ആരാധനകളര്‍പ്പിക്കപ്പെടുന്ന ഏതിനും അറബി ഭാഷയില്‍ പറയുന്ന ഒരു പൊതു നാമമാണ് ‘ഇലാഹ്’ എന്നത്. കല്ലിനും മരത്തിനും ശവകുടീരത്തിനും തുടങ്ങി മനുഷ്യനെയോ മറ്റേത് സൃഷ്ടികളെയോ ആരാധിച്ചാലും ആ ആരാധനകളര്‍പ്പിക്കുന്ന വ്യക്തിയുടെ ഇലാഹുകളാണവ. അപ്പോൾ ഈ ലോകത്ത് ധാരാളം ഇലാഹുകൾ (ആരാധ്യൻമാര്‍) ഉണ്ട്. എന്നാൽ ആരാധനക്ക് അര്‍ഹൻ അഥവാ യഥാര്‍ത്ഥ ഇലാഹ് അല്ലാഹു മാത്രമാണ്. വ്യാജമായ സര്‍വ ആരാധനകളെയും നിരാകരിച്ചുകൊണ്ട് ന്യായമായ ആരാധന അല്ലാഹുവിന് മാത്രമേ അവകാശമുള്ളൂ എന്ന പ്രഖ്യാപനമാണ് لاَ إِلَهَ إِلاَّ الله (ലാ ഇലാഹ ഇല്ലല്ലാഹ്) എന്ന ഇസ്‌ലാമിന്റെ പ്രഥമ പ്രധാനമായ ആദ൪ശ വാക്യം ഉള്‍ക്കൊള്ളുന്നത്.
مَا ٱتَّخَذَ ٱللَّهُ مِن وَلَدٍ وَمَا كَانَ مَعَهُۥ مِنْ إِلَٰهٍ ۚ إِذًا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعْضُهُمْ عَلَىٰ بَعْضٍ ۚ سُبْحَٰنَ ٱللَّهِ عَمَّا يَصِفُونَ
അല്ലാഹു യാതൊരു സന്താനത്തെയും സ്വീകരിച്ചിട്ടില്ല. അവനോടൊപ്പം യാതൊരു ഇലാഹും ഉണ്ടായിട്ടില്ല. അങ്ങനെയായിരുന്നുവെങ്കില്‍ ഓരോ ദൈവവും താന്‍ സൃഷ്ടിച്ചതുമായി പോയിക്കളയുകയും, അവരില്‍ ചിലര്‍ ചിലരെ അടിച്ചമര്‍ത്തുകയും ചെയ്യുമായിരുന്നു. അവര്‍ പറഞ്ഞുണ്ടാക്കുന്നതില്‍ നിന്നെല്ലാം അല്ലാഹു എത്ര പരിശുദ്ധന്‍! (ഖു൪ആന്‍:23/91)
അല്ലാഹുവിൽ വിശ്വസിക്കുകയും എന്നാൽ അല്ലാഹുവല്ലാത്തവരെ അഥവാ മരണപ്പെട്ടുപോയ മഹാൻമാരെ ഇലാഹ് ആക്കുന്നവര്‍ മുസ്ലിം സമുദായത്തിലുണ്ട്. ഞങ്ങൾ ഔലിയാക്കളെ ഇലാഹ് ആക്കുന്നുവെന്ന് അവര്‍ പറയുകയില്ല. എന്നാൽ അവരോട് സഹായം തേടിയും പ്രാര്‍ത്ഥിച്ചും അവര്‍ അവരെ ഇലാഹ് ആക്കുന്നു. അല്ലാഹുവോടൊപ്പം മറ്റൊരു ഇലാഹിനെയും നിങ്ങൾ ആക്കരുതെന്ന വിശുദ്ധ ഖുര്‍ആനിലെ പ്രയോഗം അവരെ ഓര്‍മ്മിപ്പിക്കുന്നു.
മുഹമ്മദ് നബി ﷺ യുടെ ആദര്‍ശത്തിന് എതിര് നിൽക്കുന്നവരാണ് അല്ലാഹുവോടൊപ്പം മറ്റു ഇലാഹിനെ സ്ഥാപിക്കുന്നവര്‍.
إِنَّا كَفَيْنَٰكَ ٱلْمُسْتَهْزِءِينَ ﴿٩٥﴾ ٱلَّذِينَ يَجْعَلُونَ مَعَ ٱللَّهِ إِلَٰهًا ءَاخَرَ ۚ فَسَوْفَ يَعْلَمُونَ ﴿٩٦﴾
പരിഹാസക്കാരില്‍ നിന്ന് നിന്നെ സംരക്ഷിക്കാന്‍ തീര്‍ച്ചയായും നാം മതിയായിരിക്കുന്നു. അതായത് അല്ലാഹുവോടൊപ്പം മറ്റു ഇലാഹിനെ സ്ഥാപിക്കുന്നവര്‍ (പിന്നീട്‌) അവര്‍ അറിഞ്ഞ് കൊള്ളും. (ഖു൪ആന്‍:15/95-96)
മുഹമ്മദ് നബി ﷺ യുടെ ഉമ്മത്തിന്റെ നിലപാട് എന്തായിരിക്കണം. അല്ലാഹു പറയുന്നു:
وَلَا تَدْعُ مَعَ ٱللَّهِ إِلَٰهًا ءَاخَرَ ۘ لَآ إِلَٰهَ إِلَّا هُوَ ۚ
അല്ലാഹുവോടൊപ്പം വേറെ യാതൊരു ഇലാഹിനെയും നീ വിളിച്ച് പ്രാര്‍ത്ഥിക്കുകയും ചെയ്യരുത്‌. അവനല്ലാതെ യാതൊരു ദൈവവുമില്ല. (ഖു൪ആന്‍:28/88)
فَفِرُّوٓا۟ إِلَى ٱللَّهِ ۖ إِنِّى لَكُم مِّنْهُ نَذِيرٌ مُّبِينٌ ﴿٥٠﴾ وَلَا تَجْعَلُوا۟ مَعَ ٱللَّهِ إِلَٰهًا ءَاخَرَ ۖ إِنِّى لَكُم مِّنْهُ نَذِيرٌ مُّبِينٌ ﴿٥١﴾
അതിനാല്‍ നിങ്ങള്‍ അല്ലാഹുവിങ്കലേക്ക് ഓടിച്ചെല്ലുക. തീര്‍ച്ചയായും ഞാന്‍ നിങ്ങള്‍ക്ക് അവന്‍റെ അടുക്കല്‍ നിന്നുള്ള വ്യക്തമായ താക്കീതുകാരനാകുന്നു. അല്ലാഹുവോടൊപ്പം മറ്റൊരു ഇലാഹിനെയും നിങ്ങള്‍ സ്ഥാപിക്കാതിരിക്കുകയും ചെയ്യുക. തീര്‍ച്ചയായും ഞാന്‍ നിങ്ങള്‍ക്ക് അവന്‍റെ അടുക്കല്‍ നിന്നുള്ള വ്യക്തമായ താക്കീതുകാരനാകുന്നു. (ഖു൪ആന്‍:51/50-51)
{അല്ലാഹുവിനോടൊപ്പം മറ്റൊരു ഇലാഹിനെയും നിങ്ങള്‍ സ്ഥാപിക്കാതിരിക്കുകയും ചെയ്യുക} ഇതാണ് അല്ലാഹുവിലേക്കുള്ള യഥാര്‍ഥ ഓടിച്ചെല്ലല്‍. അല്ലാഹുവിന് പുറമെ ആരാധിക്കപ്പെടുന്ന ക്വബ്‌റുകള്‍, സമന്മാര്‍, ബിംബങ്ങള്‍ എന്നിവയെ ആരാധ്യന്മാരായി സ്വീകരിക്കുന്നതിൽ നിന്നും ഒരു അടിമ ഓടിച്ചെല്ലുക. തന്റെ ആരാധനയും ഭയവും പ്രതീക്ഷയും പ്രാര്‍ഥനയും മടക്കവും തന്റെ രക്ഷിതാവിന് മാത്രമാക്കുകയും ചെയ്യുക. (തഫ്സീറുസ്സഅ്ദി)
ഇബാദു റഹ്മാന്റെ വിശേഷണമായി അല്ലാഹു പറയുന്നു:
ﻭَٱﻟَّﺬِﻳﻦَ ﻻَ ﻳَﺪْﻋُﻮﻥَ ﻣَﻊَ ٱﻟﻠَّﻪِ ﺇِﻟَٰﻬًﺎ ءَاﺧَﺮَ ﻭَﻻَ ﻳَﻘْﺘُﻠُﻮﻥَ ٱﻟﻨَّﻔْﺲَ ٱﻟَّﺘِﻰ ﺣَﺮَّﻡَ ٱﻟﻠَّﻪُ ﺇِﻻَّ ﺑِﭑﻟْﺤَﻖِّ ﻭَﻻَ ﻳَﺰْﻧُﻮﻥَ ۚ ﻭَﻣَﻦ ﻳَﻔْﻌَﻞْ ﺫَٰﻟِﻚَ ﻳَﻠْﻖَ ﺃَﺛَﺎﻣًﺎ
അല്ലാഹുവോടൊപ്പം വേറെയൊരു ഇലാഹിനോടും വിളിച്ചു പ്രാര്‍ത്ഥിക്കാത്തവരും, അല്ലാഹു പവിത്രമാക്കി വെച്ചിട്ടുള്ള ജീവനെ ന്യായമായ കാരണത്താലല്ലാതെ ഹനിച്ചു കളയാത്തവരും, വ്യഭിചരിക്കാത്തവരുമാകുന്നു അവര്‍. ആ കാര്യങ്ങള്‍ വല്ലവനും ചെയ്യുന്ന പക്ഷം അവന്‍ പാപഫലം കണ്ടെത്തുക തന്നെ ചെയ്യും. (ഖുർആൻ:25/68)
അല്ലാഹുവോടൊപ്പം മറ്റു ഇലാഹിനെ സ്ഥാപിക്കുന്നവര്‍ക്ക് അതിന് യാതൊരു തെളിവുമില്ല.
وَمَن يَدْعُ مَعَ ٱللَّهِ إِلَٰهًا ءَاخَرَ لَا بُرْهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓ ۚ إِنَّهُۥ لَا يُفْلِحُ ٱلْكَٰفِرُونَ
വല്ലവനും അല്ലാഹുവോടൊപ്പം മറ്റ് വല്ല ഇലാഹിനെയും വിളിച്ച് പ്രാര്‍ത്ഥിക്കുന്ന പക്ഷം- അതിന് അവന്‍റെ പക്കല്‍ യാതൊരു പ്രമാണവും ഇല്ല തന്നെ – അവന്‍റെ വിചാരണ അവന്‍റെ രക്ഷിതാവിന്‍റെ അടുക്കല്‍ വെച്ചുതന്നെയായിരിക്കും. സത്യനിഷേധികള്‍ വിജയം പ്രാപിക്കുകയില്ല; തീര്‍ച്ച. (ഖു൪ആന്‍:23/117)
അത്തരക്കാര്‍ക്ക് ലഭിക്കാനുള്ളതോ? അല്ലാഹു പറയുന്നു:
لَّا تَجْعَلْ مَعَ ٱللَّهِ إِلَٰهًا ءَاخَرَ فَتَقْعُدَ مَذْمُومًا مَّخْذُولًا
അല്ലാഹുവോടൊപ്പം മറ്റൊരു ഇലാഹിനെയും നീ സ്ഥാപിക്കരുത്‌. എങ്കില്‍ അപമാനിതനും കയ്യൊഴിക്കപ്പെട്ടവനുമായി നീ ഇരിക്കേണ്ടി വരും. (ഖു൪ആന്‍:17/22)
وَلَا تَجْعَلْ مَعَ ٱللَّهِ إِلَٰهًا ءَاخَرَ فَتُلْقَىٰ فِى جَهَنَّمَ مَلُومًا مَّدْحُورًا
അല്ലാഹുവോടൊപ്പം മറ്റൊരു ഇലാഹിനെയും നീ സ്ഥാപിക്കരുത്‌. എങ്കില്‍ ആക്ഷേപിക്കപ്പെട്ടവനും പുറം തള്ളപ്പെട്ടവനുമായി നീ നരകത്തില്‍ എറിയപ്പെടുന്നതാണ്‌. (ഖു൪ആന്‍:17/39)
{مَلُومًا مَدْحُورًا} أي: قد لحقتك اللائمة واللعنة والذم من الله وملائكته والناس أجمعين.
{ആക്ഷേപിക്കപ്പെട്ടവനും പുറം തള്ളപ്പെട്ടവനുമായി}അല്ലാഹുവിൽ നിന്നും മലക്കുകളിൽ നിന്നും മുഴുവൻ മനുഷ്യരിൽ നിന്നുമുള്ള ആക്ഷേപവും ശാപവും നിന്ദ്യതയുമുണ്ട്. (തഫ്സീറുസ്സഅ്ദി)
കാരുണ്യത്തിന്റെയും അനുഭാവത്തിന്റെയും കണികപോലും ലഭിക്കാതെ കാലാകാല നരകശിക്ഷ അനുഭവിക്കേണ്ടി വരും. (അമാനി തഫ്സീര്‍)
فَلَا تَدْعُ مَعَ ٱللَّهِ إِلَٰهًا ءَاخَرَ فَتَكُونَ مِنَ ٱلْمُعَذَّبِينَ
ആകയാല്‍ അല്ലാഹുവോടൊപ്പം മറ്റൊരു ഇലാഹിനെയും നീ വിളിച്ചു പ്രാര്‍ത്ഥിക്കരുത് എങ്കില്‍ നീ ശിക്ഷിക്കപ്പെടുന്നവരുടെ കൂട്ടത്തിലായിരിക്കും. (ഖു൪ആന്‍:26/213)
أَلْقِيَا فِى جَهَنَّمَ كُلَّ كَفَّارٍ عَنِيدٍ ﴿٢٤﴾ مَّنَّاعٍ لِّلْخَيْرِ مُعْتَدٍ مُّرِيبٍ ﴿٢٥﴾ ٱلَّذِى جَعَلَ مَعَ ٱللَّهِ إِلَٰهًا ءَاخَرَ فَأَلْقِيَاهُ فِى ٱلْعَذَابِ ٱلشَّدِيدِ ﴿٢٦﴾
(അല്ലാഹു മലക്കുകളോട് കല്‍പിക്കും:) സത്യനിഷേധിയും ധിക്കാരിയുമായിട്ടുള്ള ഏതൊരുത്തനെയും നിങ്ങള്‍ നരകത്തില്‍ ഇട്ടേക്കുക. അതായത് നന്‍മയെ മുടക്കുന്നവനും അതിക്രമകാരിയും സംശയാലുവുമായ ഏതൊരുത്തനെയും.അതെ, അല്ലാഹുവോടൊപ്പം വേറെ ഇലാഹിനെ സ്ഥാപിച്ച ഏതൊരുവനെയും. അതിനാല്‍ കഠിനമായ ശിക്ഷയില്‍ അവനെ നിങ്ങള്‍ ഇട്ടേക്കുക. (ഖു൪ആന്‍:50/24-26)
{അതെ, അല്ലാഹുവോടൊപ്പം വേറെ ആരാധ്യനെ സ്ഥാപിച്ച ഏതൊരുവനെയും} അല്ലാഹുവിന് പുറമെ യാതൊരു ഉപകാരമോ ഉപദ്രവമോ ചെയ്യാന്‍ കഴയാത്ത, മരണമോ ജീവിതമോ ഉയിര്‍ത്തെഴുന്നേല്‍പോ നടത്തുവാന്‍ – യാതൊന്നിനും – കഴിവില്ലാത്തവനെ അവന്‍ ആരാധിച്ചു. {അതിനാല്‍ നിങ്ങള്‍ ഇട്ടേക്കുക} സഹചാരികളായ രണ്ട് മലക്കുകളേ നിങ്ങള്‍. {കഠിനമായ ശിക്ഷയില്‍} ഏറ്റവും കഠിനവും നീചവുമായ. (തഫ്സീറുസ്സഅ്ദി)
www.kanzululoom.com