهِيدُ فِي سَبِيلِ اللَّهِ
അബൂഹുറൈറയില്‍(റ) നിന്ന് നിവേദനം: നബി ﷺ പറഞ്ഞു: ശുഹദാഅ്‌ അഞ്ചാണ്‌. പ്ലേഗ് കാരണം മരിച്ചവന്‍, വയര്‍ സംബന്ധമായ രോഗം കാരണം മരിച്ചവന്‍, മുങ്ങി മരിച്ചവന്‍, കെട്ടിടം തകർന്നോ കെട്ടിടത്തില്‍ നിന്ന് വീണോ മരിച്ചവന്‍, അല്ലാഹുവിന്റെ മാര്‍ഗ്ഗത്തിലുള്ള സമരത്തില്‍ മരിച്ചവന്‍. (ബുഖാരി:2829)
عَنْ أَنَسِ بْنِ مَالِكٍ ـ رضى الله عنه ـ عَنِ النَّبِيِّ صلى الله عليه وسلم قَالَ : الطَّاعُونُ شَهَادَةٌ لِكُلِّ مُسْلِمٍ
അനസില്‍(റ) നിന്ന് നിവേദനം: നബി ﷺ പറഞ്ഞു: പ്ലേഗ് എല്ലാ മുസ്ലിമിനും രക്തസാക്ഷിത്വമാണ്. (ബുഖാരി: 2830)
عَنْ أُمِّ حَرَامٍ، عَنِ النَّبِيِّ صلى الله عليه وسلم أَنَّهُ قَالَ : الْمَائِدُ فِي الْبَحْرِ الَّذِي يُصِيبُهُ الْقَىْءُ لَهُ أَجْرُ شَهِيدٍ وَالْغَرِقُ لَهُ أَجْرُ شَهِيدَيْنِ
ഉമ്മുഹറാമില്‍(റ) നിന്ന് നിവേദനം: നബി ﷺ പറഞ്ഞു: പ്രക്ഷുബ്ധമായ കടല്‍ യാത്ര നടത്തവെ, (അതുകാരണം തല ചുറ്റല്‍ ഉണ്ടായി) ഛ൪ദ്ദിക്കുകയും അങ്ങനെ മരണപ്പെട്ടവ൪ക്ക് ഒരു ശഹീദിന്റെ പ്രതിഫലമുണ്ട്. വെള്ളത്തില്‍ മുങ്ങിമരിച്ചവന് രണ്ട് ശഹീദിന്റെ പ്രതിഫലമുണ്ട്. (അബൂദാവൂദ് : 2493 – അല്‍ബാനി ഹസനെന്ന് വിശേഷിപ്പിച്ചു)
عَنْ عُتْبَةَ بْنِ عَبْدِ السُّلَمِيِّ عَنِ النَّبِيِّ صلى الله عليه وسلم قَالَ :: يَأْتِي الشُّهَدَاءُ وَالْمُتَوَفُّونَ بِالطَّاعُونِ، فَيَقُول أَصْحَابُ الطَّاعُونِ: نَحْنُ الشُّهَدَاءُ، فَيُقَال: انْظُرُوا فَإِنْ كَانَتْ جِرَاحُهُمْ كَجِرَاحِ الشُّهَدَاءِ تَسِيل دَمًا وَرِيحُهَا كَرِيحِ الْمِسْكِ فَهُمْ شُهَدَاءُ، فَيَجِدُونَهُمْ كَذَلِكَ
ഉത്ബത്ത ബ്നു അബ്ദിസ്സുലൈമിയ്യില്‍(റ) നിന്ന് നിവേദനം: നബി ﷺ പറഞ്ഞു: രക്തസാക്ഷികളെയും പക൪ച്ചവ്യാധി മുഖേനെ മരണപ്പെട്ടവരെയും (പരലോകത്ത്) കൊണ്ടുവരും. പക൪ച്ചവ്യാധി മുഖേനെ മരണപ്പെട്ടവ൪ പറയും. ഞങ്ങളും രക്തസാക്ഷികളാണ്. അപ്പോള്‍ പറയപ്പെടും: (അക്കാര്യം) പരിശോധിക്കേണ്ടതുണ്ട്. അവരുടെടെ മുറിവുകള്‍ ശുഹദാക്കളുടെ മുറിവുകളെ പോലെ കസ്തൂരിയുടെ വാസന പോലെ രക്തം ഒഴുകുന്നത് പോലെയാണെങ്കില്‍ അവരും രക്തസാക്ഷികളാണ്. അങ്ങനെ അവരെയും അപ്രകാരം കണ്ടെത്തുന്നതാണ്. (അഹ്മദ്)
عَنْ عَبْدِ اللَّهِ بْنِ عَمْرٍو ـ رضى الله عنهما ـ قَالَ سَمِعْتُ النَّبِيَّ صلى الله عليه وسلم يَقُولُ : مَنْ قُتِلَ دُونَ مَالِهِ فَهُوَ شَهِيدٌ
അബ്ദുല്ലാ ഹിബ്നു അംറില്‍(റ) നിന്ന് നിവേദനം: അദ്ദേഹം പറയുന്നു: നബി ﷺ പറയുന്നത് ഞാൻ കേട്ടു: സ്വന്തം ധനം സംരക്ഷിക്കാൻ വേണ്ടി വധിക്കപ്പെട്ടാൽ അയാൾ രക്തസാക്ഷിയാണ്. (ബുഖാരി: 2480)
عَنْ أَبِي جَعْفَرٍ، قَالَ قَالَ رَسُولُ اللَّهِ صلى الله عليه وسلم: مَنْ قُتِلَ دُونَ مَظْلَمَتِهِ فَهُوَ شَهِيدٌ
അബൂ ജഅ്ഫറില്‍(റ) നിന്ന് നിവേദനം: നബി ﷺ പറഞ്ഞു: സ്വന്തം സമ്പത്ത് സംരക്ഷിക്കാൻ വേണ്ടി വധിക്കപ്പെട്ടാൽ അയാൾ രക്തസാക്ഷിയാണ്. (നസാഇ: 4093)
عَنْ سَعِيدِ بْنِ زَيْدٍ، قَالَ قَالَ رَسُولُ اللَّهِ صلى الله عليه وسلم : مَنْ قُتِلَ دُونَ مَالِهِ فَهُوَ شَهِيدٌ وَمَنْ قُتِلَ دُونَ أَهْلِهِ فَهُوَ شَهِيدٌ وَمَنْ قُتِلَ دُونَ دِينِهِ فَهُوَ شَهِيدٌ وَمَنْ قُتِلَ دُونَ دَمِهِ فَهُوَ شَهِيدٌ
സഈദ് ഇബ്‌നുസെയ്ദില്‍(റ) നിന്ന് നിവേദനം: നബി ﷺ പറയുന്നത് ഞാന്‍ കേട്ടു: ഒരാള്‍ തന്റെ സമ്പത്ത് (സംരക്ഷിക്കുന്നതിന്) വേണ്ടി കൊല്ലപ്പെട്ടു, അയാള്‍ രക്തസാക്ഷിയാണ്. ഒരാള്‍ തന്റെ ഭാര്യയെ(സംരക്ഷിക്കുന്നതിന്) വേണ്ടി കൊല്ലപ്പെട്ടു, അയാള്‍ രക്തസാക്ഷിയാണ്. ഒരാള്‍ തന്റെ ദീന്‍ (സംരക്ഷിക്കുവാന്‍) വേണ്ടി കൊല്ലപ്പെട്ടു, അയാള്‍ രക്തസാക്ഷിയാണ്. ഒരാള്‍ തന്റെ രക്തം (സംരക്ഷിക്കുവാന്‍) വേണ്ടി കൊല്ലപ്പെട്ടു, അയാള്‍ രക്തസാക്ഷിയാണ്. ഒരാള്‍ തന്റെ ഇണയെ (സംരക്ഷിക്കുവാന്‍) വേണ്ടി കൊല്ലപ്പെട്ടു, അയാളും രക്തസാക്ഷിയാണ്. (നസാഇ:4095)
മറ്റൊരു നിവേദനത്തില്‍ ഇപ്രകാരമുണ്ട്:
”ഒരാള്‍ തന്റെ അഭിമാനം (സംരക്ഷിക്കുന്നതിനു)വേണ്ടി കൊല്ലപ്പെട്ടു, അയാള്‍ ശഹീദാണ്.”
عَنْ عَائِشَةَ، زَوْجِ النَّبِيِّ صلى الله عليه وسلم أَنَّهَا أَخْبَرَتْنَا أَنَّهَا سَأَلَتْ رَسُولَ اللَّهِ صلى الله عليه وسلم عَنِ الطَّاعُونِ فَأَخْبَرَهَا نَبِيُّ اللَّهِ صلى الله عليه وسلم “ أَنَّهُ كَانَ عَذَابًا يَبْعَثُهُ اللَّهُ عَلَى مَنْ يَشَاءُ، فَجَعَلَهُ اللَّهُ رَحْمَةً لِلْمُؤْمِنِينَ، فَلَيْسَ مِنْ عَبْدٍ يَقَعُ الطَّاعُونُ فَيَمْكُثُ فِي بَلَدِهِ صَابِرًا، يَعْلَمُ أَنَّهُ لَنْ يُصِيبَهُ إِلاَّ مَا كَتَبَ اللَّهُ لَهُ، إِلاَّ كَانَ لَهُ مِثْلُ أَجْرِ الشَّهِيدِ
ആയിശയില്‍(റ) നിന്ന് നിവേദനം: അവർ നബി ﷺ യോട് പ്ലേഗിനെക്കുറിച്ച് ചോദിച്ചു. നബി ﷺ പറഞ്ഞു: അല്ലാഹു അവനുദ്ദേശിക്കുന്നവരുടെ മേൽ ശിക്ഷയായി അയച്ചിരുന്നതാണ്. എന്നാൽ അത് സത്യവിശ്വാസികൾക്ക് അനുഗ്രഹമായി അല്ലാഹു നിശ്ചയിച്ചിരിക്കുന്നു. അതുകൊണ്ട് തന്നെ ഒരു അടിമക്ക് പ്ലേഗ് ബാധിക്കുകയും തനിക്ക് അല്ലാഹു വിധിച്ചതേ സംഭവിക്കുകയുള്ളൂ എന്ന ബോധ്യത്തോടെ അയാൾ ആ നാട്ടിൽ തന്നെ ക്ഷമയോടും പ്രതിഫലം ആഗ്രഹിച്ചും കഴിയുകയുമാണെങ്കിൽ അയാൾക്ക് രക്തസാക്ഷിത്വത്തിന് സമാനമായ പ്രതിഫലം ലഭിക്കുന്നതാണ്. (ബുഖാരി: 5734)
عَنْ أَنَسِ بْنِ مَالِكٍ، قَالَ قَالَ رَسُولُ اللَّهِ صلى الله عليه وسلم : مَنْ طَلَبَ الشَّهَادَةَ صَادِقًا أُعْطِيَهَا وَلَوْ لَمْ تُصِبْهُ
അനസി(റ)ൽ നിന്ന് നിവേദനം: നബി ﷺ പറഞ്ഞു: വല്ലവനും ആത്മാർത്ഥതയോടെ രക്തസാക്ഷിയായി മരണം വരിക്കാൻ ആഗ്രഹിക്കുന്നുവെങ്കിൽ അങ്ങനെ മരിച്ചിട്ടില്ലെങ്കിലും പ്രതിഫലം നൽകപ്പെടും. (മുസ്ലിം:1908)
عَنْ سَهْلِ بْنِ حُنَيْفٍ، أَنَّ النَّبِيَّ صلى الله عليه وسلم قَالَ: مَنْ سَأَلَ اللَّهَ الشَّهَادَةَ بِصِدْقٍ بَلَّغَهُ اللَّهُ مَنَازِلَ الشُّهَدَاءِ وَإِنْ مَاتَ عَلَى فِرَاشِهِ
സഹ്ല്‍ ബിന്‍ ഹുനൈഫില്‍(റ) നിന്ന് നിവേദനം:നബി ﷺ പറഞ്ഞു: രക്തസാക്ഷിയാകാന്‍ ആത്മാര്‍ത്ഥമായി അല്ലാഹുവിനോട്‌ പ്രാര്‍ത്ഥിക്കുന്നവന്‍ തന്റെ വിരിപ്പില്‍ കിടന്നു മരണപ്പെട്ടാലും രക്തസാക്ഷിയുടെ പദവി അല്ലാഹു അവന് പ്രദാനം ചെയ്യുന്നതാണ്‌. (മുസ്ലിം:1909)
kanzululoom.com