وَأَنزَلَ ٱللَّهُ عَلَيْكَ ٱلْكِتَٰبَ وَٱلْحِكْمَةَ
അല്ലാഹു നിനക്ക് വേദഗ്രന്ഥവും ഹിക്മത്തും ഇറക്കിത്തന്നിരിക്കുന്നു. (ഖുർആൻ:4/113)
لَقَدْ مَنَّ ٱللَّهُ عَلَى ٱلْمُؤْمِنِينَ إِذْ بَعَثَ فِيهِمْ رَسُولًا مِّنْ أَنفُسِهِمْ يَتْلُوا۟ عَلَيْهِمْ ءَايَٰتِهِۦ وَيُزَكِّيهِمْ وَيُعَلِّمُهُمُ ٱلْكِتَٰبَ وَٱلْحِكْمَةَ وَإِن كَانُوا۟ مِن قَبْلُ لَفِى ضَلَٰلٍ مُّبِينٍ
തീര്‍ച്ചയായും സത്യവിശ്വാസികളില്‍ അവരില്‍ നിന്ന് തന്നെയുള്ള ഒരു ദൂതനെ നിയോഗിക്കുക വഴി അല്ലാഹു മഹത്തായ അനുഗ്രഹമാണ് അവര്‍ക്ക് നല്‍കിയിട്ടുള്ളത്‌. അല്ലാഹുവിന്റെ ദൃഷ്ടാന്തങ്ങള്‍ അവര്‍ക്ക് ഓതികേള്‍പിക്കുകയും, അവരെ സംസ്കരിക്കുകയും, അവര്‍ക്കു വേദഗ്രന്ഥവും ഹിക്മത്തും പഠിപ്പിക്കുകയും ചെയ്യുന്ന (ഒരു ദൂതനെ). അവരാകട്ടെ മുമ്പ് വ്യക്തമായ വഴികേടില്‍ തന്നെയായിരുന്നു. (ഖു൪ആന്‍:3/164)
( ويعلمهم الكتاب والحكمة ) يعني : القرآن والسنة
ഇബ്നു കഥീര്‍ رحمه الله പറഞ്ഞു: ഇവിടെ കിതാബ്, ഹിക്മത്ത് എന്നത് ഖുര്‍ആനും, സുന്നത്തുമാണ്. (ഇബ്നു കഥീര്‍ : 1/384).
{ يعلمهم الكتاب } إما جنس الكتاب الذي هو القرآن { والحكمة } هي: السنة، التي هي شقيقة القرآن،
അബ്ദുര്‍റഹ്മാനുബ്‌നു നാസിറുസ്സഅദി رحمه الله പറഞ്ഞു: ‘കിതാബ്’ എന്നാല്‍ ഖുര്‍ആനും ‘ഹിക്മത്’ എന്നാല്‍ ഖുര്‍ആനിന്റെ കൂടപ്പിറപ്പായ സുന്നത്തുമാണ്. (തഫ്‌സീറുസ്സഅദി 1/359)
يَٰٓأَيُّهَا ٱلَّذِينَ ءَامَنُوٓا۟ أَطِيعُوا۟ ٱللَّهَ وَأَطِيعُوا۟ ٱلرَّسُولَ وَأُو۟لِى ٱلْأَمْرِ مِنكُمْ ۖ فَإِن تَنَٰزَعْتُمْ فِى شَىْءٍ فَرُدُّوهُ إِلَى ٱللَّهِ وَٱلرَّسُولِ إِن كُنتُمْ تُؤْمِنُونَ بِٱللَّهِ وَٱلْيَوْمِ ٱلْـَٔاخِرِ ۚ ذَٰلِكَ خَيْرٌ وَأَحْسَنُ تَأْوِيلًا
സത്യവിശ്വാസികളേ, നിങ്ങള്‍ അല്ലാഹുവെയും അവന്റെ ദൂതനെയും അനുസരിക്കുക. നിങ്ങളില്‍ നിന്നുള്ള കൈകാര്യകര്‍ത്താക്കളെയും അനുസരിക്കുക. ഇനി വല്ല കാര്യത്തിലും നിങ്ങള്‍ക്കിടയില്‍ ഭിന്നിപ്പുണ്ടാകുകയാണെങ്കില്‍ നിങ്ങളത് അല്ലാഹുവിലേക്കും റസൂലിലേക്കും മടക്കുക. നിങ്ങള്‍ അല്ലാഹുവിലും അന്ത്യദിനത്തിലും വിശ്വസിക്കുന്നുവെങ്കില്‍ (അതാണ് വേണ്ടത്). അതാണ് ഉത്തമവും കൂടുതല്‍ നല്ല പര്യവസാനമുള്ളതും. (ഖു൪ആന്‍:4/59)
{أطيعوا الله} أي : اتبعوا كتابه {وأطيعوا الرسول} أي : خذوا بسنته
{നിങ്ങള്‍ അല്ലാഹുവിനെ അനുസരിക്കുക}അതായത്: അവന്റെ കിതാബിനെ പിന്‍പറ്റുക. {റസൂലിനെ അനുസരിക്കുക} അതായത്: അവിടുത്തെ സുന്നത്തിനെ സ്വീകരിക്കുക. (ഇബ്‌നുകസീര്‍)
لأن كتاب الله وسنة رسوله عليهما بناء الدين، ولا يستقيم الإيمان إلا بهما. فالرد إليهما شرط في الإيمان
നിശ്ചയം മതം നിലനില്‍ക്കുന്നത് അല്ലാഹുവിന്റെ കിതാബിന്‍മേലും, റസൂലിന്റെ സുന്നത്തിന്‍മേലുമാണ്. ഇത് രണ്ടുമില്ലാതെ വിശ്വാസം ശരിയാവുകയില്ല. ഇവ രണ്ടിലേക്കുമുള്ള മടക്കം വിശ്വാസത്തിന്റെ ഭാഗമാണ്. (തഫ്‌സീറുസ്സസഅ്ദി)
عَنِ الْمِقْدَامِ بْنِ مَعْدِيكَرِبَ، عَنْ رَسُولِ اللَّهِ صلى الله عليه وسلم أَنَّهُ قَالَ : أَلاَ إِنِّي أُوتِيتُ الْكِتَابَ وَمِثْلَهُ مَعَهُ
മിഖ്ദാമി ബ്നു മഅ്ദീകരിബ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: അറിയുക; നിശ്ചയം, എനിക്ക് കിതാബും (ഖുര്‍ആന്‍) അതിന്റെ കൂടെ അത് പോലുള്ളതും നല്‍കപ്പെട്ടിരിക്കുന്നു (അബൂദാവൂദ് : 4604 – സ്വഹീഹ് അല്‍ബാനി)
قَالَ رَسُولُ اللَّهِ صلى الله عليه وسلم : تركتُ فيكم شيئَينِ ، لن تضِلوا بعدهما : كتابَ اللهِ ، و سُنَّتي ،
നബി ﷺ പറഞ്ഞു: രണ്ട് കാര്യങ്ങള്‍ ഞാന്‍ നിങ്ങളില്‍ വിട്ടേച്ചിരിക്കുന്നു. അവക്ക് ശേഷം നിങ്ങള്‍ പിഴച്ചു പോകില്ല. അല്ലാഹുവിന്റെ കിതാബും എന്റെ സുന്നത്തുമാണവ. (സ്വഹീഹുല്‍ ജാമിഅ്: 2937)
قال رسول الله صلى الله عليه وسلم: يا أيُّها الناس! إنِّي تركتُ فيكم ما إن اعتصمتم به فلن تضلُّوا أبداً، كتاب الله وسنَّة نبيِّه صلى الله عليه وسلم
നബിﷺ പറഞ്ഞു: അല്ലെയോ ജനങ്ങളേ, ഞാൻ നിങ്ങളിലേക്കിതാ ഒരുകാര്യം വിട്ടേച്ചുപോകുന്നു. നിങ്ങളത് മുറുകെപിടിക്കുന്നിടത്തോളം കാലം നിങ്ങളൊരിക്കലും വഴിതെറ്റുകയില്ല. അല്ലാഹുവിന്റെ ക്വുർആനും നബിﷺയുടെ സുന്നത്തുമത്രെ അത്.
قال الإمام الآجري – رحمه الله تعالى – :قال الآجري: “علامة من أراد الله به خيرا التمسك بالقرآن الكريم، وسنة خير المرسلين، وسنة الصحابة رضي الله عنهم
ഇമാം അൽആജുർരി رحمه الله പറഞ്ഞു: അല്ലാഹു നന്മ ഉദ്ദേശിച്ചവരുടെ അടയാളം വിശുദ്ധ ഖുർആനും നബി ﷺ യുടെ സുന്നത്തും സ്വഹാബത്തിന്റെ ചര്യയും മുറുകെ പിടിക്കുക എന്നതാണ്. الشريعة【٢٤】
قال الشيخ عبدالرحمن بن حسن آل الشيخ رحمه الله :فيا سعادة من تجرد عن العصبية و الهوى ، والتجأ إلى حصن الكتاب والسنة ، فإن العلم معرفة الهدى بدليله، وما ليس كذلك فجهل وضلال .
അബ്ദുറഹ്മാൻ ഇബ്നു ഹസൻ ആലുശൈഖ് رحمه الله പറഞ്ഞു: കക്ഷിത്വത്തിൽ നിന്നും തന്നിഷ്ടത്തിൽ നിന്നും മുക്തമായി ഖുർആനിന്റെയും സുന്നത്തിന്റെയും കോട്ടയിൽ അഭയം പ്രാപിച്ചവൻ എത്ര സൗഭാഗ്യവാനാണ്! കാരണം അറിവെന്നാൽ സന്മാർഗം അതിന്റെ തെളിവിലൂടെ മനസ്സിലാക്കലാണ്. അങ്ങനെയല്ലാത്ത പക്ഷം അത് അജ്ഞതയും വഴി കേടും മാത്രം. (അൽ മത്‌ലബുൽ ഹമീദ്: 53)
അൽ അല്ലാമ അൽ ഫൗസാൻ حفظه الله പറഞ്ഞു : ഖുർആനും സുന്നത്തും ആയുധമാക്കിയാൽ നീ ഒരിക്കലും തോൽപ്പിക്കപ്പെടുകയില്ല. എന്നാൽ നിന്റെ അടുക്കൽ ഇൽമില്ലെങ്കിൽ ഒന്നാമത്തെ ശുബ്ഹത്തിന്റെ കൂടെ നീ (വ്യതിചലിച്ച്‌) പോകും. ( التعليق المختصر على نونية ابن القيم ؛ ص76)
قال علي بن أبي طالب رضي الله عنه: ثلاثة لا يقبل معهن عمل: الشرك والكفر والرأي. قالوا يا أمير المؤمنين: ما الرأي؟ قال : تدع كتاب الله وسنة رسوله ، وتعمل بالرأي
അലിയ്യുബ്നു അബീതാലിബ് رضي الله عنه പറഞ്ഞു: മൂന്ന് കാര്യങ്ങൾക്കൊപ്പം ഒരു കർമ്മവും സ്വീകരിക്കപ്പെടില്ല. ശിർക്, കുഫ്ർ, അഭിപ്രായം. ചിലർ ചോദിച്ചു: അമീറുൽ മുഅ്മിനീൻ, അഭിപ്രായം എന്നാൽ താങ്കൾ അർത്ഥമാക്കുന്നതെന്താണ്? അലി رضي الله عنه പറഞ്ഞു: അല്ലാഹുവിന്റെ ഗ്രന്ഥവും അവന്റെ റസൂലിന്റെ സുന്നത്തും ഉപേക്ഷിച്ച് വ്യക്തികളുടെ അഭിപ്രായമനുസരിച്ച് പ്രവർത്തിക്കുന്നത്. (കൻസുൽ-ഉമ്മാൽ: 1/377)
قال شيخ الإسلام ابن تيمية : من عمل في الأرض بغير كتاب الله وسنة رسوله فقد سعى في الأرض فساداً”
ശൈഖുല്‍ ഇസ്‌ലാം ഇബ്നുതൈമിയ്യ رَحِمَهُ اللَّهُ പറഞ്ഞു: ആരെങ്കിലും അല്ലാഹുവിന്റെ കിത്താബൊ,അവന്റെ റസൂലിന്റെ സുന്നത്തൊ കൂടാതെ ഭുമിയില്‍ പ്രവര്‍ത്തിച്ചാല്‍, ഭൂമിയില്‍ അവന്റെ പ്രയത്നം മോശമായിത്തീര്‍ന്നു. (മജ്മുഉൽ ഫതാവാ:28/470)
www.kanzululoom.com