അല്ലാഹുവിനാണ് സർവ്വസ്തുതിയും. സകല ലോകർക്കും കാരുണ്യമായി അയക്കപ്പെട്ട പ്രവാചകൻ മുഹമ്മദ് നബി ﷺ യുടെയും, അവിടുത്തെ കുടുംബത്തിന്റെയും, ഉത്തമരായ സ്വഹാബികളുടെയും മേൽ അല്ലാഹുവിന്റെ സ്വലാത്തും സലാമും സദാ വർഷിക്കട്ടെ.

ഇസ്ലാമിക ചരിത്രത്തിൽ അഹ്‌ലുസ്സുന്നത്തി വൽ ജമാഅത്തിനെതിരെ ഏറ്റവും വലിയ ഭീഷണി ഉയർത്തിയിട്ടുള്ള, ഇന്നും ഇസ്ലാമിൻ്റെ പേരിൽ അറിയപ്പെടുകയും എന്നാൽ ഇസ്ലാമിൻ്റെ അടിസ്ഥാന പ്രമാണങ്ങളെ കടപുഴക്കിയെറിയാൻ ശ്രമിക്കുകയും ചെയ്യുന്ന വിഭാഗമാണ് റാഫിദികൾ (ശിയാക്കൾ). പലപ്പോഴും സാധാരണക്കാരായ മുസ്ലിംകൾക്കിടയിൽ സുന്നി-ശിയാ അഭിപ്രായവ്യത്യാസം എന്നത് കേവലം കർമ്മശാസ്ത്രപരമായ മദ്ഹബുകൾ തമ്മിലുള്ളതുപോലെയുള്ള ഒന്നാണെന്ന തെറ്റിദ്ധാരണ നിലനിൽക്കുന്നുണ്ട്. എന്നാൽ യാഥാർത്ഥ്യം അതല്ല. ഇത് വിശ്വാസപരമായ, മതത്തിന്റെ അടിത്തറയെത്തന്നെ ബാധിക്കുന്ന മൗലികമായ സംഘട്ടനമാണ്. അവരുടെ ഗ്രന്ഥങ്ങളും പണ്ഡിതന്മാരുടെ വചനങ്ങളും പരിശോധിച്ചാൽ, ഇസ്ലാം വിഭാവനം ചെയ്യുന്ന തൗഹീദിൽ നിന്നും പ്രവാചക സ്നേഹത്തിൽ നിന്നും അവർ എത്രമാത്രം അകലെയാണെന്ന് ബോധ്യപ്പെടും.

ഈ ലേഖനത്തിൽ, റാഫിദികളുടെ വിശ്വാസ വൈകല്യങ്ങളെയും, അവർ ഒളിപ്പിച്ചുവെക്കുന്ന അപകടകരമായ അജണ്ടകളെയും അവരുടെ തന്നെ പ്രമാണങ്ങളുടെ വെളിച്ചത്തിൽ നാം പരിശോധിക്കുകയാണ്.

​1. വിശ്വാസത്തിലെ വ്യതിയാനം: ആരാണ് അവരുടെ റബ്ബ്?

റാഫിദികളുടെയും അഹ്‌ലുസ്സുന്നത്തി വൽ ജമാഅത്തിന്റെയും ഇടയിലുള്ള അന്തരം തുടങ്ങുന്നത് സാക്ഷാൽ ‘റബ്ബി’നെക്കുറിച്ചുള്ള വിശ്വാസത്തിൽ നിന്നാണ്. അവരുടെ പ്രമുഖ പണ്ഡിതനായ നിഅ്മത്തുല്ലാഹ് അൽ-ജസാഇരി തൻ്റെ ‘അൽ-അൻവാറു ന്നുഅ്മാനിയ്യ’ എന്ന ഗ്രന്ഥത്തിൽ (വാള്യം 2) ഇപ്രകാരം പറയുന്നു: “നാം (ശിയാക്കൾ) അവരുമായി (സുന്നികളുമായി) റബ്ബിന്റെ കാര്യത്തിലോ, പ്രവാചകന്റെ കാര്യത്തിലോ, ഇമാമിൻ്റെ കാര്യത്തിലോ യോജിക്കുന്നില്ല. കാരണം, അബൂബക്കർ رضي الله عنه വിനെ ഖലീഫയായി നിശ്ചയിച്ച പ്രവാചകനെയോ, അങ്ങനെയൊരു പ്രവാചകനെ നിയോഗിച്ച റബ്ബിനെയോ ഞങ്ങൾ അംഗീകരിക്കുന്നില്ല.”

നോക്കൂ, അബൂബക്കർ رضي الله عنه വിന്റെ ഖിലാഫത്തിനെ അംഗീകരിച്ചു എന്ന ഒറ്റക്കാരണത്താൽ അല്ലാഹുവിനെയും റസൂലിനെയും പോലും തള്ളിപ്പറയുന്ന ഒരു വിഭാഗമാണിവർ. അബ്ദുല്ലാഹി ബിൻ സബഅ് എന്ന ജൂതനിൽ നിന്നാണ് ഈ ചിന്താഗതികൾ ഉടലെടുത്തതെന്ന് അവരുടെ തന്നെ ഗ്രന്ഥങ്ങളായ ‘രിജാലുൽ കശ്ശി’യിലും, നൗബക്തിയുടെ ഗ്രന്ഥങ്ങളിലും സമ്മതിക്കുന്നുണ്ട്. അലി رضي الله عنه വിൽ ദൈവത്വം ആരോപിച്ച ഇബ്നു സബഇന്റെ പിൻമുറക്കാരാണ് ഇന്നത്തെ റാഫിദികൾ.

ഇക്കാലത്തെ അവരുടെ ആചാര്യന്മാരിൽ ഒരാളായ ഖൂഈ, ‘സിയാറത്തുൽ ജാമിഅ’യുടെ വ്യാഖ്യാനത്തിൽ പറയുന്നത് കാണുക: “അലി رضي الله عنه റുബൂബിയ്യത്തിന്റെ (ദൈവത്വത്തിന്റെ) ഒരു ശാഖയാണ്.” അല്ലാഹുവിന്റെ വിശേഷണങ്ങളായ ‘അവ്വൽ’ (ആദ്യത്തവൻ), ‘ആഖിർ’ (അവസാനത്തവൻ), ‘ളാഹിർ’ (പ്രത്യക്ഷമായവൻ), ‘ബാതിൻ’ (പരോക്ഷമായവൻ) എന്നിവയെല്ലാം അലി رضي الله عنه വിന് അവകാശപ്പെട്ടതാണെന്ന് മജ്ലിസി തൻ്റെ ‘ബിഹാറുൽ അൻവാർ’ എന്ന ഗ്രന്ഥത്തിൽ എഴുതിവെച്ചിരിക്കുന്നു. അല്ലാഹുവിന്റെ സിഫത്തുകൾ (വിശേഷണങ്ങൾ) പോലും അലി رضي الله عنه വിൽ ആരോപിക്കുന്നതിലൂടെ തൗഹീദിന്റെ അടിസ്ഥാനങ്ങളെയാണ് അവർ തകർക്കുന്നത്.

2. വിശുദ്ധ ഖുർആനിലുള്ള കൈകടത്തലുകൾ (തഹ്‌രീഫ്)

അല്ലാഹു സംരക്ഷിക്കുമെന്ന് വാഗ്ദാനം ചെയ്ത പരിശുദ്ധ ഖുർആൻ മാറ്റത്തിരുത്തലുകൾക്ക് വിധേയമായിട്ടുണ്ടെന്ന് വിശ്വസിക്കുന്നവരാണ് റാഫിദികളിലെ ഭൂരിഭാഗം പണ്ഡിതന്മാരും. അവരുടെ പണ്ഡിതനായ നൂറി ത്വബ്‌രിസി ഇതിനായി മാത്രം ഒരു ഗ്രന്ഥം രചിച്ചിട്ടുണ്ട് – ‘ഫസ്‌ലുൽ ഖിതാബ് ഫീ ഇസ്ബാത്തി തഹ്‌രീഫി കിതാബി റബ്ബിൽ അർബാബ്’. ഇതിൽ ഖുർആൻ തിരുത്തപ്പെട്ടു എന്ന് സ്ഥാപിക്കാൻ രണ്ടായിരത്തോളം കള്ളക്കഥകളാണ് അയാൾ നിരത്തിയിരിക്കുന്നത്.

​’സൂറത്തുൽ വിലായ’ എന്ന പേരിൽ ഒരു വ്യാജ അധ്യായം പോലും അവർ കെട്ടിച്ചമച്ചു. “ഓ വിശ്വസിച്ചവരേ, നബിയെയും വലിയ്യിനെയും (അലി) നിങ്ങൾ പിൻപറ്റുക, അവർ രണ്ടുപേരുമാണ് നിങ്ങളെ നേരായ പാതയിലേക്ക് നയിക്കുന്നത്…” എന്നിങ്ങനെ പോകുന്നു അവരുടെ വ്യാജ ഖുർആൻ വചനങ്ങൾ.

​ഇന്ന് പുറമേയ്ക്ക് അവർ ഇത് സമ്മതിച്ചുതന്നില്ലെങ്കിലും, ‘തഖിയ്യ’ (കള്ളം പറഞ്ഞ് വിശ്വാസം മറച്ചുവെക്കൽ) എന്ന തന്ത്രത്തിലൂടെ അവരത് ഉള്ളിൽ സൂക്ഷിക്കുന്നു. സുന്നികളുമായുള്ള സംസാരത്തിനിടയിൽ ഒരു ശിയാ പണ്ഡിതൻ സമ്മതിച്ചത് ഇപ്രകാരമാണ്: “ഞങ്ങളുടെ പഴയകാല പണ്ഡിതന്മാർ ഖുർആൻ തിരുത്തപ്പെട്ടതാണെന്ന് വിശ്വസിച്ചിരുന്നു, എന്നാൽ സാധാരണക്കാരായ ജനങ്ങളോട് അത് പറയരുതെന്ന് നിർദ്ദേശമുണ്ട്.” അവരുടെ മർജഅ് (ആത്മീയ നേതാവ്) ആയ സ്വാദിഖ് ശീറാസിയുടെ വെബ്സൈറ്റിൽ, ഖുർആൻ തിരുത്തപ്പെട്ടു എന്ന് വിശ്വസിക്കുന്നവൻ കാഫിറാണോ എന്ന ചോദ്യത്തിന്, “അല്ല, അവൻ ഗവേഷണത്തിൽ തെറ്റുപറ്റിയവനാണ്, അവന് പ്രതിഫലമുണ്ട്” എന്നാണ് മറുപടി നൽകിയത്. അല്ലാഹുവിന്റെ വചനത്തെ നിഷേധിക്കുന്നവന് പ്രതിഫലം നൽകുന്ന വിചിത്രമായ മതമാണിത്.

​3. പ്രവാചക നിന്ദയും സ്വഹാബികളോടുള്ള പകയും

​പ്രവാചകൻ ﷺയെയും അവിടുത്തെ കുടുംബത്തെയും സ്നേഹിക്കുന്നു എന്ന് അവകാശപ്പെടുന്ന ഇവർ, യഥാർത്ഥത്തിൽ പ്രവാചകനെ നിന്ദിക്കുകയാണ് ചെയ്യുന്നത്. കുലൈനിയുടെ ‘അൽ-കാഫി’ എന്ന ഗ്രന്ഥത്തിൽ (ഇവരുടെ ബുഖാരി എന്നാണ് ഈ ഗ്രന്ഥം അറിയപ്പെടുന്നത്) എഴുതിവെച്ചിരിക്കുന്നത്, പ്രവാചകൻ ﷺക്ക് മുലകൊടുത്തത് അബൂത്വാലിബ് ആണെന്നാണ്! മാത്രമല്ല, അലി رضي الله عنه വിന് പ്രവാചകൻ ﷺ തൻ്റെ നാവ് വായിൽ വെച്ചുകൊടുത്ത് മുലയൂട്ടിയെന്നും, ഹുസൈൻ رضي الله عنه വിന് പ്രവാചകൻ മുലകൊടുത്തുവെന്നും തുടങ്ങി അങ്ങേയറ്റം അറപ്പുളവാക്കുന്നതും പ്രവാചകനെ കൊച്ചാക്കുന്നതുമായ കഥകൾ ഇവർ പ്രചരിപ്പിക്കുന്നു.

സ്വഹാബികളെക്കുറിച്ചാകട്ടെ, അബൂബക്കർ, ഉമർ, ഉസ്മാൻ, മുആവിയ رضي الله عنهم എന്നിവരെ ‘നാല് വിഗ്രഹങ്ങൾ’ എന്നാണ് ഇവർ വിളിക്കുന്നത്. ആയിശ رضي الله عنها, ഹഫ്സ رضي الله عنها തുടങ്ങിയ ഉമ്മഹാത്തുൽ മുഅ്മിനീങ്ങളെയും ഇവർ ശപിക്കുന്നു. “തഖിയ്യ എൻ്റെ മതമാണ്, തഖിയ്യ ഇല്ലാത്തവന് മതമില്ല” എന്ന അവരുടെ തത്വം ഉപയോഗിച്ച്, സുന്നികളുടെ മുൻപിൽ ഇവർ സ്വഹാബികളെ പുകഴ്ത്തുമെങ്കിലും, രഹസ്യമായി അവരെ ശപിക്കുകയും കാഫിറുകളായി ചിത്രീകരിക്കുകയും ചെയ്യുന്നു.

4. ‘നാസിബി’ എന്ന മുദ്രകുത്തലും സുന്നി വേട്ടയും

​അഹ്‌ലുസ്സുന്നത്തി വൽ ജമാഅത്തിനെ ഇവർ വിളിക്കുന്നത് ‘നാസിബികൾ’ എന്നാണ്. ആരാണ് നാസിബി? അലി رضي الله عنه വിനെ വെറുക്കുന്നവൻ എന്നല്ല അവർ ഉദ്ദേശിക്കുന്നത് (യഥാർത്ഥത്തിൽ അഹ്‌ലുസ്സുന്ന അലി رضي الله عنه വിനെ സ്നേഹിക്കുന്നു). മറിച്ച്, അബൂബക്കർ رضي الله عنه, ഉമർ رضي الله عنه, എന്നിവരെ അലി رضي الله عنه വിനേക്കാൾ മുന്തിക്കുന്നവരാരോ അവരാണ് നാസിബികൾ.

ഇവരുടെ പണ്ഡിതനായ അൽ-ജസാഇരിയും മജ്ലിസിയും വിധിക്കുന്നത്, “നാസിബികൾ (സുന്നികൾ) നജസാണ് (അശുദ്ധരാണ്), കാഫിറാണ്, അവരുടെ രക്തവും സമ്പത്തും ഹലാലാണ്” എന്നാണ്. “നിനക്ക് ഒരു നാസിബിയെ കിട്ടിയാൽ അവനെ കൊന്നേക്കുക, അവന്റെ സമ്പത്ത് നീ എടുത്തോളൂ, അതിൽ നിന്ന് അഞ്ചിലൊന്ന് (ഖുമ്പ്സ്) ഇമാമിന് നൽകുക” എന്ന് അവരുടെ ഗ്രന്ഥങ്ങളിൽ കാണാം.

​സിറിയയിലും ഇറാഖിലും യെമനിലും നാം കണ്ടുകൊണ്ടിരുന്ന ക്രൂരതകൾക്ക് പിന്നിൽ ഈ വിശ്വാസമാണ്. സിറിയയിൽ പിഞ്ചുകുഞ്ഞുങ്ങളെ അറുത്തുകൊലപ്പെടുത്തുന്നതും, സുന്നി സ്ത്രീകളെ മാനഭംഗപ്പെടുത്തുന്നതും ഈ വികൃതമായ വിശ്വാസത്തിന്റെ അടിസ്ഥാനത്തിലാണ്. ‘യാ ല സാറാതിൽ ഹുസൈൻ’ (ഹുസൈന്റെ രക്തത്തിന് പകരം ചോദിക്കുന്നവർ) എന്ന മുദ്രാവാക്യം വിളിച്ചുകൊണ്ട് അവർ കൊലപ്പെടുത്തുന്നത്, ഹുസൈൻ رضي الله عنه വിനെ കൊന്നവരെയല്ല, മറിച്ച് ഇന്നത്തെ നിരപരാധികളായ സുന്നികളെയാണ്.

5. അപകടകരമായ രാഷ്ട്രീയ ലക്ഷ്യങ്ങൾ

​യെമനിലെ ഹൂഥികളും, സിറിയയിലെ നുസൈരികളും (അലവികൾ), ഇറാഖിലെയും ഇറാനിലെയും റാഫിദികളും ഒറ്റക്കെട്ടായി നിന്ന് അഹ്‌ലുസ്സുന്നക്കെതിരെ പോരാടിയത് യാദൃശ്ചികമല്ല. ഇറാനിൽ സുന്നികൾക്ക് പള്ളികൾ നിർമ്മിക്കാൻ അനുവാദമില്ല. ജൂതന്മാർക്കും ക്രിസ്ത്യാനികൾക്കും അവിടെ ആരാധനാലയങ്ങളുണ്ട്, എന്നാൽ തൗഹീദ് പറയുന്നവർക്ക് അവിടെ ഇടമില്ല.

​അവരുടെ ‘മഹ്ദി’ വരുമ്പോൾ ആദ്യം ചെയ്യുന്നത് മദീനയിലെത്തുകയും, പ്രവാചകൻ ﷺയുടെ ഖബർ മാന്തിപ്പൊളിച്ച് അബൂബക്കർ رضي الله عنه, ഉമർ رضي الله عنه എന്നിവരുടെ മൃതശരീരങ്ങൾ പുറത്തെടുത്ത് ക്രൂശിക്കുകയും കത്തിക്കുകയും ചെയ്യുമെന്നാണ് മജ്ലിസി ‘ബിഹാറുൽ അൻവാറിൽ’ പറയുന്നത്. മസ്ജിദുുന്നബവി പൊളിച്ചുനീക്കുമെന്നും അവർ വിശ്വസിക്കുന്നു.

ഇതാണ് റാഫിദികളുടെ യഥാർത്ഥ മുഖം. പുറമേയ്ക്ക് സ്നേഹവും ഐക്യവും നടിക്കുമ്പോഴും, ഉള്ളിൽ ഇസ്ലാമിനോടും മുസ്ലിംകളോടും കൊടും പക സൂക്ഷിക്കുന്നവരാണിവർ. തൗഹീദിനെ തകർത്ത്, ശിർക്കിനെയും വ്യക്തിപൂജയെയും പ്രതിഷ്ഠിക്കാനാണ് അവർ ശ്രമിക്കുന്നത്. അല്ലാഹുവിന്റെ വചനങ്ങളെയും പ്രവാചകചര്യയെയും അവർ വികൃതമാക്കി.

​മുസ്ലിം ഉമ്മത്ത് ഈ അപകടത്തെക്കുറിച്ച് ജാഗരൂകരാകേണ്ടതുണ്ട്. അഹ്‌ലുസ്സുന്നത്തി വൽ ജമാഅത്തിന്റെ പാതയിൽ ഉറച്ചുനിൽക്കാനും, ബിദഈ കക്ഷികളുടെയും ശത്രുക്കളുടെയും ഗൂഢനീക്കങ്ങളെ തിരിച്ചറിയാനും അല്ലാഹു നമ്മെ അനുഗ്രഹിക്കട്ടെ. അല്ലാഹു റാഫിദികളുടെ ശല്യത്തിൽ നിന്ന് ഇസ്ലാമിക ലോകത്തെ കാത്തുരക്ഷിക്കട്ടെ.

മുഹമ്മദ് അമീൻ

www.kanzululoom.com