إِنَّ ٱللَّهَ عَلِيمُۢ بِذَاتِ ٱلصُّدُورِ

തീര്‍ച്ചയായും അല്ലാഹു മനസ്സുകളിലുള്ളത് അറിയുന്നവനാകുന്നു.  (ഖുര്‍ആൻ:3/119,5/7,31/23)

 وَٱللَّهُ عَلِيمُۢ بِذَاتِ ٱلصُّدُورِ

മനസ്സുകളിലുള്ളതെല്ലാം അറിയുന്നവനാകുന്നു അല്ലാഹു.(ഖുര്‍ആൻ:3/154,64/4)

إِنَّهُۥ عَلِيمُۢ بِذَاتِ ٱلصُّدُورِ

തീര്‍ച്ചയായും അവന്‍ മനസ്സുകളിലുള്ളത് അറിയുന്നവനാകുന്നു.(ഖുര്‍ആൻ:8/43,11/5,35/38,39/7,42/24,67/13)

 وَهُوَ عَلِيمُۢ بِذَاتِ ٱلصُّدُورِ

അവന്‍ മനസ്സുകളിലുള്ളതിനെപ്പറ്റി അറിയുന്നവനുമാകുന്നു. (ഖുര്‍ആൻ:57/6)

അതിലുള്ള നന്മ-തിന്മകളെ വെളിവാക്കാതെ മറച്ചുവെച്ചതും. (തഫ്സീറുസ്സഅ്ദി:42/24)

അവരുടെ എല്ലാ രഹസ്യപരസ്യങ്ങളും അല്ലാഹു അറിയുന്നുണ്ട്; അവര്‍ – രാത്രിയിലോ മറ്റോ – വസ്ത്രമിട്ട് മൂടിപ്പുതച്ചു കിടക്കുമ്പോള്‍ പോലും അവര്‍ അല്ലാഹുവിന്‍റെ ദൃഷ്ടിയില്‍നിന്നു മറഞ്ഞുപോകുന്നില്ല; അവരുടെ ഹൃദയങ്ങളില്‍ ഒളിച്ചുവെച്ച വിചാരവികാരങ്ങള്‍ പോലും അല്ലാഹുവിനു അജ്ഞാതമല്ല. (അമാനി തഫ്സീര്‍ :11/5)

അതായത്: മനസ്സിന്റെ ഉദ്ദേശ്യങ്ങളും ലക്ഷ്യങ്ങളും കാണുകയും കേള്‍ക്കുകയും ചെയ്യുന്നു. അപ്പോള്‍ വാക്കുകളുടെയും പ്രവൃത്തികളുടെയും കാര്യം എങ്ങനെയായിരിക്കും? (തഫ്സീറുസ്സഅ്ദി:67/13)

ഹൃദയങ്ങളിലുള്ള നന്മതിന്മകൾക്കെല്ലാം പൂർണ നീതിയോടെ പ്രതിഫലം നൽകുമെന്നാണ് ഈ പറഞ്ഞതിന്റെ സാരം. (തഫ്സീറുസ്സഅ്ദി:39/7)

ആളുകളുടെ ഹൃദയങ്ങളിലെ തിന്മകൾ, നന്മകൾ, വിശുദ്ധി എന്നിവയെല്ലാം അവനറിയുന്നു. അതിനാൽ ഓരോ വ്യക്തിക്കും അവർ അർഹിക്കുന്നതും അനുയോജ്യവുമായ പദവി അവൻ നൽകുന്നു. (തഫ്സീറുസ്സഅ്ദി:35/38)

അതായത്: ഹൃദയങ്ങളിലുള്ള രഹസ്യങ്ങളും നല്ലതും ചീത്തയുമായ ഉദ്ദേശ്യങ്ങളും. അവന്‍ ഹൃദയത്തിലുള്ളത് അറിയുന്നവനാണ് എന്നത് ഉള്‍ക്കാഴ്ചയുള്ള ബുദ്ധിമാന്മാര്‍ക്ക് മോശമായ സ്വഭാവങ്ങള്‍ തന്റെയുള്ളിലുണ്ടാകുന്നതിനെ സൂക്ഷിക്കാനും മനോഹരമായ സ്വഭാവങ്ങളെ സ്വീകരിക്കാനും സഹായിക്കുന്നു. (തഫ്സീറുസ്സഅ്ദി:64/4)

www.kanzululoom.com