സുലൈമാന്‍ നബി(അ) തന്റെ സദസ്സസില്‍ വെച്ച് അങ്ങ് അകലെയുള്ള സബഇലെ ബില്‍ക്കീസ് രാജ്ഞിയുടെ സിംഹാസനം അവ൪ ഇവിടെ എത്തുന്നതിന് മുമ്പ് ആരാണ് എടുത്തുകൊണ്ട് തരികയെന്ന് ചോദിച്ചപ്പോള്‍ ജിന്നില്‍ പെട്ട ഒരു മല്ലന്‍ അത് ഉച്ചക്ക് മുമ്പ് എടുത്തുകൊണ്ട് തരാമെന്നും ആസഫ്‌ ബിൻ ബർഖിയാ എന്ന് പേരുള്ള വലിയ്യ് താങ്കള്‍ കണ്ണ് ചിമ്മി തുറക്കുന്നതിന് മുമ്പ് അത് എടുത്തുകൊണ്ട് വരാമെന്ന് പറയുകയും അത് കൊണ്ട് തന്നെ അഭൌതികമായ സഹായതേട്ടം അല്ലാഹു അല്ലാത്തവരോട് തേടാമെന്നും നമ്മുടെ നാട്ടില്‍ ചില൪ പ്രചരിപ്പിക്കുകയും വാദിക്കുകയും ചെയ്യുന്നു.ഈ സംഭവത്തിലൂടെ സമൂഹത്തെ ബോധപൂ൪വ്വം തെറ്റിദ്ധരിപ്പിക്കുകയാണ് ഇക്കൂട്ട൪ ചെയ്യുന്നത്.ഇതിന്റെ വസ്തുത അറിയുന്നതിനായി പ്രസ്തുത കാര്യങ്ങള്‍ വിവരിക്കുന്ന ഖു൪ആന്‍ ആയത്തുകളും പ്രാമാണികരായ മുഫസ്സിറുകളുടെ വ്യാഖ്യാനവും നാം മനസ്സിലാക്കേണ്ടതുണ്ട്.